ماهي علامات اللي يتميلحون بالتطبيق؟

لما اكتب اسئله يجلس يراوغ على اساس انه جاد ويبي يتعرف بجد بس موب يجاوب على الكميه الكبيره من الاسئله هذي يوه هذا اختبار قدرات ويضحك كثير ههه سطور بعد وش فيك يوه معقوله اجاوب على كل هالاسئله ( هذا إنسان انصدم ان اللي تكلمه جاده وهو غالبا يدور شي حرام )🙂يعني الرجال اغبياء يحسبون الزواج سهل وبدون اسئله لو اكتب عشر اسئله هذا قلييييل جدا لاني راح ارتبط فيك شريك مدى العمر. ماحب الكمخه وأغلبهم إلا من رحم ربي كمخان ويتميلحون وكذابين🙂💔💔واللي يجي صادق تكون مواصفاته قليله مو قاري ملفي بس متفائل او مطل

ما يكون جاد في كلآمة و يحاول يستدرج البنت لمقابلات و مكالمات و طلب صور

عدم الجدية واختلاف الأهداف توضح ان الشخص موجود هنا فقط للعب. 🙂

صور وهميه - يوزر سنابه باسمه - صورته وهو بالنادي اذا كان معضل

يحطو الشمس بيد و القمر بيد و هم مو حول الزواج و لا يحزنون

يوصف نفسه بمبالغة سواء ف اللبس او محبته للعطور واناقته 😝

الاحترافية في الكذب والتواصل السريع والاستعراض بما لديه

اللي يبالغون بالكلام أو يقللون من احترام الطرف الآخر

انا اسوي وانا عندي وانا وانا وهو خراط وقت الجد يهرب

الهياط والكذب الللي يفقع المراره ومسوي فيها اخر حبه

اذا قال انا وسيم وجسمي حلو بلوك اذا قال انا غني بلوك اذا قال انا متحرر بلوكين

الصور وبالنهاية ما تطلع صورته ويكتب جاد ولا فيه من الجدية قطره هههه الله يعين

طبعاً الهياط يبدأ اول شي من البايو تلقاه حاط فيه نبذه تعريفه عنه من هنا ليوم القيامه وأنت تقرأ ماتخلص😂بعدين يجي وقت الصور اللي ينزلهم بحسابه وانه راعي سفريات واستعراض بالسيارات والعضلات تحصله واقف عند كم جهاز تمرين يعنني إنسان رياضي ومهتم بصحتي 😂😂🏃🏻‍♀️

الشخص المتميلح هو الشخص اللي تكون اولوياته ونفسه اهم شي واهم من مشاعر الانثى اللي يتعرف عليها .. ويستعرض الاشياء اللي يشوفها بنظره انها هي اللي راح تجذب الانثى وتنبهر فيها وتنسى الموضوع الاساسي اللي هو الزواج لغرض خاص بالنفس

يضع صورة يظنها جميلة لغيره أو يضع صورته بفلتر يظهر كلامه غير اللائق وهو لم يتم زواجه بعد أو يصف نفسه بصفات ليست فيه

اكتشفت ان اغلب الرجال هنا عاطفتهم تحتاج لمبادرة دائمه وقليلين التعبير عن شعورهم مجمدين ذهنيا في الذكاء العاطفي

الناس اللي "يتميلحون" غالباً يبالغون في التصنع يحاولون لفت الإنتباه بإفراط وكل تصرف يعكس طبيعتهم الحقيقية

اللي يكون تفكيرهم محدود في شي معين اللي يكتب اي شي مايعرف وش يبي ووين ربي حاطه اللي بس يبي يشبك بنات

الكلام المعسول اول المحادثة + الارتياح السريع + الاندفاع بالمشاعر والكلام المعسول والعاطفي

اعتقد ان الشخص اللي مو كاتب شي بالبروفايل ولا مجاوب على الاسئله. اقل جديه.. ما اقبل اصافته

أسئله ثانويه وعدم احترام المواعير والبرود اللي يدلل انه مستهتر وبصراحه فيه كثير

يتكلم بمواضيع فرعية أو ثانوية ويترك الأمور الأساسية للحياة، وايضًا الي يكتب عشر سطور مدح لنفسه في البايو! والله كرنج شوي 😂

نظامهم عرض المُغريات كتعليق الجزرة امام الحمار ليمشي للامام

I'm not up-to-date with this فئة من المجتمع But I guess it's showing off your expensive belongings.

