هل انتي مشجعة متعصبة لأحد الاندية الرياضية؟

لا التعصب شي ررررجعي حلو الاعتدال ما اتابع كورة بس استمتعت بي كاس العالم لما فازت السعوديه على مسي كان شعور حلو اشوف باقي المباريات و كا في ناس متصدرة زي حرس متخبنا و امبابي حق فرنسا وغيرهم ما افتكر مزبوط

لا غير متعصبة لكن أحب الهلال من محبتي لوالدي و أفرح بفوزه💙🤍

مشجعه ، بس مو متعصبه ، وما افضل اتزوج مهووس مباريات ومتعصب.

لا عادي ماعندي نادي معين واحب اشارك المشاهدة فقط مع اخواني

لا ما اعرفهم انا بنت حفرح مع اللي يفرح وازعل مع اللي يزعل

نعم اتحاديه. مدريديه. برازيليه. ولا أنسى المنتخب السعودي.

غير متعصب بس مشجع نادي الهلال احب اطقطق على بعض الانديه

لا ماهتم كثير بس ممكن اشجع فريق زوجي المستقبلي بكل حماس

مالي بالكورة لكن مايمنع شويه نذاله وطقطقه على الي يشجع

‏لا ماني في الكورة بس عشقي ‏الأول والأخير تحاديه وبس

ايه فيه نادي معين اشجعه ، بشكل عام احب اتابع كرة القدم للاستمتاع .

اشجع اللعبة الحلوة مو فريق معين اشوف فقط كاس العالم اتحمس بنهائياته

لست من محبي كورة القدم كثير مع أنني رياضية ومهنتي ايضاً الرياضه ولست متعصبه الي اي نادي اشجع العب الجميل مهم كان الفريق

مشجعه اتحاديه ولكن غير متعصبه. لكن من يتكلم عن فريقي. لا اتكلم معه لان الاحترام مطلوب. مسألة. احترام ليس بتعصب

مااحب الكوره بكبرها تعصب وانهيارات ويبين انا غناة عنها اهم شي راحتي النفسيه والجسديه والتفكيربه 😁

انا اشجع نادي ايوي براً فيه وبس احب اعاند الانديه الثانيه من باب المزح وبالجد مافهم فيها مره

لا مو من اهتماماتي، ولكن ما يمنع ان كانه هو يحب المباريات عادي ما أكرهها.

هلال ولكن لستو متعصبه اصلان مو مهتمه لو فاز فرحت لو خسر عادي مو مهتمه كثير

لا بس احب اكون مع ضد النادي الي يشجعونه اهلي لخلق روح المنافسة والتحديات

احب الرياضه بس مو متعصبه التعصب للناس الي ماعندهم شغف بالحياه الواقعيه

بصراحه لا صحيح اشجع نادي الهلال بس غير متعصبه له في شي اسمه روح رياضيه

م اتابع مباريات ولا اعرف اللاعبين ولكن ميولي اتحاديه كوالدي

صراحه ما احب الكوره في نظري جلد مصلوخ يطرد وراء جلد منفوخ 😅 اسألني عن الخيل والفروسية 🐎😍

لا ابدا مع انو تخصصي تدريب رياضي بس اميل للروح الرياضية اكثر مع احب التعصب او المتعصبين

لا ابدا مع انو تخصصي تدريب رياضي بس اميل للروح الرياضية اكثر ما احب التعصب او المتعصبين

اتابع واتحمس بسبب نشأتي في اجواء عائليه متابعة لكرة القدم لكن تعصب لا

لا الحمدلله، نشأت في عائلة ماعندنا اهتمام بالكورة، الجيل الصغير بدأ يظهر اهتمامه مؤخراً.

لا فقط عند الكاس العالم اشجع اي منتخب عربي بعد منخب بلدي

ابداً ولا تهمني لكن ممكن مع شريك الحياه تتغير الفكره

لا اتابع القنوات والالعاب الرياضيه واخبارها نهائياً.

لا لستُ متعصبة اتابع بشكل عام للمهتمين لمن هم حولي أشاركهم لحظاتهم الجميلة

مو متعصبه ولا مهتمه، لكن أميل للهلال لان ابوي هلالي 💙💙

أبدا لا . لانهم ماراح يفيدوني بشي أبدا أتعصب عليهم ليه . مخ مافي الي يتعصبون عشان فريق لا راح ولاجى .

