كيف تصف الروتين اليومي المثالي لك بعد الزواج؟

نوم وشعل وعمل ووناسه واكل وشرب لين يجي الولد يغير الروتين لأنها بتصرف نظر عني قليلا وبالتالي كل ما يجي ولد تقل الفرص وهكذا 🤗

حين تقبل أحداث يومك الروتيني على أنه واقع محتوم، لن ترى أي تغيير! وها نحن نعيش الحياة كما نحب لها أن تعاش، فما نحن صانعون بها! الأمر متروك لنا

يتم تخصيص وقت لكل من البيت الزوجه والعمل والاشغال الاخرى بحيث تكون متناسقة ماعدا يوم الجمعه سيكون يوم عائلي فقط للراحه وكامل الاستجمام خارج المنزل

عمل تسوق بيت وتناول وجبة العشاء مع الشريك ومن ثم الذاهاب لتفسح خارجا ومن ثم العودة الى المزل لمتابعة شيئ ما قصص او مسلسلات وبتدها النوم واراحة

ايقاع منتظم هادئ من صلاة الفجر بفنجان قهوة و اصطباحة مشرقة مع الشريك قبل يوم العمل الى لقاء محبب في المساء ومشاركة الحياة معه بمتعة ومحبة وود وتقدير

مسلسلات افلام سوني سواليف جمعات عائلية نشوي ف مخطط خرجة لمطعم خرجة لمقهى نسافر لمنطقة فيها بحر نسافر كل سنة من مرتين الى ٣ خارج المملكة حسب الاستطاعة

عمل حتى الساعه ٤ بعد كذا غداء ثم نومه خفيفه لمدة نصف ساعة بعد كذا قهوة مع زيارة عائلية وبعدها ساعه في الجيم وبعد كذا وجبة خفيفة في البيت ثم وقت النوم

انا إذا كان عندي وظيفة براتب قوي اروح لدوامي واذا ماتوظفت، بنفطر سوا ثم بسوي رياضة بعدها الغداء بعدين أشوف وش ودي اسوي لازم يكون عندي مشروع او اقرا كتب.

اللي متأكدة منه اني أحتاج وقت أقضيه مع شريك حياتي غير وقت النوم وأوقات الوجبات، ويا حبذا يوم أسبوعيًا يكون date بحيث نتشوق له طول الأسبوع وتظل علاقتنا حية وممتعة

يكون لكل شخص مساحته الشخصيه وحريته ويكون الاحترام والتقدير متبادل بينهم لو مشغول بحترم وقته ولو مشغوله يتفهمني واكيد إذا حبينا بعض بيكون وجودنا مع بعض اكبر سعادة

‏يختلف ففي أول أيام الزواج شهر العسل يكون الاهتمام متبادل بين الزوجين وترك الأشغال مؤجلة قليلا ثم تأتي الأيام العادية كل منا يزاول شغله لكن دون إهمال للطرف الثاني

المفروض الزواج شيئ مقدس وجميل وما يكون فيه روتين ممل ان يكون متجدد دائماً من قبل الزوجين كل منهم يحاول ان يعمل اجواء جميله ومفاجآت لكسر الروتين

اذا كان هناك اتفاق مسبق ما قبل الزواج من الطبيعي سوف يكون هناك اتفاق ما بعده وتكون حياة سعيدة بعيدة عن المشاكل او قدر الامكان قليلة الاختلافات

ان يكون البيت هو مصدر السعادة وليس الاستراحات مثلا ان يكون في العاب ذهنيه ورقيه اسأله فعاليات اهم شي يكون البيت فيه من سعة الصدر الكثير

تناول الوجبة الغداء معا ثم أخذ راحة من النوم الخروج لتقضية بعض الوقت في المساء مشاهدة افلام والنوم افضل وقت المرح سويا دائما

عناق قبل الفجر وصلاة ثم رياضة ثم إفطار رومانسي وعلاقة حميمية ثم دوش ثنائي ثم عمل ثم تروش راحة ثم تنزه مطعم وعلاقة حميمية ونوم

أداء الصلاه في وقتها النوم مبكر وقضاء ليله ممتعه والمحافظة على صلاة الفجر وقتها. وبعدها افطر مع شريكة حياتي وبعدها العمل وهكذا

طبخ صحي - نادي - جلسه - موفي - تنظيف - عمل ومايمنع ايام مايكون فيها روتين والسهر من يوم إلى يومين في الاسبوع افضل المشاركة جدا

صحيان بدري دوام طبخ الغدا قيلولة او جلسة قهوة حسب الارهاق. نادي ثم مشاوير البيت الخفيفة او رجعة للبيت وجلسة رايقة الى وقت النوم

مافي روتين معين اهم شي ننام واحنا مرتاحين بدون زعل ونصحى بيوم جديد وكليئ بالحب والامتنان لبعض والأعمال الخاصة والمشتركة الزوجية

سيكون روتين مليء بالانشطة والأعمال والمهام المتنوعة وسنختمه بإذن الله بأجمل جلسة قهوة ومسكة يد وكلام حلو وبعدها أشياء جميلة وبس ❤️🌹