ما اشوفها تميلح علامات غير جاد ويرغب في الحديث عن اليوميات وليسى عنده اسئله هادفه.

كثير المديح والتفاخر والفضفضه ويتجنب الكلام في الهدف بمنطقيه ووضوح

الإنسان اللي عقليته كبيره وفيه رادع إيماني وإرتقاء ذاتي يرفض إهدار نفسه سواء بالتميلح او اي غايات ثانيه لاتسمن ولا تغني

يتكلم انا منصبي وراتبي و ابي وحده ونفس مستواي ويتفلسف باشباء وامور مالها داخل بالزواج علشان كذا هاذي الشخصيه من البدايه لا اخوض معاها فرصه تواصل ابدا

I really don’t care,because am not interested in those kind of ppl

اللي يحاول يلفت الانتباه بالكلام المصطنع أو المبالغة، بدل ما يكون طبيعي وصريح.

اللي يبالغون بالكلام الحلو بدون فعل أو يحاولون يلفتون الانتباه بطريقة مصطنعة

مافهمت السؤال لاكن بشكل عام ما افضل الرجال اللي يتميلح القبول من الله اهم شيء الاخلاق والدين والثقاف العادات والتقاليد والاحتراام مطلوب جدا الاحترام

غير واضح فيما يريد يبداً المحادثه ب اهلين كذاب( وأقدر اكتشفهم بسرعه) يتكلم عن رجولته وشخصيته ومدى ثقته كثيرا يلف ويدور معلوماته بالتطبيق غير صحيحه وغير دقيقه يخشى مشاركة عيوبه شروطه جسم حلو فرفوشه تحب السفر مرحه

حتسي على قل سنع وما يتطرق للنقطه المهمه الي مسوي اضافة عشانها او فاتح حديث لأجلها .

لان كل حد يتمنى لنفسـه الأفضل ، فنختار اظهار أفضل مافينا 🌺

أكثر شي يبينهم الغزل المبالغ فيه أو الكلام اللي ما له معنى، احس ما في جدية من البداية.

يشترط كشف المراه لوجها مو جاد هذا قناعتها مو انت تشترط دامك تفضل حرمه تكشف يدل انك مو جاد لانه بتعيش معك اكيد كاشفه واضح مو هدفك تكوين عايله واستقرار افضل كاشفه وزواج بدون رجال خط احمر

ذكر المنصب والسفر وتفاصيل وظيفيه غير مهمه والتركيز على الماده

الكذب عدم المصداقيه في بعض الردود الكلام غير اللائق قله الأحترام مع الشخص الذي يحادثه

دلع مياعه الغزل اللي ماله داعي خاصه وهو مايعرفني ادري انه كذاب ومنافق

المبالغة في الحديث عن الذات ، طلب الصور والاندفاع العاطفي من البداية

صورة الشخصيه مسروقة ، تبجيد ومدح لنفس مبالغ فيه والواقع مختلف

سبحان الله ٦٠٪؜ معروفين ويحومون السبد التميلح العلني غير متقبل لا من أنثى ولا ذكر

الي يسوى خفيف دم او يقول انه يمتلك ثروه ووظيفه مرموقه

التباهي بالمال، طلب التواصل خارج التطبيق بغير وجه حق، ارسال الصور الشخصيه من غير طلب.

