ماهو تصورك عن مكان السكن بعد الزواج؟

شقة واسعة ملك وبعد التوسع فلة تتناسب مع حجم الاسرة

جميل جداً جالس اشطب شقتي .. والاثاث نتشارك ب الرئي انا وزوجتي باذن الله

اذا مسيار شقه مفروشه واذا زواج كامل وماعندها سكن اكيد باخذ لها شقه

أحب أعيش في بيت هادئ ومستقر مع زوجي ونختار معًا المكان اللي يريحنا

اذا وسع القلب لمحبة الشخص يوسع المكان اللي ينعاش فيه معه لو أنه عش

المكان ليس مهم بقدر الاستقرار و الراحه والطمأنينه والشعور بالامان

تصوري عن السكن هي الزوجة الصالحة وبعدها اين ما تكون ستكون بخير

اهم شي يكون البيت واسع مافيه متاهه غرف كثيره تجيب لي الضيقه

السكن هو مكان للإستقرار والهدوء والراحة والزوجة سكن للزوج

مو مهم حسب امكانياته وظروفة المادية ومع الوقت يتغير كل شئ

مكان مليء بالود والاحترام والتقدير والسكينة ولو كان خيمة

مكان مناسب لاستقرار وراحة الحياة الزوجية ولكوين الاسرة

مايفرق كثير حتى لو كان عند اهله طالما تكون شقه منفصله

المكان دافيء وجميل بأهله ويعجبني المنزل الذي يسمح للشمس أن تسكن معنا فيه .

سكن مستقل ، عندي مرونه خارج الرياض ( منطقه الخبر او الجبيل ) ماعدا ذلك لا افضل !

من وجهة نظري ، أرى أن السكن المستقل بعد الزواج أمر مهم لبناء حياة زوجية مستقرة قائمة على الخصوصية والراحة ، لا أمانع أن يكون السكن قريبًا من العائلة إذا كانت الظروف مناسبة ، لكن الأهم بالنسبة لي أن يكون هناك توازن يضمن الخصوصية وبالطبع ، أؤمن أن قرار السكن يجب أن يُتخذ بالتفاهم بين الطرفين ، بما يتناسب مع الظروف المادية والاجتماعية

الوضع الطبيعي في بيتي وبيتي عند مقر عملي وانا عملي في الجييل وعملي في الجبيل والي باذن الله بتكون زوجتي اكيد بتسكن معي يعني مع زوجها بصراحه سوال الكل يدري عن الحواب

مكان استقراري وراحتي ،مكان يوجد به لمساتي وكل ما احب ، أينما ذهبت احلق مثل الطير واعود لعشي .. امارس فيه هواياتي ، لا احد يدخله دون رغبتي لاي سبب كان ..

السكن بشكل مستقل لأسباب عديدة، منها تحقيق الاستقلالية والخصوصية، وتجنب التدخلات الخارجية، وتكوين حياة زوجية خاصة بهم، والسعي لتحقيق التفاهم والانسجام.

حسب امكانية الزوج ومن المفترض ان تكون الزوجه على علم بالتفاصيل عشان تكون مقدره للظروف ان كانت صعبه او سيئه او معدومه ( مو حلوه المفاجئات)

أتمنى يكون مكان السكن مستقل ومريح، يكون مناسب لحياتنا اليومية من حيث المساحة، لا كبير جداً ولا صغير، ويكون هادئ يمنحنا خصوصية وراحة.

سكن خاص فينا يعني مبدئيا الاغلب شقه لكن الخطه خلال سنتين بعد الاستقرار اكون معمر بيتي الخاص

اسال الله ان يجعله امان ويحل فيه البركة والرحمة يعود له ليبحث عن الهدوء والحب والاستقرار

لا يهم ان كانت ڤيلا او شقة. الأهم هو المساحات الواسعة والتصاميم والألوان وتنسيق المكان.

سكن مستقل فيه اساسيه الحياه مطبخ حمام صاله غرفه نوم اقل شي وباب مستقل ليكون فيه خصوصيه

مكان السكن عندي بيت ملك شقة في عمارة مساحتها كببرة ٢٠في ١٠ وحوش كبير وبه حديقة صغيره

ماعندي تصور.. لأن الرجل اللي راح ارتبط فيه هو اللي راح يعطيني تصور لاحقا كيف بيكون

لايجي إلا اللي مأمن نفسه بملك خاص له وبأسمه موب شقه فوق اهله هم حاطينها له وبكره يتزوج اخوه ونقضب الباب نعيش على ايجار !!! مافي رجال هالوقت مسؤوله اغلبهم يسكنون فوق اهلهم وماعنده تحرك انه يتملك شي يقول بعدين محلوله ويجي متفائل تفائل غبي إذا ماتحركت الحين متى تتحرك بعد ماتغلا الدنيا اكثر وأكثر حتى غرفه ملك ماراح يكون عندك 🙂🙂💔💔💔 اواجه كمية غباء يارب ما انهار من عقول بعض الرجال الغريبه ! خصوصا اللي معتمد على ان اموره تتضبط عن طريق اهله هذا يغثثثثث

أتمنى يكون سكن بعد الزواج مكان مستقل وهادئ، يوفر لنا الراحة والاستقرار ونبني فيه حياتنا خطوة بخطوة.