وقت للفطور الصباحي وتناول القهوة تنظيم وقت النوم وللاستيقاظ تنظيم وقت الطعام تحديد وقت للسفر كل عام الخروج مرتين او ثلاث في الاسبوع

يكون في اتفاق مسبق على الروتين بعد التوافق بطريقة تناسبنا احنا الإثنين بحيث كل واحد فينا له مساحته وفي نفس الوقت نكون أولوية عند بعض

نفسي يكون كله حب وتقدير واحترم وأخلاق وحوار وتفاهم بدون عصبيه والتفكير من أجل المستقبل بكل تفاهم متبادل وكل بساطه وان الله على شي قدير

البسمة الحلوة، التفاهم، الكلمة الطيبة، العيشة الهنية … القيام بالمسؤوليات بأفضل شكل، الزوج يساعد زوجته، الزوجة ترحم وتقدر زوجها، الاستثمار بالعلاقة، جودة حياة عالية

الاستيقاض في الصباح وانجاز بعض الامور منها الرياضه تعلم شي الجلوس مع الاهل. والذهاب الي العمل والنوم مبكرا ولا مشكله في الخروج الي بعض الكافيهات والمطاعيم لترفيه 😊

احب الشخص الي روحه حلوة ويحب المغامرات .. احب جو الوناسة لو ان شاءالله ياكلني شاورما عند البحر بس روحه حلوة عادي 😂 الحياة تكون حلوة مع الشخص الصح ✌🏻 احب اجرب اشيه يديده .. البولينق و كرة السلة حبيتهم و احب العب بلايستيشين مع اخواني لكسر الروتين😂🌚

اصحى في الصباح اجهز فطور نفطر سوى بعدين يروح على الدوام وانا امسك البيت من أعمال منزلية وطبخ غداء ، لما يرجع أستقبله عند الباب بكل حب ونتغدى سوى وقت المغرب أسوي قهوة وشاهي وحلى ونقعد مع بعض نتكلم ونتناقش ونتحاور نحكي بعض اش صار في يومنا، نخصص وقت لبعض يومياً ..

ماحب الروتين لكم عمومابوسط الاسبوع دوامات وبيت ولا مانع من الخروج بالمءا مع الاصدقاء او العائله او الزوج بالويك اند يكون الخميس لي وللزوج كل واحد يطلع ينبسط لحاله كيفه الجمعه للاهل السبت معروف اليوم اللي ماله داعي تحس عليك شي وماعليك شي لا مفكوك ولا مقيد ههههههههههههه بس عادي انا مرنه مااحب الروتين

نوم وبعض الاكلات الصحيه بالجدول ما يضر .. الواجبات المنزليه والواجبات الزوجيه قبل كل شيء - الاهتمام والعنايه بالنفس والبيت - ممارسة الهوايات المحببه لكلا الطرفين حتى نخفف من ضغوطات الحياه - التعاون والمعاونه - التطوير من الناحيه الماديه والفكريه والعلاقه الزوجيه - بالاضافه تجي الخلفه والاطفال وتربيتهم الخ...

بعد ما نستيقظ نبدأ يومنا بالصلاة ثم بفنجان قهوة مع بعض ونجهز الإفطار سويًا بعدها نمارس بعض الأنشطة مثل المشي أو الرياضة خلال اليوم كل واحد يركز على عمله لكن نتواصل بين الحين والآخر. في المساء نتناول العشاء معًا ونتابع فيلم أو نتحدث عن خطط المستقبل قبل النوم نقضي وقت هادئ ونفكر بالأشياء اللي نشعر بالامتنان لها

لا يوجد روتين مثالي للحياة بصفة عامه فالحياة بطبيعتها متغيره ونحن متغيرون ولكن هناك عوامل تجعل الحياة الزوجية مستمرة بكل حب من هذه العوامل "التفاهم والود ومساندة الشريك والستر والاحترام والصدق وتقبل الاخر والعمل ع تغير النفس للافضل" هي من تجعل الحياة جميله فنحن نبحث عن شريك الحياة الصادق الودود المتفهم لنمضي قدماً في هذه الحياة معاً بكل حب وسعاده

“روتيني اليومي المثالي بعد الزواج يكون بسيط لكن مليان دفء وتفاهم. نبدأ يومنا بصلاة الفجر مع بعض، بعدين كل واحد يروح لأعماله أو اهتماماته، ونكون على تواصل خفيف طول اليوم. نرجع نلتقي وقت الغداء أو العشاء، نتشارك أكلنا ونحكي عن يومنا. أحب يكون فيه وقت نجلس فيه سوا، نضحك، نتفرج على شيء نحبّه أو نطلع مشوار بسيط. قبل النوم، نختتم يومنا بصلاة الوترو بدعاء وكلام حلو يخلينا ننام وإحنا مطمئنين لبعض.