الصادق يبان من عفويته، أما المتميلح تلاحظ إنه يحرص يعجب الكل أكثر من إنه يكون نفسه

ههههه ماعرف .. اول يوم لي هنا بس احس التميلح حق متاح للجميع اهم شي الجدية

اللي يدعي المثاليه ويطلب تواصل خارج البرنامج ومن يقول حبيتك من اول محادثه

سواليف عامه ماتخص السبب الرئيسي لدخولنا التطبيق( تعارف لأجل الزواج)

التشدق بالكلام استعراض اما املاكه او عظلاته او ملامحه بشكل مستمر

الذين يقولون أنا رومنسي و حنون، هذا الأسلوب يشعرني بانه غير جدي

يعطي الشخص الاخر عدم الارتياح لانه مازالوا في علاقه تعارف فقط

الصدق باقي مدري ولكن يكون واضح الي يتميلح الله يبعدنا عنهم

لما الكلام يصير ألطف من العادة والاهتمام يزيد شوي ولمن يفضل يمدح في نفسه ويرفعها السماء

يمحور اي تصرف لصالحه، يختلق الحديث أو الحوار ، يبالغ في المدح في سبيل الوصول لمصلحه شخصيه

اللي يحاول يمثّل شخصية مو شخصيته واللي كلامه أكبر من أفعاله أحب الوضوح والبساطة بدون تصنّع

في علامتين جداً بارزة فيهم.. اللي صوره ما تكون مناسبة للتطبيق ولا لغرضه مثلا اللي يتصور على مسبح، أو يكون مركز على مقتناياته. اللي يعبر عن نفسه بسطحية مثلا ( أنا على قدر عالي من الوسامة!! ) أو يختار وصف مكان إسمه.

الشخص اللي يتميلح واضح… كلامه مو ثابت، مبالغ بالمدح، ويهتم بالشكل أكثر من المضمون. أحب الشخص الواضح والجاد، اللي يعرف هو وش يبي

تطبيق للبحث عن شريك طبعا الناس بتتميلح فما عندي احكام من هذي الناحية اكيد الناس بيسوقون لنفسهم لكن المهم هو الاحترام ف الاسلوب

لما يقول تحبيني. او يطلب مني احبه. لان مجرد تعجبين فيه. يبدًا يدخل في الحب الحب يجي بعد زواج. هذا منطقي. واشياء أخرى.

الغزل من اول محادثة ، love bombing، الاستعجال في اللقاء ، الاستعجال في طلب الزواج ، التواصل بشكل كثيف ثم الاختفاء فجأة

“اللي يحاول يلفت الانتباه بشكل مبالغ… يكتب كلام مو من طبعه، أو يتصنّع أسلوب مو واقعي. أحب العفوية والوضوح أكثر.”

يكون معدد ويتواصل مع وحده ماتبي معدد او سبق له الزواج و يرسل لوحده ماسبق لها الزواج او الي لديه أطفال 🤨

عدم الجدية طلب التواصل المباشر في برامج اخرى عدم ذكر التفاصيل المطلوبة او عدم النقاش بما يخص الزواج

من الصور الشخصية واضح الي يتميلح والي يستعرض بعض مواصفاته الجسدية بطريقة مبالغ فيها في البايو

ما أحب اللي يستعرضو عضلاتهم الصور الطبيعية تأكد لي ان الشخص طبيعي وجاد

عدم جدية / مافي تواريخ ووقت لانه يتسلى علاغلب ولايوجد خطط/مبالغه بالحديث عن النفس

اللي يحاول يثبت شي مو فيه أو يتصنّع المثالية. أحب الوضوح والبساطة أكثر من الكلام الكبير بدون فعل

صور قدام المرايه 🚩 يتصور بنظارات 🚩 يحط بفلاتر تنعم ملامحه 🚩 المعذرة لكن انت رجل ليه تحط فلتر تبيض وتصفي بشرتك مره مو مريح

يصف نفسه بالاخلاق والهدوء والطيبه وهذا شي يحدده من يعاشره وليس صفه يطلقها على نفسه