الأكيد لما شخص يرغب بالارتباط يكون على دراية اني لعيالي الأم والأب ويكون مستعد لهذه الخطوه .

يكون يإذن الله مكان جميل يشمل السعاده والود والحنان والاحترام المتبادل

سكن يضمن راحة واستقلالية وخصوصية الأسرة وهذا موضوع نقاش بين الطرفين حتى يتم اختيار ماهو الأنسب

أعتقد أن السكن الخارجي يوفر الاستقلال والخصوصية وهذا ابسط حقوقً الطرفين

مكان يسوده طمأنينة ، سكينة ، توافق ، احترام ، تقدير

أنا أؤمن إني أستحق مستوى معين من الحياة، فطبيعي ما أقبل أقل مما استحق

مكان خاص ، بيت زوجية (شقة صغيرة ، غرفتين نوم أنا استأجرها)

سكن مستقل ومريح ويكون بيت عائلتنا المستقبلي في الرياض أو الخرج بحيث يكون عندنا نمط حياة مناسب للإحتياجات الأسرة

يجدون به الراحة النفسية والسكن حتى لو قصر كبير او غرفة واحدة

السكن عادة يكون من خصوصيات الزوج وحسب مكان رزقه مع التشاور مع الشريك والاتفاق

بيت دافي مليان مشاعر ومحبه يلجأ له الشخص بعد يوم متعب وطويل

اكيد في بيئة خاصة للزوجين خاصة ، وليست مشتركة مع الاهل

اسكن جمب امي وابوي (بيت منفصل طبعًا، بس نفس العمارة، او الفيلا)

حاليا بشفة مستأجر وخطة امتلاك مسكن قيد التنفيذ قريبا بإذن الله

إيجار لشقة صغيرة على قدنا في البداية، إلين ييسر الله التملك أو مسكن اوسع.

المكان والسكن من مقومات الزواج فان طاب المسكن طابت العلاقة والاستمرار

لا املك سكن وارغب بزواج مسيار يا عندها في البيت او فندق

اذا كانت ظروف الزوجة تسمح أفضّل ينبع واذا كان صعب عليها الخروج من جدة نسكن في جدة

الأهم يكون بيتنا دافئ ومستقر، سواء شقة أو فيلا ما يفرق ومايكون بعيد عن عملي، الفكرة أني أعيش بأمان وراحة مع شريكي

أفضل يكون سكن مستقل يوفر خصوصية وراحة للطرفين ويكون جوّه دافي وهادي

السكن موجود بس يحتاج إلى رجل ذووووق وكريم ويحب الحياة الحلوة والدلع ويكمل الاثاث وينسق معي الحديقة عشان نقضي اجمل ليالي شتويه فيها بحب 🥰

مكان مناسب مرتب ولطبف مليان حب ومشاركة وطاقة ايجابيه

ليس له تصور معين المهم ان يكون مؤشر على ثقة الرجل باقدامه على الزواج دون توجس

عادي حتى لو في خيمه امزح امزح أهم شي يكن يؤويك انت وأسرتك

المهم فيها الحب والحنان والالفه بين الاثنين مايهم حجم السكن

مستقل بطبيعة الحال ..مهما كانت العلاقة العائلية رائعة إلا أن القرب يفسدها

يكون بيت مستقل وفي امنيه بسيطه جداً عند الاخرين بس عندي كبيره يكون لدي بلكونه بغرفة النوم مطله على طبيعه ويكون فيها مرجوحه 😭🤍

كبدايه شقه ! ولما تكبر العايله يجي الي احسن منها ان شاء الله

مهم اكون ببيت ملك ومستقل واكيد مابقصر وبأدي الواجب سوائا ل اهله او اهلي وبصونه وبيته وعياله

سكن مستقل ومريح وحديقة جميلة مع مسبح وصاله رياضيه صغيره

سكن متوافق مع الوضع المادي وهادي وعلى عدد العائله يكون متوسط لا كبير ولا صغير

كل ماكان السكن جيد ومنظم .. يعطيك سلوك وحودة حياة جيدة

افضل ان يكون ف الطائف او جدة او الشرقيه اماكن فيها اهلي و مدن حيويه ام البيت ماعندي مشكله فيه شقه او فله او دور اهم شي فيه خصوصيه مايكون مشترك مع العائله