روتيني اليومي المثالي بعد الزواج يبدأ بصلاة الفجر مع زوجي، ثم تجهيز إفطار بسيط نستمتع به معاً. بعدها، أرتب المنزل وأعتني بنفسي، سواء بممارسة الرياضة أو القيام بروتين للعناية بالبشرة. خلال النهار، أتابع عملي أو أنشطتي الخاصة، مثل تصميم الأزياء أو تطوير مهاراتي. أجهز وجبة غداء لذيذة، ونقضي وقتاً ممتعاً بعد العصر، سواء بالخروج أو ممارسة هوايات مشتركة. في المساء، نتناول العشاء ونشاهد فيلماً أو نتحدث عن يومنا قبل النوم.

كل شي منظم بطريقه مريحه يعني وقت النوم و وقت الأكل و وقت الطلعات احب الوناسه والتنظيم والحياه المستقره والروتين الغير ممل ويهمني يكون فيه وقت للتواصل مع بعض يعني اسمع له ويحكي لي عن يومه ويسمع لي بكل حُب جداً اقدر هذا الشي ما احب البرود ابداً فالتعامل بين الازواج ودايم ارسم في مخيلتي صوره جداً جميله لروتيني من الصباح حتى وقت النوم مع شريك حياتي وابرز مافي هالصوره الاهتمام المتبادل والحُب والدعم والضحك وجميع المشاعر اللي تلون الحياه 💕🌷🌈

ككاهن، أصف الروتين المثالي بعد الزواج بأنه يتضمن توازنًا بين الالتزام الروحي والعاطفي، مع التركيز على النمو المشترك والتفاهم. الروتين المثالي يشمل: 1. الصلاة والتأمل معًا: تخصيص وقت للصلاة والتأمل الروحي كزوجين يعزز العلاقة مع الله ومع بعضكما البعض. 2. التواصل الصريح: التحدث بصراحة عن التوقعات والمشاعر، ومشاركة الأفكار والطموحات اليومية. 3. الاحترام المتبادل: بناء روتين يعتمد على الاحترام واللطف المتبادل، مع تقدير كل طرف للآخر. 4. الأنشطة المشتركة: قضاء وقت ممتع معًا .

أممم لا أعرف بالضبط لكن أحب أن نصحو قدر الإمكان مع بعض، ونغسل وجوهنا ونوضي أو نستحم ونفرش أسنانا مع بعض، ويكون بيننا حب ولطف من أول ما نصحى لين ننام، ونعتني براحة بعض، ونعد الطعام لبعض و كل واحد يحاول ما يمر اليوم الا وساهم بالاعتناء بحب براحة شريكة بقدر استطاعته، المهم نبادر كل يوم بتبادل الحب والعناية ببعض، وإذا كان أحد منا بحاجة إلى وقت خاص فيه نحترم رغباتنا،يكون لنا ورد من الذِكر، و نركز على مزايانا و نقبل عيوب بعض بكامل الاحتواء والاحترام. ( أكون معه وكأني مع نفسي من شدة ارتياحي، وهو كذلك)

الاستيقاظ عند الفجر، روتين هاديء بعد الفجر، قهوة او افطار، عمل ثم العودة لصنع وجبة شهية، بعد العصر، الخروج للمشي مثلا او البقاء في المنزل في يوم هاديء مع ضرورة كسر الروتين خلال الويكند ومن الجيد ان يصبح لكلا الشريكين يوم محدد فالأسبوع خاص به.

اشغالي اموري الشخصيه كل شي اديه حقه مااحب تفرغ اليوم الا اذا كنت كسلان او تعبان وكل شي بعذره اما اجلس كذا روتين مااحب حنا لو كنت جالس في البيت لازم اشغل الي حولي على شان احس ان البيت باقي فيه ناس حيه وبس والله حبيت اعبر عن شعوري ❤️❤️

ان يكون مليئ الموده والرحمه والحفاظ على جميع الأمور ان يكون الزوجين على توافق ولا يخرج كل منهما أسرار البيت الصدق والوضوح يكون اساس بينهم اولا مخافة الله ومحاسبة النفس

أنا شخصية مرتبة أحب ابدا اليوم من الصباح "قهوة ☕️🫂" حياة هادئة مليئة بالحب والتقدير والمشاركة يوم خالي من الزعل والسلبيات ليل ساكن وهادئ مع روتين يساعد على الاسترخاء قبل النوم

اهتمام بمشاعر وراحة الطرفين، خلق اجواء مليانه حب ومرح. نتشارك اهتماماتنا، نخلق وقت خاص كل يوم نتفرج نتقهوى نخرج ديت. مناقشه في المواضيع المهمه، نحط اهداف لشي معين نبغى نوصله مع بعض

التخطيط المسبق في وضع جدول اسبوعي يحتوي جميع المهام اليوميه مثل وجبات الاكل ومواعيد اوقات الخروج والعوده للمنزل كنوع من تغير الاجواء واقات التسوق واماكن نخطط لزيارتها وهكذا على مدى شهر كامل

أقوم الصبح اخذ سناك اروح النادي مع زوجي وبعد النادي نطلع نفطر احلا فطور واروق فطور ونروح على دوامتنا بعد الدوام نروح البيت ونتغدى ونتقهوى ونحلي ونسولف ونشوف شي ع التلفزيون بعدين نروح ننام عادي