نطلع مع بعضا مباشره ولا مافكر اتزوج الان قبل اشوفك واطلع معك وكذا

يرسل رسالة مايسلم مباشرة يسأل اسئلة او يزور الملف اكثر من ١٠ مرات بدون مايتكلم

ماعندي علم بس ماراح اقبل اي شخص عشوائي بقرا سيرته واطلع عليها إذا يناسب فتحت دردشه

“اللي يحاول يلفت الانتباه بطريقة مبالغ فيها أو يتصنع شيئ مو هو. أحب الشخص الطبيعي والصريح.

لم اجرب التطبيق بعد.. لكن في الغالب كلام كثير… فعل قليل… ثقه قليلة أو الأنا المعظمة العالية جداً ويمكن حركات ما لها معنى.🙂

كثير .. والسبب عدم الثقه والكذب والمروغه ومثرة العلاقات المحرمه وليس خططهم لزواج والاستقرار وتكوين اسره صالحه

الكلام الكثير بدون معنى ومحاولات لفت الانتباه بشكل مصطنع وعدم ذكر تفاصيل جديه في ملفاتهم وبقائهم غامضين

أنا جديدة هنا المتوقع والمفترض هذا ملتقى راقي وفرصة جيدة لمعرفة الشخص المناسب للارتباط

يرسل كثير يحاول يتصل حتى لو مبغى اتكلم معاه ويبحث كثير ويكلم كل البنات لين يلاقي وحدة مغفلة يضحك عليها

كلن يمثل نفسه وتربيته وادعو الله أن يبعدني عن كل شخص غير جاد .. فهو الخسران ولست أنا

ودي ادعس عليهم ، ولا اللي يجي مسوي نفسه غامض ، يا آخر حبه بالعالم ههههههه

ماعرف توني داخله التطبيق لكن اعرف علامات التميلح بالحياه مو لازم داخل التطبيق

للان م شفت لكن في عبارات او كلمات تعطيني الاحساس دا والبساطه تدخل للقلب بسرعه

وع بالمختصر تحوم كبدي من الرجل اللي يتميلح الرجولة عندي تعريفها عميييق جداً ولا ينطبق على الرجل اللي يتميلح👌🏻

الاندفاع العاطفي الشديد في بداية التعارف والكلام الغريب او التحفظ الزائد وعدم الصراحة

للأمانة ماأعرف لأني مستجدة ف البرنامج لم يسبق اي التسجيل فيه مالي الا يومين فيه

لا أحبذ هذا النوع من الأسئلة ، اذ أن فيها نوع من الحكم على الآخرين والدخول بنيتهم.

اللي يستخدمون أسئلة مستهلكة، ويركّزون على المظاهر أكثر من الجوهر، أو اللي يحاولون يعطون انطباع مو حقيقتهم. أحب الوضوح والصدق أكثر من المجاملة الزايدة

الي يطلبو هذي الطلبات [ممكن سنابك .صورتك مسيار او نتزوج الحين بعدين نسوي تصريح زواج ]دليل ع عدم الجدية

الاسئلة الي مالها معنى .. والي دايما يمدح نفسه وبانجازاته بدون احد يساله .

غالبًا يبانون من المبالغة بالكلام، الاستعراض، والاهتمام بالمظاهر أكثر من النية الحقيقية في الارتباط

لا يلفتني المظهر ولا المنصب ولا المستوى المادي، ما يعنيني هو معدن الرجل وحقيقته، وأنا جيدة في تمييز ذلك

استعمال كلمات التميلح في مواقع التواصل دون إعطاء البرنامج حقه واحترامه، أنا أعامله معاملة لقاء وظيفي لدرجة اكتب بالفصحى، وصورتي الشخصية صورتي الوظيفية،حتى اني ضحكت على نفسي بسبب جديتي وأملي وطموحي 😅

ليس لدي حكم أو دلاله على ذلك لكن عدم الجدية، والممطالة، وكثر الكلام بلا فائدة مؤشر على عدم الوضح والمصداقية.

