لو خيروك بين أن تعيشين حياة مريحة في الريف أو حياة صاخبة في المدينة، ماذا تختارين؟

اكيد المدينه صح احب الريف في أوقات الاجازة فقط لكن العيش لا.

اكيد افضل حياة الريف البسيطة ودفئ الناس في الارياف وتقاربهم الاجتماعي

الريف هدوء، هواء نقي، طبيعة خضراء، وراحة نفسية بعيدًا عن صخب المدينة.

الثنتين للامانه اكره الروتين وبنفس الوقت احتاجة اذا اجهدني صخب المدينة

اختار حياة المدينه ولكن ازور الريف بشكل دوري لاني عاشقة للريف والطبيعة😍

احب الطبيعه والهدوء وكل شي يكون عادي وما فيه كلافه وتصنع احب كل شي طبيعي

‏اختار الريف لكن بوجود خدم ‏لأن حياة الريف لا تخلوا من المشقة في أعمالها

طيب لو كانت المدينه هاديه طيب؟ الحياه بالريف صعبه مستحيل اختارها نهائياً

حياة هادئة ومريحة في الريف بشرط توفر سبل الراحة من كهرباء ، مياه ، انترنت.

اهم من المكان الشخص اللي ابي اعيش معاه واكمل حياتي معه حتى لو في القطب الشمالي

ممكن بهذه اللحظة بختار الريف لأنها بتكون تجربة مختلفة عن واقعي الحالي بالمدينة

كل المكانين بالنسبة لي حلوين وفي السفر احب اجمع بين المدن والأرياف

الاثنين الارياف جميلة للاسترخاء اما المدينه للعمل والنجاح و التطور

على حسب طبيعه الشخص الي معايا طبعا الموضوع اخذ وعطا واكيد فيه تفاهم

جميعها مره كذا ومره كذا إذا شعرت اني احتاج هدواء راح اتجه لريف

لكل حياة منهم جمالها الخاص، بس غالباً أنا أحب الأماكن الهادئة💛

إذا الريف براد وطبيعه اختار الريف إذا حر وغبار خليني في المدينه

اروح للحياه الصاخبه وانبسط بعدها اروح للحياه الريفيه اسوي ريلاكس

الريف اعشق الهدوء بس اذا اهلي ومعارفي في المدينة مقدر اتركهم ...

اللي تعود عالمدينة ما يقدر يعيش بالريف بس ممكن يروح الريف استجمام

انا اعيش صخب المدينه بايام الاسبوع والويكند اروح المزرعه اروق فيها

شخصيتي تحب التجديد واكره الروتين وأفضل الريف الهادئ وزيارة المدينة

حياة المدينه هي السعي و المال حياة الأرياف هي الاجازه و الاستكنان

الريف جميل جدا الأستراخاء بين الفتره والحين لكن ليس العيش به دائماً

اعشق حياة الريف جداً لكن مضطرة اعيش الحياة الثانيه لن فيها رزقي وطموحي بالتجارة

صاحبه في المدينه اذا بعيش طول العمر هناك اما اذا فتره من الزمن حلو الهدوءالبسيط

حياه الريف هدوء ورواق وحياه صحيه خاليه من التعب والارهاق ننام بدري ونصحى بدري ونمارس اليوم طبيعي ونعيش كل لحظه بلحظتها👌🏻

احب حياة الريف وأتمنى مستقبلا اعيش فيها لكني افضل الاتزان يكون لي اعمال بالمدينه اخلصها يعني اتمنى حياة مكس مابين الاثنين

حياة الريف لها وقتها وجوها لكن بختار المدينه لان ان شخصيتي اجتماعيه احب الحياه والناس والاجواء الي تنسيك الملل وبعيده عن الروتين

حالياً راح اختار حياة وصخب المدينة مستقبلاً راح ابحث عن رتم حياة بطيء و مريح و مليان دفء عائلي وحب و لحظات جميله قريبه من الطبيعة 🍃

التنوع في الحياة جميل فلا ريف دائم ولا مدينة دائمة فهذا للراحة الاستجمام وذلك لطلب الرزق الدنيا جميلة وجمالها يكمن في استشعار ذلك...