يهمني استقلاليه ميكون بغير نجد او الشرقيه لكن النصيب والقدر ممكن تنتقل وتغير خططك وافكارك

شيء مناسب، شقة مودرن او دور او شيء لا يشعر بالوحدة ومناسب لعائلة صغيرة

بما اننا حنا في بداية عمرنا احب يكون في شقة ايجار واذا كان في فرصة ونزلت او شقة تمليك بنفس سعر الايجار فا ليش لا

أتخيله بيت دافئ بسيط مليان حب وراحة مو مهم فخم أو كبير أهم شيء أحس فيه بالأمان وأعيش فيه مع شريكي حياة هادئة كلها مودة وسلام

يهدف السكن المستقل إلى بناء حياة زوجية خاصة بالزوجين فقط، مما يعزز التفاهم والانسجام بينهما.

السكن شي اساسي اساس الاستقرار ، لاكن الاهم هو التفاهم والانسجام احيانا تكون البيوت كبيرة ولاكن القلوب صغيره لا امان ولااستقرار ولا سعاده ، والعكس احيانا البيوت صغيره جدا ولكن سعيده و القلوب متحابه وكبيرة ومنسجمة مليانه حب ومشاعر .البيوت من سكانها ليست من اشكالها .

بيت يملئه الموده و الرحمه و ان يكون بمعنى السكن و الأنس الفعلي ..

اعتقد شريكي بيكون شخص مكون نفس ويملك بيت ملك! او ممكن يكون مستآجر

مكان هادئ نظيف ومرتب جداً و مستقل في احياء الرياض النظيفه

بيت يشبهنا بإذن الله✨ يملأه الاحترام والطمأنينة والهدوء مسؤوليات لكلا الطرفين وحسن العشرة تربية اطفال صحيّة زوج رائع متفهم ويقدر ، ويستاهل الحب ❤️.

بيت والبيت هو الساتر واللي ارغب فيه شي ساتر للزوجين لهم ولاحوالهم وحياتهم واسرارهم لبعض وامورهم اللي عادي لو احد يشوف انها تنقال للام او الاخت

سكان خاص بعيد عن جميع أقاربه بيت خاصة فينا نعيش فيه احلى أيامنا

انا عندي بيتي لكن لاارغب الرجل يدخل على عيالي يضع سكن مستقل لو غرفه او استديو

جميل وأنيق والديكوار مرتبه ومتناسقه ويكون شرح مريح وفيه راح البيت مملكه اذ ما ارتحت فيه وين الشخص يرتاح

التصور المعتاد.. القوامة للرجل لذا ما احد بيختار مثل هالقرار ومو مستعد لموضوع السكن والإستقرار طبعاً بمكان مريح ومناسب .

بيت ملك مايهم كبير ومساحات واسعه لكن الملك اكثر استقرارا

غالباً الرياض، والحلم مكة او المدينة كما ان هناك احتمال العودة لسوريا ولكن بعد تأسيس مصدر دخل هناك و وجود الاستقرار والأمان

سكن مستقل للزوجين ويفضل يكون خيار مشترك مناسب لهم والعب المالي على الرجل طبعا

في احدى مدن المملكة العربية السعودية و الأفضل مكة أو جدة إذا امكن

لضرورة الخصوصية بين الزوجين يجب ان يكون المنزل مستقل ضروري جداً

مكان يشبه الشخصين ابدعوا فيه بلمساتهم وافكارهم مطمئنين بداخله، متلهفين يرجعون خارجه

بيت دافي ملموم ومليان حنية وحب وسعادة وهدوء ومودة ورحمة ويكون قائم على مايُرضي الله بيت خاص فينا انا وزوجي ومستقل عن كل العالم يكون عالمنا اللي يحتضنا بعيد عن صجيج العالم

بيت هادئ بسيط، أهم ما فيه الاحترام والسكينة، لا فخامة ولا ضجيج

ليس المهم السكن بل المهم مع من تسكن انا مؤمن ان شريك الزواج هو من يجعل البيت سعيد او يجعله تعيس لكن اتمنى ان اكون اضافة جميلة للسكن وان تكون الزوجة كذلك

مكان مريح وهادئ يوفر الخصوصية، قريب من الخدمات والأهل دون أن يحدّ من الاستقلال، ويجمع بين الراحة والدفء العائلي

سكن يحتوي شخصين عشاق محاط بالرحمه والحب والعطف والحنان والرومنسيه

فيلا أو شقة في منتصف أو شمال الرياض يصحبة أبنائي لإنني الحاضنة لهم

يهمني يكون مكان خاص فينا كعائلة (لا احبذ مشاركة المنزل مع احد)، فيه سكينة بإذن الله وأُلفه.