روتين عادي اقوم الصباح بدري صلاة الفجر ثم إلى العمل واطلع من الدوام واقضي باقي الوقت مع الاهل وبعدها امشي رياضة شوي بعد المغرب وبعد صلاة العشاء اجلس مع الوالده ومن ثم الساعة العاشرة ليلا أخلد إلى النوم

اريد بتوفيق الله سبحانه اولا ومساندت شريكة الحياة التجديد المستمر والمشورة والاتفاق على ان نكون مختلفين حتى لو بتغيير شكل سفرة المائدة وجعل الحياه مشاركة في كل شي والاستمتاع بالاوقات في صنع ابسط الامور

روتيني يدور بشكل أساسي حول العمل، وقد يتخلله سفر أو انتقال داخل المملكة أو خارجها، وتحقيق التوازن ليس سهلا في هذه المرحلة، إنما بعض الأنشطة في الهواء الطلق أيام نهاية الأسبوع، وزيارات الأهل بحسب الأحوال

نفطر سوا نسهر سوا نتابع فيلم سوا نطلع مشاوير سوا مشاركة يومنا مع بعض نتساعد اذا احد احتاج الثاني اذا مرض واحد منا الثاني يقوم فيه الروتين الممتليء بالحنية واللطف والاحترام والتقدير والرأفة بيكون اجمل روتين

نوم..اكل..طلعات ..سهرات .مشاكل وخناقات ..تفاهم..حب رومانسيه...اشيل عنه هموم شغله وكل شي ويشيل عني .....اكون معاه في الشده قبل الرخاء ..اتحمل الابتلاءات ..ماديه جسديه.. نفسيه ..كل شي..نشجع بعض على الطاعات والنوافل

الروتين اليومي سيكون الاستيقاظ فجرا ثم اعداد الفطور والاستحمام ، والتجهز للذهاب للعمل ، بعد العمل اكله بسيطة ، ثم الاسترخاء ومشاهدة فلم سوياً مثلا او اي نشاط او خروج بعد المغرب سيبدا اعداد الوجبة الاخيرة . ثم النوم الساعة ١٠ مساء.

كل واحد مشغول بعمله وبمهامه اليوميه نتقابل بداية اليوم لتوضيح مهامنا لبعض ووين بنكون خلال اليوم ونفترق ونرجع نتقابل ع المغرب المساء يكون وقتنا مع بعض اما النهار فهو وقت العمل والمهام اليومية والويكيند يكون هو الوقت المفتوح مافيه تنظيم ولا ترتيب

أنا روتيني بسيط لكن يتعدل للزوجة الطيبة تبي تتمشى تبي تروح صاحباتها أو عند أهلها أهم شيء لاترجع البيت وتفش زعلها على هههههه

صباح هادي مع العائله بعدها عمل وبعد العمل جلسه لطيفه عائليه الى العشاء وبعدها انجاز مهام المتبقيه في اليوم وثم النوم الويكند اتوقع يكون مرن بناء على رغبتنا نغير فيه.

روتيني اليومي بعد الزواج يكون متوازن بين العمل والبيت أصلي وأقضي وقت مع زوجتي وأولادي نشارك بعض ونستمتع بوقتنا وبنفس الوقت أخصص وقت للراحة وتطوير نفسي

أحب أغير كل يوم. جلسة قهوة وجلسة برا البيت وجلسة هدوء، مرة بلايستيشن أو طلعة أو تصوير أو رياضة، وأحب دايم أفاجئ شريكتي بأشياء تدخل السعادة عليها.

اقوم الصباح اروح المسجد ارجع افطر انا وزوجتي نتقهوى نقراء كم صفحة من كتاب نتكلم شوي اروح الدوام ارجع نتغدى ننام نصحى العصر اروح النادي المغرب نتقهوى مع بعض في الخارج او البيت اذا تبي تزور اهلها مافيه مشكل اذا ابي اروح اقابل اهلي انا او اقابل اصحابي لين يجي وقت النوم وتدور الدائرة.

حبيت السؤال ، ممكن يكون اصحى الصبح نفطر سوا نحضن سوا طبعا و بعدها هو يروح الشغل وانا كمان بعدها نرجع نتغدا سوا بعدين نروح النادي نتمرن بعدها نروح سينما بعدها نتعشى سوا بعدها نرجع البيت وكذا او اوقات كمان عادي نقضي اليوم بالبيت سوا نسوي فعاليات مع بعض🥰🥰🥰🥰

يعتمد على نمط الزوجين والإولويات .. بشكل عام ضروري يكون فيه توازن في الاهتمام بالعلاقة والاحترام بين الطرفين والاستمتاع مع بعض

صلاة الفجر عمل قهوة ظهر مع العائلة عمل فترة العصر إلى قبل اوبعد صلاة العشاء ثم وجبة العشاء في الغالب من المطعم المميزة جلسة عائلية ومشاهدة التلفزيون والسياسةثم سواليف غرفة النوم وكلها في اوقات محددة مع تغير البرنامج في نهاية الاسبوع