الريف..الحياة البطيئة، الهواء النقي، الخضرة الدائمة، التأملات، البساطة، الزراعة، والغذاء النظيف الحياة الصاخبة حلوه، بس كرحلة كتجربة مو روتين حياة

الحياة الصاخبة ممكن ان تكون حياة هادئة اذا الشخص اعتزل العالم الخارجي ولكن بعصرنا هذا الريف اصبح مجرد متنفس في العطل ام الحياة الواقعية هيا في المدينة بحلوها و مرها

حياة المدينه فيها تتوفر مطالب الحياه أما الريف بعيده عن ضوضاء المدن لكنها في فترة الصيف جداً صعبه وأيضاً في الشتاء وسبب أنعدام الكهرباء أو أنقطاعه بشكل متكرر. أفضل المدينه

رغم اني احب الطبيعة لكن عندما كنت اسافر اعلم انني لا اتحمل المبيت بالريف لكن ممكن قضاء كم ساعة جميلة فيه انا انسانة نشأت بمدينة كبيرة جدة وافضل ان اعيش دوما بالمدن لتعدد الخدمات ومعتادة عليها

ساعيش في ملكان في الريف هادئه كل شيئا بجانبي وبعيده على الضجيج وكلام الناس والعين والمشاكل سوف اكون هادئه ومسترخي دائما في بيتي الصغير في الريف اطبخ ازرع اضحك العاب واكل واصنع واكتب واقرا واعيش حياه مستقره وجميله

قلبي يميل للريف، حيث الهدوء يربّت على روحك دون أن يطلب شيئًا، حيث أصوات الطبيعة تغنيك عن ضجيج البشر. أحب فكرة أن أستيقظ على صوت طائر، لا منبّه، وأن يكون في يومي متّسع للتأمل، لا سباق مع الوقت. لكن المدينة تسكنني أيضًا، فيها صخب يشبه الحلم، وضجيج يحمل احتمالات. أختار الريف حين أحتاج أن أتنفس، وأختار المدينة حين أحتاج أن أُحلّق. لكن إن وجدت شخصًا يحتويني، تصبح كل الأماكن جميلة.

تعودت على الرياض واشوفها أفضل من ناحيه الفعاليات والأشياء الجديده وحنا ساكنين هنا ف صعبه اني اروح مكان ثاني إلا إذ قريب

في ريف قريب جدا من المدينة يعني ممكن البيت ريفي ومساحة الارض واسعة الجار ليس ملاصق ولكن هناك سنتر قريب لابد من الخدمات

الحياة الصاخبة في المدينه حياه الريف تعتبر فتره استجمام وراحة بشكل مؤقت .. 👍🏻☁️

اذا الانسان الصح كلها مناسبه لكن المدينه افضل لان فيها كسر لروتين من مطاعم وتسوق

أنا أعيش في الريف ، وأدرس في المدينة الصراحة أحب الإثنين أحيانا هنا وأحيانا هناك.

غالبا سأختار المدينة ويمكنني الذهاب للارياف للاسترخاء ، المدينة توفر لي كل احتياجاتي

من وانا بالثانوي ادعي اتزوج بالرياض وكان فيها نصيبي السابق ومازلت احب نمط حياة الرياض

بختار الحياة الريفيه، احب الهدوء و الطبيعية و الأجواء الرايقة اكثر من الزحمة و القروشه

المدينة لابد منها ولا نستغني عنها فيها العمل والتسوق والريف وقت النزهه للترويح عن النفس

احب المدينه التي يسكنها والدي ووالدتي وارتاح فيها نفسيا بعيدا عن كونها مدينه او قريه لا يهمني

افضل العيش بمدينة على ان اعيش بقرية وافضل ان تكون المدينة والهادئة وافضل ان تكون اجوائها باردة

احب هدوء والاستجمام بالريف وبنفس الوقت حلوه اجواء المدينه والناس والحياة ، مااحب الروتين احب الاثنين .

ان يكون لي منزل في المدينه ومنزل في الريف وانتقل منها وهناك لن الانسان يحبه التغير يمكن ان اتستمتع بالحياتين

اعيش في الريف، بس منطقة قريبة من المدن عشان إذا ملّيت رحت اغير جو عندهم.

اتمنى لما أكبر شوي قدام اكمل حياتي بمكان هادئ فيه مزرعه كبيره وصوت العصافير واضح ونسمة الهوى النظيفه النقيه تشرح القلب.

