ليش للحين ماتزوجتي؟

ب أختصار أمه تبي تزوجه من الجماعة وهو مايبي ف تجي البيت ب غرض التعارف ثم تعييب بالبنت أو أهلها عشان يصرف نظر ويصدق المسكين ويضطر يتزوج على ذوق اهله ونا شخص غير مسؤل عن قرارته وأختياره ل شريكة حياته لايلزمني ..

ماكتب الله ، والحمد الله على اقدار الله لأنها هي الافضل دايم

كل فترة من حياتي ماكانت مناسبة للارتباط إلى أن مضى العمر ...

ما في رجال مجرد ذكور احسن منها الإناث في الكلمة والقول والفعل

النصيب وممكن لان ثقافة الارتباط بذوي الإعاقة غير متاح في مجتمعي

انا منفصله وعندي اولاد ومافيه مانع اني اتزوج مره ثانية عندك اعتراض

مالقيت الانسان اللي يكون صادق مع نفسه عشان يكون صادق معايا ويجيني من الباب و يكتب الكتاب 😀☝️

نقدر نقول نصيب ، أو ممكن لأني حريصه بإختيار مواصفات في الشخص اللي حكمل معاه حياتي ، تهمني تفاصيل معينه بنظري وجودها حيكون الزواج ناجح بإذن الله .

بصراحه إذا على الماديات أتزوج الان لكن بحثي عن إنسان صح متوافق ومنسجم معي فكريا ونفسيا إنسان متوازن اغلب كل من تقدمو يعانون من صدمات ومشاعر مكبوته واحكام ضد المرأه وبخل 🪬

لمواصلة طموحي العلمي ، ثم أنّ لي شروط معينه اولها التكافؤ العلمي ، وبالنهاية كل شيء نصيب ، ومقدر من الله تعالى ، متى ما اراد الله ، تمَّ !

الصراحه م كان موضوع الزواج من اولوياتيبعد الانفصال وممكن لوكان جا الشخص المناسب والصح كان صارت الخطوه دي وفي النهايه الزواج رزق يجي لمن ربنا يريد

الى ان يشاء الله رب العالمين الله واعلم ممكن بعد شهر او كم يوم او بعد سنه الله واعلم باقدارنا بس هذا السؤال غريب من موقع ملكة واعتقد سؤال يعاقب عليه القانون

للاسف البعض غير صادق رغم انه يبان في بداية الحديث الجدية وبعضهم خارج جدة والبعض لايرغب باصدار تصريح زواج وانا ارفض بدون تصريح وارفض المسيار تماما ونسال الله ان يوفق الجميع

ما كتب الله الشخص المناسب ، الغير مدخن والمطابق لمواصفات تريحني وتسعدني في بقية حياتي معاه ، غير متزوج ولا يوجد لديه ابناء في زيجات سابقة اذا منفصل ، ويكون ذكر ورجل بمعنى الكلمة يتمتع في انوثتي كزوجة وصديقة وشريكة حياه ويعيشني حياة كريمة ، حقيقي ماجاء هذا الشخص لسا ،،

كان يجي النصيب بس انا كنت ارفض لاني أفكر في دراستي والوظيفه لما توظفت أتوظفت خارج منطقتي لمده طويه وكان يجي النصيب وكنت أرفض لأني في غربه ولما نقلت لمنطقتي مر العمر وكان يجي النصيب بس في زوجه وفي اولاد وأنا في دا العمر ماعندي استعداد للمشاكل الزواج يعني استقرار وهدوء أفضل الزوج الآن يكون أرمل أو منفصل او يكون لديه اولاد كبار في السن او زوج لايفكر في الانجاب زوج يفكر في الاستقرار يعيش باقي عمره مع زوجه محبه وانا احتاج في حياتي زوجي يكون صديقي وسندي نكمل مع بعض حياتنا

لو اجد الشخص المناسب ولا اريد الاستعجال لانها خطوه مصيريه

اختيار الشريك المناسب يتطلب الوقت الممكن لفهم الشريك والاتفاق .