صلاة فجر > اذكار صباح > فطور > دوام > صلاة ظهر > غداء > صلاة عصر > جلسة منزلية وأذكار مساء > صلاة مغرب > مشي > صلاة عشاء > نوم هذا في اكمل الحالات .. احيانا يصير زيادة او نقصان

نصحى الصباح مبكرا ونفطر ونقرا او تمارس هواية مفضلة لها وانا اقرا ونتمرن والظهر اشوف العمل والعصر ممكن نطلع وبعد العشا نتفرج او نجلس مع بعض وننام بدري على ١١-١٢

انا من محبي اجواء البيت والعائلة وجلسة البيت خصوصا ان كان بيننا حب وشوق فيما بيننا وجميل ان يعطى كل شخص مساحته الخاصة لعمل اهتماماته فنحن نعيش في منزل واحد عمرنا كله فجميل ان يكون الشخص في منزله يفعل مايريد وهو مرتاح من غير ضغوطات من الطرف الاخر

يختلف من شخص لآخر، ويعتمد على تفاهم وتوافق الزوجين. لكن يمكن وصفه بكونه مزيجًا متوازنًا من المسؤوليات المشتركة والوقت الخاص والفترات المخصصة لتقوية العلاقة، مع المحافظة على الدفء والرومانسية.

والله بكون صريح انا رجل انطوائي نوعا ما احتاج عزلة فنقول على سبيل المثال بديت يومي من الفجر اتوقع من زوجتي ولن اجبرها انها تسوي لي فطور وبعد الدوام ارجع اريح وان كانها مسويه غداء الله يكثر خيرها وان ما قدرت تبلغني اجيب والعصر عاد نشوف نطلع ولا نجلس نشوف لنا صرفه

من الغباء أن أقرره الآن كوني ليت متزوجة ولا أعرف الشخص ولا الظروف. غير أني لا أحب الرسم بالمسطرة ووضع العراقيل والعقبات، أحب ترك كل شيء يترتب بمرونة ويسر كما يريد له الله.

الاستيقاظ فجراً الصلاة و تجهيز الأطفال للمدرسة وذهاب الزوج للعمل، أمارس الرياضة اشرب كوب قهوة، اشاهد الجوال، ارتب بعض الاشياء البسيطة واعمل الغداء، بعد الغداء الكل يخلد للنوم حتى صلاة العصر الكل يستيقظ يصلي ونتجمع على قهوة العصرية حتى المغرب، ثم يبداء الطلاب بالمذاكرة وحل الواجبات، وانا اخذ قسطاً من الراحة لنفسي

نصحى الصباح نفطر ونروح دواماتنا وبعدها نرجع للبيت نتغدا سواء وممكن ناخذ غفوه وبعدها نروح للنادي ونرجع ممكن نفرفر بالسياره او نرجع للبيت، والمهم انه نعطي وقت لأنفسنا واننا نحط يوم محدد بالاسبوع يكون لنا الاثنين سوا نسوي اكتفيتي ويمون فيها تغيير روتين.

مشاركة طبخ وجبة الافطار> عمل> نادي نتمرن سوا سواء في نفس النادي او فالبيت > كواليتي تايم يومياً اسمع لها وتسمعني> نسوي عشا خفيف سوا مع موسيقى جاز هاديه واحيانا مصري ونشعللها.. احب تنظيم ايام الاسبوع واحب بعثرتها وكسر الروتين اذا طولنا

ما احب الروتين ودايم اكسره قد ما اقدر .. لكن الاعمال تجبرنا على روتينها ومواقيتها فالمثالي احترام الاوقات الوداع والاستقبال والإعانة على تخفيف التعب عند الرجعة بعد يوم عمل طويل ومتعب

ايصال اطفالي للمدرسة الذهاب للنادي الذهاب للعمل تدريس اطفالي والاهتمام بهم تجهيز قهوة المغرب واستقبال الزوج بكل حب اخذ اطفالي للنوم قضاء وقت ممتع مع الزوج

تقوم بدري. مع الكون. لان. الكون يبداً من الصبح. وتصلي فروضك في وقتها وشغلك. يكون بالوقت المناسب. غالبا. وتكون هادي ورايق. لان. كل شيء. صار بوقته.

روتيني المثالي بسيط: يوم يبدأ بطاقة وهدوء، شوية شغل، وشوية ضحك وراحة. نرجع آخر اليوم نتعشى سوا، نتكلم عن يومنا، ونختم الليلة بهدوء ورضا. حياة مستقرة بدون تعقيد

أن نبدأ اليوم بصلاة الفجر معاً ثم نتشارك فنجان قهوة الصباح مع موسيقى فيروزية نخطط ليومنا ونشجع بعض على أهدافنا ونعود لبعض في المساء، نتقاسم هموم الدنيا ونتذكر نعم الله علينا

تهمني الراحة النفسية .. الخصوصية .. احترام المساحة الشخصية .. كلا منا يعيش حياته .. نلتقي في أوقات تجمعنا خلال اليوم .. نخطط لتجارب ولو بسيطة مع بعض لو بسفر أو بدون سفر .. و أوقات نتفرغ لإهتماماتنا .. أتمنى حياة سلسة سهلة مريحة .. ولو كان خفيف دم ي ليت ..