سكن مناسب يتفق عليه الطرفين من اثاث وديكور والاهم التوافق والمودة

مكان بسيط مريح للطرفين وفعلا يكون سكن لهم ملاذ يلجؤون له بعيد عن الازعاج والصخب والتدخل من اي شخص كان

مستقل، ملموم، دافي، حيوي، فيه واقع وأحلام وحياة. سكن وليس مجرد مكان للنوم وتبديل الملابس، بيت أعود له وأنا مطمئنة وخطواتي خفيفة.. لا ممتعضة ومتثاقلة.

مكان السكن بعد الزواج شي اساسي لان راح يكون شقة مفروشة على حسب عملي لان من سنتين تقريبا إلا ثلاثة سنوات راح اتنقل في بدال ما ادفع نقل عفش ١٠ الف ريال اخذ شقة مفروشة ينتهي كل المبلغ هذا

مكان السكن نوعين سكن الروح وهو حضن الحلال زوجتك عندما انام وهي مستندة على صدي نائمة تسكن الي و اسكن اليها وسكن المنزل من السكون والهدوء والراحة ونظافة المكان وحسن المعشر وطيب رائحة المكان وعدم قذارة المكان وعدم الاهمال وعدم النظافة

أتخيل مكان السكن بعد الزواج يكون واسع ومرتب ويعكس شخصيتنا واهتماماتنا. أهم شي يكون مريح ونظيف، وكل شيء له مكانه. يهمني نحس فيه بالراحة، ويكون جوه هادي ومنظم نقدر نعيش فيه براحة وتفاهم. السكن بالنسبة لي مو مجرد مكان، هو مساحة راحة وطمأنينة نعيش فيها بتفاهم واهتمام متبادل بإذن الله.

أتصور أن يكون مكان السكن هو نقطة انطلاقنا المشتركة، والأولوية هي لراحتها وسهولة وصولها لعملها وأهلها (إذا أمكن). يمكن أن نبدأ بشقة عصرية صغيرة ومريحة في منطقة حيوية، ثم نتطلع سويًا، بعد فترة، لشراء منزل أكبر يناسبنا ويناسب خططنا المستقبلية وعائلتنا الصغيرة. الأهم هو أن نتفق على مكان يشعرها بالأمان والاستقرار

أتمنى بيت بسيط وهادئ، فيه خصوصيتي وراحتي، أهم شي يكون فيه حب ودفء مو حجم أو فخامة، الجو الحلو أهم من المكان نفسه

احب مكان هادي فيه لمسات جميله. ويكون مكان مستقل ليس أجار. وأفضل يكون شمال الرياض جنب اهلي. بس مو بالضرورة.

السكن حسب طبيعة الزواج واتفاق الطرفين وانا احب الا ارتبط بسكن معين احب السفر والمنتجعات وربما السكن الخاص

أفضل سكن يكون مريح سواء شقة او فيلا ملك ويكون اثاثها جديد ومرتب وانيق ، +قريب من المدينه والخدمات

المدينه اللي أنا متواجده فيها في بدايه الزواج ثم إذا لزم الأمر الانتقال لمدينة اخرى ماعندي مشكله

المدينه المنوره المقر الأساسي . وماحولها للتغير من نمط الحياة شهر أو شهرين حسب حاجة زوجي لي

ما يهم المكان بقدر ما تهمني الشخص اللي أعيش معها، إذا كان القلب مرتاح فكل مكان يصير جميل.

ماعندي تصور قوي غير انه يكون مكان هادي مليان حيويه والباقي انا اصنعه (( كاحلام ورديه ))

شقة خفيفه لطيفة الاضائة هادية والاثاث بسيط والمطبخ فيه كل حاجه مانطلع برا الا للتمشيه

اذا كان ملك افضل لكن مو شي اساسي ولو شقة التأثيث على حسب الاحتياج ومع الوقت اهم شي مكان امن وجميل ويعكس الألفة و الود

“أحب يكون السكن مستقل، هادي، ويعكس راحة الطرفين… ما يهمني موقع معيّن بقدر ما يهمني يكون بيتنا دافئ ومليان احترام واستقرار.

بيت بسيط فيه دفء وهدوء، نبدأه سوا بخطواتنا الصغيرة، الأهم مو المكان بقدر الإحساس اللي نخلقه فيه… بيتنا يكون راحتنا ومملكتنا.