العروض كثيرة لكن للآن ماجاء اللي شعرت معه بالسكينة الكاملة بمعنى آخر بالأمان

مالقيت الشخص الثقه اللي صادق ويبي الستر (وتتوفر فيه معنى الرجوله الحقيقيه )

ان شاء الله ربي يرزقني شريك الحياه المناسب اللي يخاف الله فيني ويكون السند والظهر

ماجاء النصيب المناسب واللي باحس بالاستقرار معاه ولعل كل تاخيره فيها خيره والعوض اجمل 🤍

لان مالقيت الانسان الي اكتفيه فيه واكون واثقه منه ويكون سند ويحسسني ب الامان ويكون العوض لي

اولا وهو الاهم والمهم: الى الان لم يأمر الله للامر ان يكون. ثانيه:نظره المجتمع الغبيه الغير شرعيه للانثى العامله في مجال مختلط.

لان الله كتب مقادير الخلائق قبل أن يخلق السموات والارض بخمسين الف سنه كل انسان راح يستوفي رزقه ثم يرحل ما احد راح ياخذ رزق احد

منفصله ومتخوفه من تجربه والعمر لست بصغيرة ابحث عن راحه وليس مشاكل لكني مفعمة بالحياة والحماس لتجربة نكملها سويآ

كنت مؤمنة إن لكل مرحلة وقتها، كان عندي اهداف ابي اوصل لها والحمدلله حققت اللي كنت أسعى له، والله يكتب اللي فيه الخير

كُنت مشغولة بتربية عيالي و اخواني وجميعهم كبروا ولله الحمد والمنه ، فأنا أكبر أخت و أكبر حفيدة .

كنت مافكر بالزواج بشكل جدي اغلب وقتي مشغولة بالعمل

ما جاء الشخص المناسب إلى الآن، ومن مبدأ: الجودة لا الاستعجال

مالقيت الشخص المناسب اللي احس فيه تجاذب فكري عميق بيننا 🙅‍♀️ الله يجيب الزين

ماكتب ربي للآن ، ولأني أرفض زواج الأقارب رفض قاطع وأرفض الزواج التقليدي عموماً

كنت رافضه فكرة الزواج بعد الانفصال و تغيرة وجهة نظري الان و حابه الستر وحياة مستقله

كوني خضت تجربة انفصال خلاني حريصه اكثر في اختيار من سأشاركة حياتي و الى الان ماحصلت شريك مناسب لي .

النصيب بيد الله والتجربة علمتني أختار صح. أبحث عن زواج هادئ فيه مودة ورحمة كيف قال الله سبحانه و تعالى.

يتزوج الانسان لمن يلقى الشخص اللي مايشرح ولا يبرر نفسه قدامه الف مرة ولمن يحس بالارتياح والامان ولمن الله يهب النصيب الطيب المناسب له في طريقه .

أنا لا ارغب بالارتباط لمجرد ارتباط…. أنا ارغب بشخص متوافق معي فكريا ، اجتماعيا و منسجم معي روحيا. لذلك مستمر البحث عن شريك الحياه المناسب لحياه جميلة ومستدامه.

بصراحه ارى ان الزواج اجمل وارقى شي بالحياه ولا يعني لي الارتباط بهدف الارتباط وانما اجد شخص مناسب لي .. والامر الاخر لم يكون بالامكان المراءه الاختيار الا ما ياتيها بالزواج التقليدي ولكن الان الحمدلله كلا ياخذ ما يناسبه وينسجم معه دون اي مجامله

اعتني بأطفالى ليصلو للعمر المناسب للاعتماد على النفس

للحين ادور الرجل الذي خلقت من أجله والذي خلق من أجلي 🫢😎

الزواج نصيب ورزق من الله يجي في الوقت المناسب مؤمنه بأن الله يخبئنا لأشباهنا وما يعطينا الا الخير ويمنع عنا ما يؤذينا برحمته

ما لقيت الشخص المناسب من المتقدمين لذلك قررت ابحث بنفسي

النصيب بيد الله وكل شي بوقته حلو واللي كاتبه ربي بيكون أجمل مما نتمنى🤍

انشغلت؛ أكملت دراستي بعد الانفصال، تخرجت وتوظفت. ولم أجد بعد المواصفات المناسبة لي.