لا أحب الكرة ولكن احب ممارسة الرياضة في نادي نسائي او الجري في ممشى الحي

مالي في الكوره ابداً أفضل أشياء ثانيه تعكس شخصيتي وأنوثتي 💅🏼

ابدا انسانه عاقلة من ناحية الكورة بس احب دق الخشوم في بولينغ و بلياردو و بورد قيمز 🤝

ما أحب الكورة ابدا بس عادي ارتبط بشخص متعصب وافصل الفيش وقت البلنتي😂

لا أحب الكرة ولكن احب ممارسة الرياضة في نادي نسائي او المشي في ممشى الحي

عصبيتي هادئة لا تشك في عصبيتي أبتسم واخطط كيف اتخلى أو في حل أو في خطة أخرى أو بلوك

لا وماطيق التعصب الي يوصل للهواش و الغضب و الزعل والتكسير واعتبره تخلف اعتذر

لا ولا احب الكوره .. احب الرقص ولا أضيع وقتي بمشاهدتها

والله كل واحد من اولادي يشجع فريق وانا اشجع المنتخب السعودي 😅

سابقاً هلاليه ، بس حالياً مالي فيها لانها تعصب فيني وتقهرني

اجمل عمر مر في عمري انت يالاهلي واجمل حدث في حياتي اني اهلاوي💚🤍

اشجع ايوه متعصبة لا احب روح الحماس والطقطقة اللي يصير بيني وبين اخواني

ما اعرف للكوره الصراحه بس شي حلو لو زوجي عنده شغفه الخاص فيه

لا أحب الكرة ولكن احب ممارسة الرياضة في النادي النسائي او المشي في ممشى الحي

لا المفروض البنت مالها بالانديه اانها رياضه ذكوريه وخاصه بالشباب

ما أعتقد إني متعصبه ولكن حقيقي اميل لنادي الاتحاد بسبب حب امي و ابي الله يرحمهم و يغفر لهم له

ما أعتقد إني متعصبه ولكن حقيقي اميل لنادي بسبب حب امي و ابي الله يرحمهم و يغفر لهم له

غير متعصبه ولكن هلاليه منذ الطفوله واتمنى له الفوز لكي يسعد والدي ويرتاح باله

لا..بس كهواية اتابع كورة لأجل الحماس واشجع المنتخب السعودي طبعا

لا لأني لا أتابع الرياضة ولا الكورة ولا أحبها أبداً

لا..بس كهواية اتابع كورة واشجع المنتخب السعودي طبعا

أتابع الرياضة وأشجع نادي معين اكيد لكن بدون تعصب. أحب أستمتع باللعب الجميل من أي فريق احب الجو العام للكوره 😍

لا ولله الحمد الذي عافانا مما ابتلى به كثير من خلقه

مو متعصبة بس أحب اتابع المباريات المهمة للهلال وللمنتخب وأعتبر أفهم في الكورة 💅🏻

مشجعة هلالية لكن بدون تعصب بصراحة من بعيد لبعيد ^^ لأن ما أفهم بالكورة كثير

لا ولاارغب بالارتباط بشخص متعصب ابدا لامانع من انه يكون عنده اهتمامات في الأندية ولكن بشكل رياضي ومتزن

"انا قلبي وطن أزرق هلاليهہ يابعد حيي"💙🤍🥈 متعصبه واحضر المباريات بالملعب 💪🏻😻

انا لست مشجعه ولكن عندي ميول لنادي الشباب والنصر والاتحاد

لا .. لكن احب اجواء المباريات لاني في بيت هلالي متعصب واولهم امي😂💙

لا صراحه ما اهتم للكوره بس احب اللي يشجعون يعجبني الجو العام للكوره وحماسها 😅

لا .. لكن يونسني حماسهم لاني في بيت هلالي متعصب واولهم امي😂💙

مو متعصبه بس اشجع الهلال واحب اجرب حضور بعض المباريات مثل مباراة غير جماهيرية ومباراة نهائي ومباراة عادية ونسائية

مااحب الرياضة لكني ادعم احبابي المشجعين حولي من اولادي واقاربي

لا بس احب أتابع النهائيات حماس خاصة لو كانت المباراه راس براس.

لا اشجع ولا اتابع اي نادي ولا احب العصبية الجاهليه. صحتي النفسية والجسديه اهم من التشجيعات

عن نفسي اشوف الانثى الافضل ماتشجع الانديه خاصه ف الرجال

مالي في الكورة بس أتحمس لو كانت مباراة للمنتخب فقط😅

كنت احب اثنين والدنيا نصيب راح واحد ومابقى غير "الهلال" 💋💙🤍

الكره أشاهدها في أضيق الحدود بس احب اشجع اللعب الفنان والرائع تكون المتابعة للمباراة شيقه بس ما أتعصب لاحد