حياة صاخبة لان جنه بدون ناس ما تنداس و انا الي اتحكم بصخب حياتي علما باني جدا هاديه و احب الروقان و الهدوء

ولدت وتكبرت في المدينه وتعودت علي حياتها في تحديات كثير وانا قدها

أحب صخب المدينة ولكن لايمنع ان نقطف من الحياة أوقات للإستجمام والراحة والهدوء

حياه الريف جميلة لمدة اسبوع الى اسبوعين بحد أقصى للاسترخاء وتهدئة الروح من صخب المدينة الذي لا غنى عنه

طبعاً ف المدينة مع أني أعشق الهدوء لكن ما أتحمل حياة الريف حتى لو هي مريحة 🤭

حياة مريحة في الريف ، انا انسانه اعشق الطبيعة و الهدوء ، حياة المدينة مليانه زحمه خصوصا ^ الرياض^ لكن الحياة المريحة و العمل لا يجتمعان .

خيار صعب بين الراحة الي تقدمها المدينه و جمال و بساطه الريف

الريف ملاذ للروح وراحةً للفؤاد ومتنفسٌ للفكر، أعني الريف السويسري.. أما هنا في مملكتنا الحبيبة فالمدن الصاخبة أفضل🤡

احب اجواء المدينه و العمل و التمدن و الحركة. بس بعد احب اخصص وقت للريف وللهدوء و البعد عن الصخب.

المدينه لانها مليئة بالحركة والحياه والإنجاز والعمل،اما الريف فقط في الاجازات والاستجمام

الانسان مره يحتاج الهدوء حتى يروق ويرتب افكاره ويختل بنفسه الصخب تحتاجه عشان تشوف العالم الخارجي والناس فالخيار صعب

سؤال غير عادل لكن احب الحياة الكريمة اللي فيها تسهيلات و ماتوقع حياة الريف تمتلك الحد الادنى من الرفاهية

المدينه طبعا - ويفضل السكن ،( المنطقه الشرقيه - الرياض - جده - القصيم ) هنا اشوف نفسي اكثر

اعيش حياه مريحه في الريف بس قريبه للمدينه عشان اكسب راحه الريف وخدمات المدينة 🌚🤍

المدينه رغم اني احب الريف، لكني انسانه اجتماعيه جدا والناس يعطوني طاقه جميله

طبعا ساختار الريف احب الحياه اللي فيها هدوء وراحه وفيها حيوانات وامطار وزرع

احب الريف والهدوء بس بختار المدينه وبتحمل الصخب لاني ماحب اكون لحالي

لا استطيع الاستغناء عن التطور بحياة المدينة و لكني احب السفر و الاسترخاء بالطبيعه

الحياة المريحة الهادئة والآمنة مع الناس الصح سواء في الريف او المدينة ان شاء الله لو كان في القمر

الاثنين مهمه المدينه للانجاز والتطور والريف للراحه وتجديد الطاقه والروح

لكل فتره من الحياة لها تفضيلات : * مرحلة الشباب وبدايه مسارك يكون بالمدينه وفي قلب الحياة والتجدد * مرحلة الشيخوخه مرحلة الراحة والامتنان والاستمتاع بالهدوء في الأرياف والسكينة مع شريك حياة مكتفين ببعضنا

لا أحب هذا النوع من الأسئلة .. لأنه بالنسبة إلي يعتمد على الظروف و مشاعري وقتها .. أحيانًا أحب الهدوء و أحيان أخرى أحتاج الصخب ..

الريف طبعا اتمنى اتقاعد بمزرعه فيها خيول وازرع نباتات فيها اخب حياة المزرعه والريف اجدفيها سلام جميل

صاخبه بالمدينه / اكره الارياف اخاف منها بسبب تجربه عشتها فيها مع طليقي

ارغب ان يكون منزل الزوجية يبعث على الهدوء والطمأنينة نفس شعور الحياة في الريف.. يصير؟

والله كلهم حلويين والمفروض يكون على حسب المزاج ولكن إذا بتخيرني إلا اختار واحد حياتي في المدينة الصاخبة .

كل الاثنين يكون عندي فيلا وسط المدينه ، ويكون عندي بيت ريفي ومزرعه ، مثلاً بالويكند اطلع له ، او مثلا إذا ابي اقعد لحالي واتخذت قرارات مهمه وكذا …..