اللي يحسون انهم مميزين زيادة ويتصنعون ويتكلمون بطريقة مو طبيعية ويحاولون يلفتون الانتباه بالكلام مو بالاحترام

حقيقي أول مره أجرّب التطبيق ولكن ما أحب الشخصية المندفعة و هذي الشخصية تبين في البداية

المواصفات الخيالية لشريكة حياته اسئلة شخصية في غير وقتها الكلام المصبوغ بزيادة يسوي نفسه فاهم يمدح نفسه بزيادة الانسان الي يوضح نفسه انه خالي من المسؤوليات يعني الي يسقط واجبات الزوج

أشوفها واضحة لما يكون الكلام مبالغ فيه، أو الاهتمام مفاجئ بدون سبب أو الأسئلة تصير شخصية بسرعة. الطبيعي ما يحتاج تمليح.

اول شي يجي يتميلح بكم معه وايش يملك ماعندي مشكلع اذا متواضع ، اللي يحط صورته بعضهم يتميلح مو الكل

يتصور بنظارة ومحدد اللحية وقلك صورني وانا مدري😂صورة جاتبية مسوي امه مو داري ان الكاميرا تصوره

كثيرر يرسل السلام عليكم بعدها يرسل صوره يتميلح فيها يفكر البنات خلاص تخق على جمالوو ههه

من ةجهة نظري: يتصور بنظارة ومحدد اللحية وقلك صورني وانا مدري😂صورة جانبية مسوي انه مو داري ان الكاميرا تصوره

بالنسبة لي انفر جداً من الرجل اللي يكون بداية حديثه او سؤاله عن الشكل بصفة عامة .

وع بالمختصر تحوم كبدي من الرجل اللي يتميلح الرجولة عندي تعريفها عميييق جداً ولا تنطبق على الرجل اللي يتميلح👌🏻

أنا جديدة في البرنامج وما عندي اطلاع كافٍ لأحكم على الناس أو أحدد من يتميلح. لكن عندي حسن ظن إن الغالبية هنا جادّين ومؤمنين إن الزواج علاقة سامية ومسؤولية كبيرة. أتوقع من أي شخص يدخل برنامج بهذا الهدف يكون عنده قدر من الجدية والأخلاق والاحترام.

ما ارا فيه تميلح كثر ما ارئ الناس جايه لهدف الزواج والارتباط عسى الله يوفق الجميع

الاستعراض بالعضلات حركات العيون و الفم مابي اشرحها اكثر الاستعراض بالساعات و السبحة و اشياء زي كذا استعراض الممتلكات الفخمه عمل فلاتر على الصور مبالغ فيها فتضيع الملامح و تصبح ملامح شخص اخر

استغرب من هذه الفئه هذا زواج لازم تختار بعناية لانها بتكون ام اطفالك وتصون بيتك

الصراحة يسدون النفس خصوصاً اللي يجي يقول أنا وسيم أبغا وحده حلوة مثلي خلقك الله رجل اترك الكلام هذا عنك

يبتدي بالسوالف والتعرف بدون تعمق بالامور الي تفيد العلاقه الزوجيه ويكون فيه خدش للحياء

اتمنى من البنات الحرص ع انفسهم من اشباه الرجال ويكون عندها ذكاء عالي حتى لا تقع بفخ أحدهم

علامات الي يتميلحون الي يجيك يحط صور سيارات كشخه و بيوت ويتفاخر ب انه من عايله معينه وذا شي ما احبه ابداً ولا احب الشخص الي يهتم بالمناظر