اولا نصيب مقدره ربي ثانيا الزواج خيار كخيار الوظيفه المشاريع الخ وليس الزامي وشرط لنعيش فانا اختار الحياه الطيبه السعيده باختياري الشخص المناسب وليس ان اتزوج لكي لايقال ماتزوجت فالشخص الواعي يعيش وهو يعرف قيمته ويختار السعاده بزواج او بدونه 💖

لم أجد من يملأ عيني و يقتنع به عقلي، أعلم أن الكمال مستحيل ولكن أريد رجل ناضح واعي ناجح بفكره وخلقه وعمله، قدوة حسنة يآخذ بيدي لكل ما فيه خير لنا ويكون السند والأمان . لكني بإذن الله لن أتزوج وأخاطر بنفسي لرجل لا يستحق فتاة حفظت نفسها عن أي زلل يُنقص من قدرها في عين نفسها قبل كل شيء . والفتاة لا تستطيع كسر كبريائها وكرامتها وتخطب لنفسها .

بسبب كل تلك المدة اكمل دارستي الجامعية ثم تطبيق مابعدها صلاث سنوات ولايعني ذلك لم التفت لزواج ولكن لم ياتي النصيب

مالقيت شخص يرتقي لمستواي الاجتماعي . وحاد في ارتباطه .. ولم يصل شخص إلى لب عقلي . او يباري شهامتي ونقائي

الزواج نصيب والى الآن ماكتب ربي والى الآن ماجاء الشخص الصادق والمناسب

كنت انتظر الشخص الخطأ، و بعد لأن ظهوري ف المجتمع اللي أنا فيه قليل.

لأنّي أؤمن إن الزواج شراكة، وما كنت أبغى أبدأها إلا مع الشخص المناسب وفي الوقت الصحيح

الحمدلله انخطبت من رجال كثير لكن اغلبهم غير قبيليين او يكون مدخن ، فلم يحصل نصيب و الحمدلله

لأن ربي ما كتب وكل ما الانسان يكبر ينضج ونظرته لكل الامور ومنها الزواج تتغير.. الي ما يضيف لحياتي شي جميل ما أحتاجه هذا

مؤمنة بقضاء الله و قدرة و الزواج قسمة ونصيب وللان ماجا قسمتي ونصيبي 🩷

نصيب ، وأؤمن أن كل شيء بوقته المناسب، وأسعى للزواج عن قناعة واختيار صحيح بإذن الله .

لأنني أؤمن أن الزواج ليس مجرد محطة نصل إليها في وقت محدد، بل هو اختيار واعي لشريك يبني معي حياة مستقرة. لم يأتِ النصيب الذي يوافق تطلعاتي وقيمي بعد،

اولاً الزواج نصيب و رزق من عند الله ثانياً لعل بعض الاسباب صغر دائرتنا للاجتماعية لذلك الخيارات التي سبق و طرحت علي محدودة و كانت غير مناسبة و باذن الله النصيب الطيب موجود و يظهر في توقيت الله للمناسب

ماحصل نصيب وشخصيتي لم تكن جريئة. ليش ماسعيت للزواج الى الآن؟ ماكان من أولوياتي وشغلت وقتي باشياء تفيدني ولم يحصل ان رفضت شخص جيد لأي سبب. ايضاً اكتشفت مؤخراً ان بعض الرجال يترددوا يبادروا اذا احسوا ان الفتاة ممكن ماتقبل فيه لانه دراسياً او ماليا اكثر منه بس الواقع ان الرجولة باشياء اعمق..