أن نبدأ اليوم بصلاة الفجر معاً ثم نتشارك قهوة الصباح مع موسيقى فيروزية نخطط ليومنا ونشجع بعض على أهدافنا ونعود لبعض في المساء، نتقاسم هموم الدنيا ونتذكر نعم الله علينا

روتيني اليومي بعد الزواج بسيط وهادئ يبدأ يومي بمسؤوليات خفيفة واهتمام بالبيت وبعدين شغلي وحياتي تمشي بشكل مرتب أكثر وصار في مشاركة بالأشياء الصغيرة اللي تعطي اليوم معنى ولما يجي الليل أحس بالراحة لأني أرجع لبيتي وشريك حياتي ويحس اليوم كأنه أخف وأدفى رغم كل مشاغله

صلاة الفجر في جماعه العوده للمنزل الإفطار بالمنزل الذهاب لأعمال البزنس الخاصه بي العوده للمنزل للغدا اخذ قيلوله صلاة العصر العوده للمنزل لشرب القهوه والحديث مع الاهل الخروج بعد الخامسه عصرا للتشييك على الأعمال صلاة العشا العوده للمنزل للسمر مع العائله ثم النوم

بتتبع الأحداث من الصباح إلى المساء، مثل الاستيقاظ وتناول الفطور، والذهاب إلى العمل أو الدراسة، والقيام بالأنشطة بعد العمل مثل ممارسة الرياضة أو الترفيه، ثم العشاء والتحضير للنوم.

انا مشغوله بشغلي وفي نفس الوقت احسن ادارة بيتي ومهتمه بنفسي وزوجي زوجي مشغول بشغله ومهتم بنفسه وفيني وبالبيت لنا وقت مستقطع لبعض ننتبه لبعض ومستمتعين مع بعض

مافي روتين مثالي لكن حلو ان نكون مهتمين بجوانب الحياه المختلفة ومقسمين وقتنا عليها ونتشارك فيها .. زي الرياضة - الترفيه - القراءة - الراحة - العبادة - ادارة اعمال المنزل .. الخ

سؤال صعب ، لكن أنا إنسان أتكيف مع المعطيات مادام البيئة الموجودة داعمة وليس فيها كدر لجميع الأطراف شاملة الأهل والأطفال ان شاء الله الأمور تمشي مادام فيه تفاهم

اقوم الصبح اسوي فطور نفطر يتسهل على شغله انزل الغدا واروح النادي او اخلص شغل البيت واقوم الظهر اصلي وابدا اجهز الغدا اتحمم وانتظره يجي نتغدى ونتفرج على مسلسلنا او نخرج نجيب اغراض او يريح شوي ياخذ له قيلوله والمغرب اصحيه وانا مجهزة القهوة ونتقهوى او نطلع نتقهوى برا وحكذا

يبدا الصبح بكل لطف بقهوة مشتركة ودردشات قصيرة تعطي اليوم طاقه حلوه وايجابيه بعدها كلن يروح في عمله ونرجع نلتقي المساء في بيتنا الدافئ ونتلاقى ونفتح مواضيع تريح وتقرب قلوبنا

يبدا الصبح بكل لطف بقهوة مشتركة ودردشات قصيرة تعطي اليوم طاقه حلوه وايجابيه بعدها كلن يروح في عمله ونرجع نتلاقى المساء في بيتنا الدافئ ونفتح مواضيع تريح وتقرب قلوبنا لبعضها

الروتين اللي اتخيله مناسب لي ان انا بحكم الشغل ما راح اكون موجود الصباح كاعادةكثير من الشباب علشان الشغل لكن الفكرة بعد ما ارجع من الشغل القى البيت مرتب ريحتة حلوة مو شرط حتى تكون فية صاحية حتى عادي تكون جهزت الاكل وناكل بعدين اريح شوي بعدين تجي قهوة+شاهي بعد المغرب لين العشاء اذا كنا جالسين بعدين عاد كل واحد يروح يبي يقعد على الجوال يتابع مسلسل. هو حر

الروتين المثالي نصنعه معا.. جزء اساسي من هذا الروتين هو لحظات اقضيها مع زوجي بحضور كامل و امتنان.. وجبة نأكلها سوا.. أنشطة نمارسها سوا.. و طبعا أوقات أقضيها مع نفسي.. امشي في الحديقة.. اصبح على نخلتي المقربة "عنبورة".. و أوقات اقضيها مع بنتي طبعا العب معها و اسمعها و اعيش معاها عالمها.. و اوقات نقضيها معا كعائلة نحس بالانتماء و الاماااان و الاستقرار

لا أحب الروتين الممل ولا أسعى لأيام متشابهة أطمح أن يحمل كل يوم مفاجأة صغيرة تشعل دفء القلب …أريد أن تكون أيامنا مليئة بالابتسامات والحب والأمان… أريد أن ننسج ذكريات جميلة معًا وأن نجد في بعضنا ملاذًا للسكينة والطمأنينة