1. مكان راحة مو مجرد بيت. يكون فيه دفء، ضحك، وريحة قهوة تجمعكم آخر الليل. 2. خصوصي ومستقل. حتى لو العائلة قريبة، وجود مساحة تخصكم يعطي العلاقة نضج وهدوء. 3. مرتب على ذوقكم أنتم الاثنين. من الأثاث للألوان، يكون فيه لمسة من كل واحد فيكم، كأن البيت يحكي قصتكم. 4. مليان تفاهم مو صمت. يعني لو صار خلاف، المكان يحتضن الحوار، مو الصراخ. 5. وفيه زاوية راحة. كرسيك المفضل، أو جلسة مطلة، أو حتى حوش بسيط تشرب فيه قهوتك بعد يوم طويل. وبالأسلوب الجنوبي نقول: البيت بعد الزواج ما هو جدران، هو طمأنينة، وإذ

‏الجميع يكون هناك سكن للعمل وسكن ‏للعطلات في مكان مقدس أو منطقة جبلية باردة أو مدينة شاطئية إذا كان للزوجة سكن يتولى الزوج تكاليفه و الأفضل لأم الأبناء من زواج سابق الاتفاق مع الزوج على سكن حسب ظروفهم أفضل من دخول زوج جديد على أطفالها

مكان هادئ على قدنا نحنا الاثنين ، ممكن يكون عندنا غرف اضافية لإستقبال الأولاد وقت الزيارات ، حالياً عندي بنت وحدة هي اللي تسكن معايا و الاثنين الآخريين في الجامعة ، و احلم دائماً ببيت التقاعد في أي مدينة في العالم مطلة على البحر

احس اني بسكن بالدمام ودي اروح هناك رغم اني بجده بس يلا تغير جو ومكان وعالم وعادات جديده ههههههه مدري ليه حسيت اني بخرج برا السعوديه بس يعتبر المكان المفضل بنسبه لي بعد جده والمدينه

أتمنى سكن هادئ ومستقر يوفّر خصوصية وراحة للطرفين. ما عندي مشكلة في المدينة طالما أنها تناسب عملنا واستقرارنا… المهم يكون “بيت” مو مجرد مكان

بصراحة ما أهتم بمكان السكن قدر ما يهمني منظر الشمس وهو داخل على البيت والهواء ومزروعات صغيرة محيطة بالسكن تجدد الهواء 🌱 لو كان في المريخ !

‏بإذن الله يكون السكن مستقلاً ومريحاً، يوفر الخصوصية والأمان ويتيح بيئة هادئة تناسب الحياة العائلية وتعزز الاستقرار والراحة بين الزوجين

شقه ايجار والسبب مانبي نعيش حياتنا بضغوطات مادية علما بان فيه أشياء مهمه نصرف عليها المادة مثل المصروفات اليوميه طلبات الزوجة السفر

ما أتخيله كبير مرة، لكن شرح وشبابيكه كبيرة لأني أحب الشمس تدخل البيت، أتمنى لو مو شقة يكون عندنا مساحة خارجية مفتوحة وأزرع فيها.

مكان مريح وهادئ، يناسب طبيعة حياتنا ودوامنا و أهم شيء يكون متفقين عليه ويحسسنا بالاستقرار

شقة او بيت منفصل عشان الزوجين يكونوا اسرة خاصة فيهم وممكن الاثنين يتعاونوا ويشتروا منزل للعمر

شقة تكون جيدة مناسبه للطرفين وأن تكون قنوعه في السكن المستقل لها الذي يوفره لها شريك حياتها المستقبلي .

يجب ان يكون السكن بعد الزواج مكان مناسب لاقامة اسرة محافظة على خصوصيتها واهتماماتها بدون اي تأثيرات خارجية

أشوف السكن يكون مستقل وهادئ، يوفر راحة لنا الاثنين. مكان مناسب، ما يهم الموقع بقدر ما يهم الشعور بالاستقرار والخصوصية.

مكان دافئ وحياة مستقرة لا مانع من بعض العقبات ولكن نحن هكذا نصد ونكمل ونواصل اسعي الي تكوين عائلة ميثالية ترفض الاستسلام بسهولة

أتمنى يكون مكان السكن بعد الزواج بيت مريح، يوفر خصوصية وراحة للطرفين، ويكون مناسب لظروف عملنا وحياتنا.

مكان نظيف واسع في منطقة هادئة قريبة من المنافع. وان كانت شقة واسعة ويكون بها بلكونة ذات مطل مفتوح وجميل

دايما الشخص يطمح للأفضل لكن يجب مراعاة ظروف الرجل قدر المستطاع فلذلك رح يكون شقه او دور والاهم مكان يسترنا

انا اسكن ايجار في منزل مستقل ، كان لدي تجارب في تملك بعض من العقار ولكي اختصر هذا هدف لا يغيب عن اي رب أسرة

تنتقل المرأة إلى بيت زوجها أين ماكان مع المحافظة على المستوى الاجتماعي الي كانت في المرأة او احسن ما ينزلها عن مستواها

البيئة و الموقع و المكان مهم طبعاً واهمها المنظر الداخلي والخارجي و التصميم الهندسي والديكور والأثاث احب التفاصيل و الأناقة والاهتمام في سكن مريح يدوم سنين وزمن جميل 💗

إذا كانت المودة وارحمة بين الزوجين فهو سكنهما واذا كان الحب فهو جنتهما الدنيوية، المودة والرحمة إذا نمت وترعرعت بين الزوجين مع الوقت تصبح حباً ينمو ويترعرع حتى يصبحان كمثل الروحين في جسد واحد.