ماحصل نصيب وشخصيتي لم تكن جريئة وحياتي كانت ومازالت جميلة ممتلئة واتمنى شخص ارتبط فيه نكون إضافة مكملة لحياة بعض

لان مابي اتزوج زواج مجرد اكون متزوجه احتاج شريك حياه نكون سند وظهر لعبض شخص يفهمنى وأفهمه نكون أصدقاء قبل زوجين

ربي مااراد وثاني شي مالقيت الشخص اللي يستاهلني العمر مرة لازم اختار زوج لي كويس واب صالح لأبنائه

قسمة ونصيب من رب العالمين ورضيت بقضاءه لكن ما زلت اسعى لنفسي وادعي ربي وهالشي مو عيب الحمدلله

غريبة إضافة هذا السؤال حيث صنف مؤخرًا من الأسئلة الوقحة ، الرد : مالك شغل ومايعنيك

تمت خطبتي بعد أنفصالي أكثر من مره لكني أرفض لأني مابي زواج تقليدي وأفضل الارتباط بشخص متوافق معي فكرياً و أخلاقياً واجتماعياً

حظ نصيب وعادات وتقاليد احنا في مجتمعنا كل اسرة تاخذ من اسره معينه وانا تأخرت في البحث كان شعاري نصيبك بجيك لمكانك. مرت الايام بسرعه ولقيت نفسي في هذا العمر وهذا الوضع والحمدالله من قبل ومن بعد.

كنت تحت رجول ابوي لين ربي اخذ امانه وبعدها مريت بظروف سيئه بسبب وفاته وعادت لي ذكريات وفاة امي. الله يرحمهم يارب ويجمعني فيهم بجنات النعيم

النصيب ما جاء إلى الآن وأنا مؤمنة إن الاختيار الصح أهم من السرعة ومتأكدة إن القادم خير بإذن الله

أغبى سؤال، ويتردد كثيراً ومضطرين نجيب بأكثر إجابة بدهية والله يعين.

حظ نصيب وعادات وتقاليد احنا في مجتمعنا كل اسرة تاخذ من اسره معينه وانا كان شعاري نصيبك بجيك لمكانك.

لأني أؤمن أن الزواج شراكة، وما أستعجل خطوة مصيرية بدون توافق حقيقي.لم أجد بعد الشخص المناسب الذي أطمئن معه للزواج.

ماكنت ابغا اتزوج سابقا كنت مشغولة بالعمل والدراسة وكنت اسافر كثير أما الآن احس إني نضجت وتغير رائيي وصرت قادرة وصار الزواج من أولوياتي وفي النهاية كل مرحلة لها أولوياتها

النصيب بيد الله، وما كنت مستعجلة على خطوة مصيرية. كنت حريصة أكون جاهزة نفسيًا وفكريًا، وأنتظر الشخص المناسب اللي يكون شريك حياة حقيقي، مو مجرد زواج وخلاص

كله نصيب من الله سابقا وانا واثقه تسخير الله اللي يستحقي واستحقه قريب من فضله واحسانه

لاني ابي اتزوج شخص انسجم معاه وهو ينسجم معي ماهو فقط زواج شكل او عشان المجتمع

الحياة الزوجية قرار واحترام وسكن ومودة ومشاركة الارتباط برجل وليس ذكر

كُنت مشغولة بإكمال دراستي و حضانة أطفالي والآن متفرغه للزواج بمشيئة الله من رجل يحب التعليم و التعلم و التطوير و موافق ان أكمل دراسة الماجستير و الدكتوراه 👏🏻🤍💕

ما أعرف، أنا شخص مختلف وتعبت على نفسي مقدر أقبل بشخص عادي غير طموح 🙃 فما كتب ربي النصيب للحين.

قسمة ونصيب ، لم يأتِ الشخص المناسب سابقًا، واخترت عدم التسرع في قرار مصيري ، حاليًا أبحث عن استقرار وتفاهم وتوافق حقيقي

كل شيء قسمة ونصيب ومؤمنة ان الله مخبي لي الافضل والشخص اللي يناسبني تماماً 🤍

ما لقيت الشخص المناسب. والشخص المناسب لي هو الشخص اللي اشعر معاه بانوثتي واستطيع الاتكال والاعتماد عليه واثق بقراراته ومفاجأته وحتى مشورته وخياراته. لاني شخصيه عقلانيه ومخططه وهادئه عاطفيا وكمان اجتماعيه والمتحدثه في صدر المجلس ف هدا الشي يخليني دائما اشعر اني القائده. احتاج لشريك اكبر مني في كل هدي الصفات. اجرأ مني، اقوى مني، اعقل مني، اذكى مني

قسمة ونصيب لااحد يعلم متى يتزوج متى يتوظف متى ينجب كلها امور بيد الله وحده

الصراحة والدتي ترفض الخطاب بدون علمي وكل مرا بعذر مختلف وما ابغى ازعلها فقررت ابحث بنفسي .