لكل ايجابيات و سلبيات ، ولكن تعتمد على متطلبات كل فترة في حياة الشخص و حسب ترتيب اولوياته وحسب وجود الاشخاص المقربين له

مااميل للحياه الهاديه احب حياه المدينه ، لكن لابد افصل بين الفتره والثانيه وازور اماكن ريفيه لوقت قصير

افضل الروقان والحياة الريفية طبيعه وهدوء، بس برضه الواحد يشتاق للمدينة ولازعاجها

ايام الاسبوع احب الهدوء و بختار الريف بس في نهاية الاسبوع احب الصخب بختار المدينه

المدينة اكيد ما احب الصخب بس الوظايف المدارس متطلبات الحياة كلها في المدينة

انا وحده ملوله م اقدر اعيش على خاله وحده طول الوقت احيانا احب الصخب واحيانا الهدوء

جُبِل الإنسان على التغيير البقاء على حال واحد بوجهة نظري قاتل حتى وان كان بمنطقة الراحة

بعد التقاعد لكلينا اتمنى العيش في منطقه ريفيه باردة مثل قرى ابها او الطائف او امتلاك منزل ريفي مصيف للعائلة و استثمار في حال عدم وجودنا فيها

بينتهم احب الريف واحب المدينه واشوف حلو التغيير لكن مااعيش ع طول في مدينه مكتظه او بالريف على طول بس حلو التنويع واخذ اجازات بسيطه وتجربه اماكن جديده

حياة الريف جميله بس مو طول الوقت فقط للاسترخاء والهدوء كاجازه لكن صخب الحياة مفروض علينا عشان المسؤليات الي حولنا

أووووه😩 الريف بدون نقاش لكن✋🏻 تكون حياة تلبي كافة المتطلبات العصرية😎 يعني مو معقولة أعيش بالريف وأجيب موية الاستخدام من النهر أو البير😅

الريف بلاشك احب الهدوء الحياه والعادات البسيطه البيوت الصغيره ريحه الشجر يعني حنين للماضي

الموازنة حلوة بينهم كتفضيل أفضل حياة مريحة في الريف .. لكن أكيد اني أحتاج الحياة الصاخبة بعض الأوقات

كل حياة لها مميزاتها .. لكن الريف أهدأ انا يعجبني الهدوء اكثر لكن احب احياناً صخب المدينة

م اعرف ليش بس عندي تصور ذهني يجي ف بالي كصورة اني بعيش ف الريف وحياة الديرة مثلا في ابها الباحة النماص مع اني م قد جيتها بس ليش هالخيال يراودني لااعلم صراحةً

أفضل دائمًا المكان اللي فيه هدوء وراحة نفسية… وميل طبيعي عندي للريف لأنه أهدى وأنظف للطاقة. لكن بنفس الوقت واعية إنو صخب المدينة جزء من الحياة، وفيه فرص وخدمات ما نستغني عنها. فاختياري يكون المكان اللي يجمع بين الراحة والقرب من احتياجاتي.

طبعا أنا أميل للهدوء أكثر من الصخب ولكن كمعيشه أفضل الوسطية ماحب اكون بمكان هادئء تماما ولا مزعج تماما .. وعلى فكره احب الطبيعة كثير

الريف طبعا اتمنى اتقاعد بمزرعه فيها خيول وازرع نباتات فيها احب حياة المزرعه والريف اجد فيها سلام جميل

احب الريف جدا ولكن افضل عيشة المدينه ومتى مابغيت تفصل مخك تروح للريف او تسافر للطبيعه

اخخخ والله خاطري اعيش بريف بس ريف مريييح ريف مافيه صعوبه كل وسائل الراحة متوفره فيه مثل منزل شرح تدخل اشعة الشمس ، مزرعة ، بيت كبييييييير

راح اختار اعيش نصف السنة هنا ونصف السنة هناك لاني احبهم كلهم وأحسهم كلهم مهمين بس الآن الحياة الريفية مو متواجده فأحب اطلع طلعات لاماكن فيها طبيعه

حياة الريف التي آمل أن اتمكن من عيشها يوماً ما لفترة مؤقته،مع اني أحب صخب المدينة ايضاً

والله الريف له جوه ومشاعره ووقته والحياة الصاخبه لها وقتها ومشاعرها لكن حلو يتعاقبان مره كذا ومره كذا عشان موازنة الحياة

كلا النمطين محبب لدي أحب المدينة وصخبها وقت العمل والجد والراحة والهدوء والسكينة الريف .