مكان جديد ما سكنت فيه امرأة قبلي، بيت هادئ ومريح وجوّه دافي ومليان طمأنينة. ما يهمني المكان قد ما يهمني إن البيت يكون يشبهنا الاثنين في تفاصيلنا ، ونأسس فيه حياة مستقرة ، لأن البيت الحقيقي هو بسكانه

أتصور أن يكون مكان السكن هو نقطة انطلاقنا المشتركة والأولوية هي لراحتها وسهولة وصولها لعملها وأهلها يمكن أن نبدأ بشقة عصرية صغيرة ومريحة في منطقة حيوية، ثم نتطلع سويًا بعد فترة لشراء منزل أكبر يناسبنا ويناسب خططنا المستقبلية وعائلتنا الصغيرة. الأهم هو أن نتفق على مكان يشعرها بالأمان والاستقرار

مبدئيا بيت حلو ملموم ٣-٤ غرف نوم تكفي و تكون مرتبه ومصممه لأهل البيت وليس للزوار. السكن راح يكون في الرياض بحكم الوظائف ولكن الله اعلم مستقبلا

الشعور الجميل والفرح والسعاده هي ان تكون بين الشخصين المتفاهمين في كل شي وليس المكان وبالنسبه لي الزوجه الصالحه هي الي تنور المكان والحياه اذا كان الشريك المناسب وان تكون انثى بتعاملها ورقتها وكلامها واسلوبها

مكان السكن بعد الزواج هو أمر نتخذه سوياً بما يحقق لنا الراحة والاستقرار. الأهم عندي أن نكون في بيئة هادئة ومناسبة لنا، سواء كانت قريبة من عملنا أو من أهلنا، وبما يضمن حياة مستقرة وخصوصية جميلة لنا. القرار يكون مشترك، لأن بيتنا هو بداية حياتنا الجديدة.

أتمنى أن يكون مسكننا بعد الزواج مكانًا هادئًا وآمنًا، يعكس الاستقرار والراحة، يكون ملائمًا للحياة الزوجية وبعيدًا عن الضوضاء والتوتر. أقدّر وجود بيت نظيف ومرتب يسمح لنا ببناء حياة منظمة ومستقرة، ويكون مساحة تجمعنا كأسرة صغيرة نتشارك فيها الحب والاحترام. أهم شيء بالنسبة لي هو أن يكون المسكن مكانًا يشعرنا بالأمان والطمأنينة وليس مجرد مبنى، لأنه الأساس الذي ننطلق منه لبناء حياتنا معًا.

ودي اسكن ببيت حنون هادئ تكون شبابيكه كبيرة تدخله الشمس من كل مكان، يكون لي فيه غرفة مستقلة ارسم فيها والون واشخبط وأخط واتمرن وامارس كل هواياتي تكون مساحتي الخاصة، ويكون فيه صالة كبيرة نتجمع فيها انا وزوجي واولادنا، وفيه مجلسين واحد للرجال وواحد للحريم وطبعا غرفنا انا وزوجي واولادنا، ومطبخنا اللي حنبدع فيه انا وهم سوا، ودي بعد تكون فيه بلكونة او حديقة ازرع فيها ورد ونعناع ونلعب فيها انا وزوجي واولادنا.

مارح اكون مثالية بالرد واتكلم بمصداقية انا اعيش بمستوى معيشي عالي لذلك شريك حياتي يكون عنده قدرة نعيش نفس،المستوى او اعلى

عندما تتناغم الالفه والتواصل اللحظي والحضور الذهني والمبادرة والعناية والاهتمام والاحترام وصفاة البال والوضوح والصراحة والصدق والثقه والمحافظة على شكر الله على كل حال وفي اي مكان وزمان خلاص بعد هلشي يكفيني منك يازين ترشيف 😇

شقة أو روف أو بيت هاوس ، توجد فيه غرفة نوم منفصلة عن باقي البيت و غرفة للملابس والتجهيزات الخاصة بالزوجين. صالة فيها كنت مريح وشاشة و أشجار خضراء و مساحة مخصصة للقهوة. مكتب خاص للعمل و الاعمال. مجلس بقسم مستقل للضيوف نوافذ كبيرة حتى اشعة شمس تدخل البيت

ان يكون سكان فيها راحة وامان واهم شي يكون في نفس المدنيه إلا أنا فيها لان عندي امي كبيرة سن ولازم اطمن عليها كل يوم

أتصور السكن يكون في مكان هادئ ومريح يضمن الخصوصية والاستقرار، والأهم إنه يكون مناسب للطرفين ونختاره مع بعض حسب احتياجاتنا وظروفنا.