صوره عضلاته بشكل مقزز🚩 صوره لنص عينه او نص وجهه🚩 صوره لسياراته بس🚩 كاتب داخل بس للفضول🚩 حاط شروط كثيره كانه بنت🚩 بروفايله فاضي🚩 مو حاط صوره بس مسوق لنفسه وهو كذاب🚩 حاط صوره شخص ثاني واسم شخص ثاني بدون اي سبب🚩 الي حاط سنابه او حسابه بالبروفايل وهو مسوي وحدت من الثلاث الأولى🚩

اول شي يجي يتميلح بكم معه وايش يملك ماعندي مشكله اذا متواضع ، اللي يحط صورته بعضهم يتميلح مو الكل

أنا امرأة ناضجة، أميز غير الجادين بسرعة. أي تلميح غير لائق أو لعب خلف الشاشة سيتم تجاهله وحظره والإبلاغ عنه

مدري اول مره اجرب تطبيق زي كذا بس اعرف اللي يتميلحون بانستقرام واعتقد انهم واحد يرسلون صورهم كثير و يستعرضون بفلوس وسفرات وسيارات.

اللي ما يتكلم بشكل جدي ولا يسأل عن المهور ولا عن كيف يقدر يتقدم ولا ، اللي يغازل على طول ، يطلب نتكلم على برنامج ثاني ، يطلب يتصل ، اللي يتكلم في الأمور الجنسية

قلت الكلام خير من كثرته الأفعال ما تثبت اقولك افضل سابق الفعل لا كثرة الكلام والوعود

باقي ماخضت تجربة فعلية بالبرنامج.. لكن بالنسبة لي اشوف الكسب عن طريق العاطغة والكلام الحلو والجانب المادي يعطي انطباع بعدم الجدية والصدق وعلامة للهروب من الشخص،، لاني ابحث عن نضج واتزان بالكلام وكلام منطقي وعقلية فاهمة

الكلام المنمق بشكل مبالغ فيه وكثرة الوعود الوهمية والتسويف والتهرب من تحمل المسؤولية بكثرة الاعذار

التدقيق على الشكل. والتوجه للجسد. التلميح للمواضيع الخادشة للحياء. وضع حساباته الشخصية في الملف التعريفي.

المبالغة في الاستعراض. التوجه للجسد. التلميح للمواضيع الخادشة للحياء. وضع حساباته الشخصية في الملف التعريفي.

بطبيعة الرجال يظهر احسن ماعنده مقابل الانثى .. والانثى بطبيعتها تحب الزينة اساسا حتى لو لها لنفسها لذلك الله قال ( ولا يُبدين زينتهن الا لبعولتهن ) فهذا شي وارد داخل تطبيق مُعد للزواج ، الشي الغير طبيعي محاولة التعرض لبنات المسلمين بشي غير مقبول دينا او عرفاً ..

يرز عطوره وأشياءه الي اشتراها يعني مثلا بغري الطرف الآخر اني كشخه مع العلم ان البنت مايهمها وش عندك من عطور وخرابيط هي تبغى رجال وله كلمته وشخصيته ويعتمد عليه

لا اعلم لان الشخصيات مختلفة ولن يكون لي الا الظاهر وحتى الظاهر لا اعلم النية الداخلية له

حابة أكون صريحة من البداية، أنا وجودي هنا بهدف التعارف الجاد فقط. إذا نيتك تسلية أو تعارف بدون وضوح، أفضل نكون واضحين من الآن.

علاماتهم غالبًا تكون واضحة مثلا كلام مبالغ فيه مجاملات سريعة بدون مضمون تركيز على الشكل أكثر من الشخصية ومحاولة لفت الانتباه بدل التعارف الجاد

يحط صورة عضلاته🤢 سيارته الدول الي سافرها الشهادات الي حصل عليها ( يدور زوجه ولا فرص عمل 🤔) وهو راكب خيل وهو يغوض ههههههههه يا عزتي لك يا ورد

يطلبون صورة غير محترمة او يرسل صور له بدون ملابس او يطلب يقابلك ويتحجج انه لازم يطلع ويدخل معك قبل مابكون فيه شي رسمي بينا