لا أحب الروتين الممل ولا أسعى لأيام متشابهة أريد أن تكون أيامنا مليئة بالابتسامات والحب والأمان أريد أن ننسج ذكريات جميلة معًا وأن نجد في بعضنا ملاذًا للسكينة والطمأنينة

ما أحب أرفع سقف توقعاتي لأني معرف إيش حياتي حتكون بعدين ولكن يكفي إني متفائل برفيقة الدرب إني أكون عون لها وتكون عون ليا في طاعته والروتين يكون حسب الحياة الجديدة وغالباً النساء هم يتفنون بجماليات الروتين بالنسبة ليا إذا الله كتب ليا الزواج أحب نتمشى سوا ونتفرج سوا ونسافر سوا وتجي أوقات نطلع على آخر الليل ناخذ لنا قهوة ولا شاهي عالجمر وسوالف بسيطة وونس وضحك أحب الفرحة والونس والضحك مع رفيقة الدرب أهل بيتك هم أهم ناس تبث لهم روح الفرحة أسأل الله أن يحققها ليا بالحلال في طاعته عما قريب

روتين شبه تقليدي فطور مشاركة الغدا والاعمال المنزلية ولكن اهم شي وقت لنفسي ساعتين باليوم بدون عمل فقط لهوايتي وبرواقي ووقت مع شريك الحياه لوساعه باليوم ويوم يكون يوم مشترك ومتغير

احب يكون يومي بسيط ومرتب اصحى على هدوء وقهوة وقليل شغل وبعدها وقت للعائلة والبيت والمساء يكون لنا نطلع او نسولف او نشوف شي نفضله سوا يعجبني التوازن بين الشغل والحياة

انا دائما في استراحتي مع بعض الاصدقاء والاخوان واغلب الايام غدانا وعشانا فيها فترة الصيف اما الشتاء نطلع برا وناخذ أغراضنا ومن الممكن ننام في البر يوم يومين الى اسبوع طبعا رجال

احيه كذا اوفر روتين حياة بعد الزواج اخ بس ايش اقول ايش اخلي حضن بالنوم حضن اذا صحيت حضن اذا فطرت حضن قبل اروح العمل حضن بعد ما ارجع حضن وقت الغداء حضن العصر حضن بكل وقت يالبيه لو الحياه كذا

انا عندي مخطط لزواجي روتين حلو الشهر نقول 4 اسابيع الاسبوع فيه 2 الى 3 مرات جماع نهاية الاسبوع يوم نزور اهلي ويوم نزور اهلها ويوم فري يكون للحرمه ما تطبخ فيه هذا نطلع نتمشى ولا نتسوق ولازم ان كل يوم من المغرب للاخر اليل هذا وقت العيله انا ويا الزوجه والعيال

أنا إنسانه تحب تبدأ يومهابهدوء جمييييل أصحى بدري أصلّي وأحتضن فنجان قهوتي كأنه لحظة صفاء خاصة فيّ أحب أمشي الصباح وأحس بنسمة الهواء تلامس روحي قلبي يميل للرومانسية والعاطفة، ويمكن أكثر شيء يعبّر عني إنّي أقدّر الالتزام والنظام والترتيب والنظافة يعطوني راحة وطمأنينة ومع كل هذا الهدوء اللي فيني أحب الضحك والمرح وأعشق اللحظات اللي تخليني أبتسم بدون سبب

بالنسبة لي أنا أحب البقاء في البيت والمشاركة في أعمال البيت والاجتماع مع الزوجة والابناء في وقت من اليوم لا يقل عن ساعة والسماع لبعضنا ومشاركة الأهل في نشاطهم اليومي وما إستجد معهم وإذا خرجت إلى مكان يكون هادي

بحكم اني موظفه ولايوجد لدي الوقت الكافي لإدارة المنزل ولكن بكون تحت ادارة اطفالي بوجود عاملة منزلية لمساعدتي في امور المنزل سكن ملك مع زوج قادر على ادارة مصاريف المنزل

دوام نتقابل ع الاكل ونروح النادي بعدها ونرجع ناكل ونشوف موفي ونسولف وننام هذي بايام الاسبوع بالويكند يوم مخصص لنا ويوم مخصص له ويوم لي كل واحد يمارس الاشياء الي يحبها مو شرط يوم كامل وممكن نزور الاهل ولو كان فيه اطفال بيكون يوم مخصص لهم

اني اكمل حياتي طبيعي وما انتظر من المقابل يوفرلي اقصى الاحتياجات الخياليه الفوق مثاليه الي فوق طاقة البشر لانه ليس علاء الدين ولا انا طبعا ..يكون مشاركة وصديق نحس بالسكون والراحه لما نقضي وقت سواء ولكن بنفس الوقت لي مساحتي ووقتي ..وله مساحته. و مافيه الاعيب واسرار ..