مرّت فرص، لكن ما كانت مناسبة من ناحية التفاهم والقناعة. وأنا أؤمن إن الاختيار الصح أهم من السرعة.

انشغلت بظروف الحياة وكان لازم مدة تكون فاصلة بين التجربة السابقة والتجربة الجديدة في حال ربنا كتب لي نصيب

لا أتعامل مع الزواج كمرحلة مرتبطة بالعمر، بل كاختيار واعٍ لشراكة متوازنة. إن حصل فهو إضافة وإن تأخر فذلك لا يعرّفني ولا يقللني.

مافي جديه أبدا في موضوع الزواج و ان ابقى غير متزوجه خيرا لي من ان اتزوج ذكر وغير مسؤل يلقي بالمسؤليه علي لكن انتظر عوض الله

اولا نصيب ثانيا فكري اختلف عن السابق فا حابه تكون هالمره اختياراتي في طريقة الحياه اللي راح اخوضها مع الشريك مختلفة وجميله

"الزواج قرار مصيري، وأنتظر الشخص المناسب الذي يستحق هذه الخطوة." "والزواج ليس سباقاً، المهم أن يكون الاختيار صحيحاً وليس سريعاً."

عندي ثقة تامة انه رح القى الشخص اللي يشبهني واقتنع فيه اقتناع تام واكمل معاه حياتي بأتم الرضى والحب بعيد عن تدخلات المجتمع ونظرتهم .

لان الزواج مو قرار سهل وابي اختار صح وبرضو لاني درست واشتغلت وكملت دراستي ف اخذ من وقتي.

انخطبت تقليدي لكن مافي نصيب حابه اتزوج شخص افهم تفكيره ويفهمني والراحه اهم من كل شيء

كنت محتاجة مساحة استرجع فيها نفسي روحيا ونفسياً وافصل تجربتي عشان اقدر ابتدي من جديد بمرحلة جديدة نفسيا اكون قوية وماخلط مشاعر تجاربي ويكون لها اثر بفشل او يكون مؤثر

(سابقا) كان بسبب مرض الوالد رحمه اللهكان مايقدر يستقبل احد ومركبه عليه اجهزه تنفس وامراض كثيره وكل ماجاء شخص مناسب مايبي ينتظر او يشوف حل وسط ف ماصار نصيب .. اما (حاليا) صراحه مالقيت الشخص المناسب الي يتوافق معاي

كنت اربي اولادي لما حسيتهم كبروا و مخي صفى اني افكر في علاقه ثانيه باذن الله تكون سليمه

ماتقدر تعسف قلب عن شيء ضد رغبته.. كنت وما زلت أميل للي طبعه حرَش ومزوح واحس بحظرته بالأمان والقيادة..الجريء بتعقل..اللي يحس و يفهم اي شعور بدون نطقه،واهم شيء يخاف على بنت الناس مثل خوفه على اخته

مشاريع الزواج منذ انفصالي لم توفر لي الشخص المناسب لعقليتي وطموحي ارى ان الزواج الناجح هي العلاقه بين شخصين تكون صداقه

الزواج في هذه المرحلة وهذا العمر هو بمثابة اختيار صحيح و إضافة جميلة للحياة.. فحتى ذلك الحين.

ماني اجتماعيه كثير لاني منشغله بالعمل والدراسه والامر الاخر الي تقدموا ربي ماكتب نصيب وليس سوء بأحد.