بيت هادئ، مرتب، فيه مساحة للراحة والاحترام… ما يمنع ان يكون قريب من مكان العمل، وأهم من فخامته أنه يعكس استقرارنا وراحتنا وجودة الحياة.

شقة إيجار، وفي السنين القادمة بيت ملك إن شاء الله إذا سمحت ظروف المادية. إذا زوجتي في الرياض بيكون السكن في الرياض وإذا زوجتي في الشرقية بيكون في الشرقية.

توضيحاً لا أملك سكن حاليا، سيكون هذا تقييدي للمسكن مؤقتاً حتى يزين حالي وأوفره ولو بعد حين،١إذا كان بإتفاقٍ وتراضي بعد جلسه أو اتصال نقارب وجهات النظر فيها، ونفهم من بعض ماذا نريد؟ ونقدم التنازلات إذا يوجد اهتمام 🤎

"أنا نظرتي للحياة بعد الزواج واقعية جدًا… عندي أطفالي، ومسؤولياتي وحياتي اللي ما أقدر أتخلى عنها. وبالعكس هذا الشي يخليّني أفضل رجل مشغول بطبيعته ،عنده حياته وشغله ومشاريعه. أنا ما أبحث عن سكن يومي 24 ساعة، بقدّر خصوصيتي وبقدّر خصوصيته. أبى علاقة محترمة وثابتة: رجل يهتم، يقدّر، يصرف، ويكون بيننا الحلال والمودة بدون ضغط أو وجود يومي. هذا الشكل من الزواج يناسبني ويناسب ظروفي، ويخلينا نعيش براحة بدون تصادم ولا التزامات أكبر من طاقتنا."

أتصور السكن بعد الزواج يكون مريح وآمن، مكان يساعد على الاستقرار والهدوء، ويكون قريب من احتياجاتنا الأساسية، بحيث يكون بيت ينبض بالراحة والحب.

مبدئياً يكون شقة صغيرة جميلة تكون مناسبة ل 4 اشخاص مستقبلاً إن شاء الله اذا كبرت العائلة نطور السكن العائلي هذا اشوفه انسب شي

فيلا ملك ما افضل العيش بالشقق ممكن لا موقت مايتعدى سنه او سنتين احب الرجال يكون مستعد من كل النواحي قبل يقدم على هذي الخطوه

سكن مع والدي و والدتي يهمني اكون معهم في نفس المنزل لكبرهم بالعمر وحاجتهم لي و ممكن يكون السكن عبارة عن قسمين منفصله لاحترام خصوصية الزوجه

أراه منزلًا يجمع بين الفخامة والراحة… التفاصيل الأنيقة تهمّني، لكن الأهم أن يكون المكان دافئًا في روحه، هادئًا، ونشعر فيه بالألفة والاستقرار. بيت جميل يليق بنا ويجمعنا على حياة راقية ومطمئنة وسعيدة

توضيحاً لا أملك سكن حاليا، سيكون هذا تقييدي للمسكن مؤقتاً حتى يزين حالي وأوفره ولو بعد حين،١إذا كان بإتفاقٍ وتراضٍ بعد جلسة تفاهم أو اتصال نقارب وجهات النظر فيها، ونفهم من بعض ماذا نريد؟ ونقدم التنازلات إذا كان يوجد اهتمام 🤎

بالنسبة للمسكن: والله عندي شقة معلقة من الشغل، للحين ما استلمتها ولا أدري متى تنحل.. يعني ما أقدر أوعد فيها من الحين أبدًا. بس بصراحة، لو كان عندك (أو عند أهلك) سكن يكفي ومريح، أتوقع إن الموضوع ما يصير عندك مشكلة أبدًا، لأنك ذوق وأظنك تفهمين الوضع 💛 وإذا احتجنا نجلس ونتفاهم، كل شيء ينحل بالتراضي والوناسة، أهم شيء الاهتمام موجود والباقي يتسهل إن شاء الله. ☺️

مكان حي متصل بالطبيعة، مشرق، أستطيع يوميا أن أصبح وأمسي على الأفق.. حميمي، خادم لكل احتياجتنا كأسرة، مساحة للزراعة واللعب والاسترخاء الاستذكار والعمل..

في بدايه السكن في منزلي لحد ما أطمن على معاملته وخوفه من الله مع اولادي وبعدها لا مانع من الانتقال لسكن الزوج بشرط داخل الرياض فقط وسكن مستقل

إذا كانت المودة وارحمة بين الزوجين فهو سكنهما ، واذا كان الحب فهو جنتهما الدنيوية، فالمودة والرحمة إذا نمت وترعرعت بين الزوجين مع الوقت تصبح حباً، فيضل هذا الحب ينمو ويترعرع حتى يصبح الزوجان كمثل الروحين في جسد واحد.