استيقاظ من نوم وقت المناسب تهوية الغرفه كلمة لطيفهة أو ابتسامة جميلة لشريكة حياتك تعدل مزاج الطرفين دايما الكلام الحلو له فوائد كثيرة تجهيز فطور بسيط ترتيب البيت ١٠ او١٥ دقيقه تناول الطعام بدون هواتف لاستماع للطرفين مشاهدة التلفاز مشتريات الطعام للمنزل تقاسم الأعباء للطرفين ومساعده التواصل المستمر بدون نقد جارح احترام الطرفين يوجد الكثير

اشتغل مهندس حقل في الشركات النفطية التابعة لارامكو وليست ارامكو نفسها نظام عملي أداوم شهر وآخذ إجازة شهرالشهر اللي أداومه أكون بوسط الصحراء بمواقع التنقيب والحفر والاستكشاف يعني ما أجي البيت نهائي والشهر اللي أطلعه أكون فاضي تماماً . فلذلك أقدر أقول الروتين راح يرسم نفسه بنفسه مع الوقت

اصحى من النوم اروح الوظيفه . ارجع من الوظيفة اجلس مع الاولاد والاهل و انام اروح الوظيفه وهكذا الى اجل من غير مسمى مع محاوله الاستقرار المادي والوصول للحريه الماليه

الدوام راحة بعد الدوام وجبه طعام شاهي وقهوة و تبادل الحديث الخروج للتنزه او الزيارة تسوق اي منها وليست شرط كل يوم ممكن ممارسة نشاط مشي رياضة ثم وجبه استعداد للنوم يعني من هذا القبيل

مااحب الحياه المثاليه قد مااحب روتين خفيف لطيف عباده وعمل وتوزيع الوقت بقيه اليوم بينهم كلهم يكون بالكلام الحلو وطاقة المكان و الجو العام بالنسبه ليا شي مهم بان يكون كل يوم شعور بانه صباح العيد كيف يكون 😍 دايما حياتي كذا الحمدلله فما بالك بشريك حياه 🤍 اختصرها : صباح منظم، مساء عائلي دافئ، ونوم مريح.

انا تقاعدت تقاعد مبكر روتيني اليومي اصحى في الصباح اصلي الفجر وافطر مع الأولاد ويروحون لكليتهم وانا اروح للنادي وبعد النادي اقضي مقاضي البيت واذا فيه شغلة خلصتها وارجع البيت انتظر الأولاد يجون ونتغدا سوى بعد الظهر وناخذ قيلولة وبالعصر اذهب لبيت الوالدة واتقهوى معها وارجع وبالليل اتفرج مسلسل او اي شيء وننام بدري

عمل من ٦ صباحا الى ٢ ظهرا غذا واسترخاء الذهاب سويا لممارسة رياضة المشي في الحديقة شراء اغراض للمنزل انجاز بعض الاعمال الوظيفية الجلوس سويا للعشاء والسهر حتى العاشرة ليلا النوم

تواصل يومي وصراحة في المشاعر. وقت شخصي لهوايات كل طرف. تعاون في المهام المنزلية واتخاذ القرارات معًا. اهتمام بالصحة وممارسة الرياضة. حياة اجتماعية متوازنة مع الأهل والأصدقاء. تخطيط لأهداف مشتركة ومستقبل الزوجين لحظات رومانسية منتظمة للتقارب والحب ولاننسى ان التجديد من فتره لفتره مطلب لعدم دخول الملل بين الزوجين

الاستيقاظ صباحا لصلاة الفجر تحضير الفطور . العوده للنوم والاستيقاض ظهراً لاداء الصلاة ثم تحضير الغدا والاجتماع عصراً للقهوه او الخروج مساء لاحتساء كوبي قهوه وكسر الروتين اليومي

انوم بدري ٩ او ١٠ واصحى الفجر واشتغل على شيء له علاقة بالبزنس حقي المستقبلي ثم ٧ اروح للدوام وبعض الاوقات مايكون عندي محاضرات اروح لمكان هادي او في البيت واكمل شغل الى ٣:٣٠ طبعا اتغدى قبلها، ثم ابدا اشوف الشركات في سوق الاسهم الامريكي الى صلاة العشاء تقريبا ثم استعد للنوم قبل انوم اشوف فلم، او بودكاست او حاجة خفيفة ثم اكرر الروتين. الوظيفة ماتخليك غني عكس التجارة زي ماذكر الرسول اللهم صلي وسلم عليه (تسعة اعشار المال في التجارة)

الذهاب للعمل ايام الأسبوع ساعات العمل طويله . وقضاء وقت رومنسي هادئ بعد ذالك جودة الوقت اهم من عدد الساعات بيت مرتب نظيف زوجة تقوم بترتيب الوجبه لزوجها نهايه الاسبوع قضاء وقت رومنسي مع الزوج السفر مهم لتجديد وتغيير الروتين

الذهاب للعمل ايام الأسبوع ساعات العمل طويله . وقضاء وقت رومنسي هادئ بعد ذالك جودة الوقت اهم من عدد الساعات بيت مرتب نظيف زوجة تقوم بترتيب الوجبه لزوجها نهايه الاسبوع قضاء وقت رومنسي مع الزوج السفر عند القدره مهم لتجديد وتغيير الروتين