اختار حياة الريف لأنه هدوءه يريحني وتعجبني بساطته لكن في نفس الوقت ما اقدر اعيش بدون تطور لذلك اشوف نفسي في ريف قريب من المدينة مكان فيه راحة وهدوء ومع ذلك يخليني أشتغل على طموحي واتقدم كل يوم

بدون ادنى شك أكيد الريف بحكم شخصيتي احب الهدوء و الطبيعة أكثر حتى في خططي السياحية دائم اختار المناطق الريفية

الريف لاني احب الهدوء والامان الجميلة الهادئة بي مايمنع اني اروح للصخب كتغيير بس كراحه اكيد بالريف

احب اجواء الريف ولا امل منها اتأملها واستشعر كينونتها لانها اصل الحياه الانسانيه البدائيه

حسب اذا كان معايا شريك حياتي اكيد مكان رايق معاه اما لو كنت لوحدي اكيد حختار المدينه

احتاج في فترات الهدوء والعزلة وتجديد الأفكار. واحتاج الحياه الاجتماعيه. المتجدده. سوال عميق.

حياة المدينه احب الاماكن الي فيها ناس وحياة لذلك انا احب مدينه الرياض جداً ولا اقدر استغني عنها.

اذا ريف ايطالي ليه لا بس ريف ف السعوديه لا ويعني ما افضل دايم الريف ابي الصخب والاستجمام ف الريف😅🙈

لو خيروني، أختار حياة الريف بكل تأكيد. أحسها تمنح هدوء وراحة واستقرار نفسي، والأجواء الطبيعية تحسسني بالطمأنينة وتخليني أعيش اللحظة من دون ضغوط المدينة وزحمتها

احب اعيش في مدينة تعج بالناس آلف لقلبي الناس والحياه تعيد للقلب توهجه بعكس العزله مهما كانت عالطبيعه ..

اذا ريف ايطالي ليه لا بس ريف ف السعوديه لا ويعني ما افضل دايم الريف ابي المدينة والاستجمام ف الريف😅🙈

احس الريف افضل واكثر هدوء ..بس لازم يكون فيه خضار وطبيعة وخدمات متوفرة..انا ماقد جربت حياة الريف لكن حياة المدن صاخبة ومليئة بالاضواء ..واذا جربت حياة الريف اقدر احكم بوضوح..لكن عموما احب الهدوء والطبيعة

لا يهمني المكان المهم الشخص اللي راح ارتبط فية يكون رجال بما تعنية الكلمة وان يكون يخاف الله وحسن المعشر وطيب القلب لين وان يكون عادل وان يكونون أهله ناس طيبين يعني افضل أخلاق الرجال والناس اللي راح ادخل عايلتهم على اختياري للمكان نفسه

الاختيار صعب في كل الحالتين لانو تجي فترة تريد الانعزال بالنفس بعيدًا عن الناس والعيش بسلام وتأمل الطبيعة الساحرة بعيدًا عن ضجيج الحياة ، وفي أحيان اخرى تحتاج للصخب والاختلاط بالناس

صحيح أني أحب الطبيعة، وأعشق المروج الخضراء اللامنتهية،والسماء الممتدة في الأفق المليئة بالغيوم البيضاء القطنية.. لكن المدينة النابضة بالحياة، وصوت الشارع والناس العابرين، وحديث المارة، ونداء الباعة المتجولين .. منعش جداً ويضيف للحياة حياة ☁️

كلاهما له مميزاته. المدينة للعمل والفرص، والريف للراحة والهدوء. المثالي يكون عندي بيت في المدينة وبيت في الريف للإجازات ياسلام ☺️☺️☺️

بشرط مع شريكي المستقبلي وعندما احس بالراحه ريف حياة صاخبه الراحه تفوق المكان حقيقه 👌🏻

الريف جميل بس مو على طول اوقات الاسترخاء احب الحياة و احب المدينة لي اجواء حلوة في المدينة

الريف لاني احب الهدوء والاماكن الجميلة الهادئة بس مايمنع اني اروح للصخب كتغيير بس كراحه اكيد بالريف

احب الريف وحياة الريف لكن مو بشكل دائم يعني مثلًا اروح للاستكنان وارتاح من صخب المدينه لكن ماافضل العيش فيه