متفائله اسكن بالرياض مكان ولادتي و نشأتي واذا ما تيسرت عادي اسكن بمدينه فيها حياه ما اتمنى ويارب ما اسكن في قريه او هجره او محافظه من غير شر

السكن اللي نسعى هو الزواج لان الله سبحانه قال (وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ)

ما عندي تصور وكل شيء في علم الغيب وبكتبة رب العالمين والزوجين المحبين لبعض والمتفاهمين مع بعضهم ما يهمهم وين يعيشون ما داموا مع بعض

اتخيله بيت هادئ دافئ يشبهنا احنا الاثنين مكان تيدي ننمو ونرتاح فيه ونبني فيه سوا تفاصيل حياتنا وانا اؤمن ان السكن الحقيقي يبدأ في القلب

بسكن مع زوجي بأي مكان هذي الحقيقه بس لو بتمنى اتمنى اسكن بالرياض مكان ولادتي و نشأتي واذا ما كتب ربي عادي بأي منطقه اهم شي استقراري مع زوجي

أتخيل بيتي بعد الزواج يكون مكان دافئ وهادئ، فيه راحة وخصوصية، ويجمعنا على الاحترام والمودة. ما يهمني كثير حجم المكان قد ما يهمني يكون جوّه مريح، مرتب، ويشبه شخصيتنا. أحب يكون فيه مساحة بسيطة للقراءة والقهوة، ومساحة مشتركة نعيش فيها تفاصيلنا اليومية بهدوء وحب. أما بالنسبة للمدينة أو الحي، أنا مرنة… المهم يكون مكان مناسب لاستقرارنا ويخدم احتياجات حياتنا ومستقبلنا

بالنسبة للسكن عندي شقة معلقة من الشغل، لسه ما استلمتها ولا أدري متى تنحل.. يعني ما أقدر أوعد فيها الآن أبدًا.بس بصراحة: لو عندك (أو عند أهلك) سكن مريح ويكفي، ما أظن الموضوع يصير عندك مشكلة أبدًا، لأنك ذوق وتفهمين الظروف ونجلس ونتفاهم بكل حب ووناسة، كل شيء ينحل بالتراضي، أهم شيء الاهتمام موجود.. والباقي يتيسر إن شاء الله

أحب تكون مستقلة في سكنها عندها استقرار ووضوح في حياتها وتفهم المرحلة الماديه اللي أنا فيها مؤقته مو دائمه وتقدرها ونكمل مشوارنا سوا بالعقل والحب مو طمعا ولا اتكالية ولا ابيها تصرف علي ريال واحد لكن مشاركة صادقة بين اثنين بدؤوا من الصفر مع بعض ما أفكر أبدا بالتعدد لأني أؤمن إن الوفاء لامرأة وحدة هو قمة الرجولة أبيها تكون أنثى فيها دفء فيها فهم ووعي تعرف تحتوي الرجل بالكلمة والنظرة وتحس قبل ما تتكلم أبيها تحب البساطة والصدق ما تهتم بالمظاهر وتعيش معي حياة هادئة راقية فيها تفاهم ومودة ورحمة

الاستقلالية والخصوصية عن الأهل، ويكون مكانًا دافئًا ومريحًا يشترك فيه الزوجان، مع تفضيل الاستقرار المادي ووضع أهداف مالية مشتركة لتحقيق استقرار أكبر.

على قد الشخص واصتطاعته انا متزوج وعندي دور وودي اجد بنت الحلال لي ترضى اتزوجه وتسكن معي بنفس الدور انشاء الله انا وحرمتي. كل وحده لها غرفتها يعني على قد وستطاعة الشخص

سكن مستقل قريب من بيت ابوي عشان بناتي مستقرين عندي وللعلم بناتي كبار وشايلين انفسهم بس عاد الرياض وزحمته الواحد يدور القرب لسهولة التنقل

يكون في مدينتي ومكاني لأن صعب الأنتقال وتغيير مدينه كامله وعدم معرفة كيف ستكون الحياه مع الشريك .. نوعاً ما أمان لي خصوصاً ان فيه اشخاص باحثين عن الزواج في نفس المدينه فليش نبحث عن الصعب ..

احب السكن يكون هادي ومرتب، أهم شيء يكون فيه خصوصيتنا وراحتنا. ما يهم إذا كان شقة أو بيت المهم يكون بيئة مستقرة نبدأ منها حياتنا ونبني ذكريات حلوة.

احس بالأمان لما يوفر لنا زوجي سكن مستقل.. فيه غرف تناسب عددنا.. بنتي جزء مني و احس بالاحتواء لما يحتويها.. احس بالحياة لما يكون فيه outdoor area.. نصلح حديقتنا الخاصة.. نزرع.. جلسة رايقة