ماراح ازخرفها واقول ما جا الشخص الصح ولكن بقول اولاً نصيب ثانياً ابرز رغباتي كتبتها بحسابي + تهمني العقليه مره ✨

لاني ماحب المسؤولية اخاف يطلع الزوج غير مسؤول والتربية اشوفها جداً صعبة بالزمن ذا اذا ماكانو الاب والام متعاونين وناضجين بالشكل الكافي

ما اخرج كثير و بالعاده الناس اللي التقيهم يكونون في مجالات العمل او الرياضه ولا احد هالمكانين مناسبين للخروج عن آداب المكان او المناسبة.

لأن كل طلبات الزواج اللي وصلتني حتى عن طريق الاهل لمعددين او لزواج غير معلن ،، أنا أؤمن ان الزواج علاقة مقدسة تقوم على الاحترام والمودة فأي شخص يخجل من ارتباطي به لا ينفع ان ارتبط به

(سابقا) كان بسبب مرض الوالد رحمه الله كان مايقدر يستقبل احد ومركب عليه اجهزه تنفس وامراض كثيره وكل ماجاء شخص مناسب مايبي ينتظر او يشوف حل وسط ف ماصار نصيب .. اما (حاليا) صراحه مالقيت الشخص المناسب الي يتوافق معاي ويكون قد مسؤولية الزواج والزوجه

لأني كنت مركّزة في مرحلة سابقة على حياتي العلمية، حرصت على إكمال دراستي ثم الالتحاق بالعمل. كما أني مغتربه في مدينة بعيدة عن اسرتي ، وكان من الصعب بالنسبة لي الارتباط في ظل البعد الجغرافي، لأن الزواج عندي يعني الاستقرار ، اليوم أنا أكثر جاهزية نفسيًا وعمليًا، وأبحث عن شراكة حقيقية تقوم على التفاهم والاستقرار.

جاووني خطاب كثير بس ماحد ناسب .. ممكن انا صعبه بالاختيار .. لكن عندي مبدأ اما شخص مناسب او اضل عزباء حياتي الحمدالله مو ناقصها شي

غير انه مقدّر ومكتوب ماقدرت اعسف قلبي ضد رغبته.. كنت وما زلت أميل للي طبعه حرَش ومزوح واحس بحظرته بالأمان والقيادة.. الجريء بتعقل..اللي يحس و يفهم اي شعور بدون نطقه، واهم شيء يخاف على بنت الناس مثل خوفه على اخته

ماكان عندي النضج والوعي والفهم الكافي للزواج مع سنين والايام الحمدلله تغير كل شيي للاحسن ويارب النصيب الجميل 🩵

أنا سبق وتزوجت وكانت العلاقة فاشلة، وصدمت شوي وتكون عندي عقدة وخوفي من إعادة التجربة. لكن اليوم أحس إني أكثر استعداد للارتباط والتجربة الجديدة بشكل واعي.

(سابقا) كان بسبب مرض الوالد رحمه الله في الجنوب كان مايقدر يستقبل احد ومركب عليه اجهزه تنفس وأجهزة وامراض كثيره وكل ماجاء شخص مناسب مايبي ينتظر ومستعجل ف ماصار نصيب .. اما (حاليا) صراحه مالقيت الشخص المناسب الي يتوافق معاي ويكون قد مسؤولية الزواج والزوجه ووجود انثى بحياته وزواج عائلي مرفوض بالنسبه لي ولا ابيه

انتظر الشخص المناسب لاني بكمل حياتي معاه لازم اعرف الشخص الي بعيش واجيب منه اطفال معرفه كويسه + انخطبت اكثر من مره ورفضت بسبب عدم الارتياح للشخص مع ان يكون فيه المواصفات الي انا ابيها بس عدم الارتياح للشخص يسبب الرفض

انفصلت بسبب كان لدى طليقي مشاكل كثيرة في الإنجاب ولم يصرح لي من البدايه. وعلى اساسه انفصلت. صراحه يجون ناس بس ما حصل النصيب المناسب

اغلب اللي موجودين في البرنامج يبحثون عن مكالمات وتسليه وضياع وقت وانا انسانه جديه ولا احب التواصل الطويل والمكالمات

بعد التجربه الاولى حبيت اخذ وقت للتشافي ،حاليا انا مستعده نفسيا ومعنويا وبنفس الوقت افضل اختار شريك حياتي بنفسي