ما افرق بين مرمى فريق والفريق الثاني عشان اهتم بالتشجيع 😭

لا ابدااا ما اشوف الا كأس العالم فقط و اشجع الدول العربية فقط 😍دمي عربي

الهلال بس تشجيعي كيوت يعني مو متعصبه ولا أتابع دايماً بس انبسط بالفوز وافرح مررررة بالبطولات💙🤍

لا لدي اهتمامات ترضي وبي باذن الله ولا احب ضياع الوقت في الوفه

الهلال .. بس تشجيعي كيوت مو متعصبه ولا أتابع دايماً على حسب الظروف بس انبسط بالفوز وافرح مرة بالبطولات.💙🤍

ما اشجع ولا احب الكورة احسه ميول يخص الرجال اغلب الاحيان لكني احب نادي الاتحاد وافرح لمن يفوز عشان ابوي واخواني واولادي

الهلال .. بس تشجيعي كيوت مو متعصبه، يعني أتابع بس مو دايماً على حسب الظروف بس انبسط بالفوز وافرح مرة بالبطولات.💙🤍

الهلال .. بس تشجيعي كيوت يعني مو متعصب، وأتابع بس مو دايماً على حسب الظروف وانبسط بالفوز وافرح مرة بالبطولات.💙🤍

الهلال .. بس تشجيعي كيوت يعني مو متعصبه، وأتابع بس مو دايماً على حسب الظروف وانبسط بالفوز وافرح مرة بالبطولات.💙🤍

مشجعة نعم متعصبة لا لاني احتاج اعصابي في حياتي اهلاوية ملكية نخبوية 💚🤍

كنت ، لكن الآن معتدلة ، نتايج فريفي ما تشجع على التعصب 🤣

لا ، و لا افهم في الرياضة كثيرا ، احب يكون لي وقت للنادي وغالبا فترة الصيف ، ايام الدوام لا اتمكن بسبب العمل والمسؤوليات ما عدا المشي اليومي هو امر اساسي

لا أتابع المباريات ، آخر مره شفت مباره للسعوديه كان موتره لي

الصدق، لا ما أفهم بالرياضة 😅 بس بالنسبة للعلاقات الأسرية نقول الاتحاد، عشان استمرار الترابط العائلي وصلة القرابة.

مالي بالكورة ؛اعرف المباريات وقت مايلعب المنتخب فقط😅

لا بصراحه ماعندي اهتمام لكن لامانع من مشاركه الشريك في رؤيه مباريات تهمه

غير متعصبه لكن بسبب نشأتي في عائله متابعه لكرة القدم😅 لا يوجد مهرب 🤷🏻‍♀️

غير متعصبه لكن بسبب نشأتي في عائله متابعه لكرة القدم🙂‍↕️ لا يوجد مهرب

عندي فريقي المفضل بس مو متعصبة افرح للأندية المجتهدة 💙

مو متعصبه كثير للامانه بس ما احب اسلوب الاستحقار او التصغير او جحد الانجازات وخصوصا اني اشجع نادي كبير وعريق وعنده انجازات لاتعد ولا تحصى .

كنت احب الهلال مره ولكن الآن اشجع اللي يشجعونه اهلي لمحبتي لهم وللمشاركة وليس التعصب

انا لا ولكن عائلتي نعم وللاسف مرات ادخل معاها في هذا الجنان 🤣

لا ولا يهمني الشخص المتعصب لأن ذا شي لا نفع فيه لنفس الشخص وغباء مع الأسف

لا وأشوف أنه الأشخاص المهووسين بالكورة أو المتعصبين غير ناضجين

مالي بالكوره ابدا وافضل انو شريكي مايكون متعصب ولكن عادي يتابع

مالي في الانشطه الذكورية انا انثى اعشق الفن والالوان والرسم والطبخ

لا .. مو جوي كوره أبدا .. لا احب التعصب احب الي ياخذها شي يتسلى فيه بدون تعصب او ما يفصلها ( يعني مو البنات الي تبي تروح ملاعب نووو )

الهلال .. بس تشجيعي رايق يعني مو متعصبه، وأتابع بس مو دايماً على حسب الظروف وانبسط بالفوز وافرح مرة بالبطولات.💙🤍

لا. استمتع بممارسة الرياضة اكثر من مشاهدتها. و لو شفتها اتحمس و استمتع بس ما أتعصب

لا أشجع. ولكن أشارك اخواني حماس متابعة المباريات بين فترة وفترة. واختار عكس ما يشجعوه لإضفاء أجواء حماسية.

لا ما اتابع كره قدم ولا اي نوع رياضه لكن امارس رياضه المشي

ماعرف اسماء الانديه ولا اللاعبين بس اعرف فيه نادي الهلال ودايما يفوز وفيه نادي النصر ودايما يخسر، لكن ماعندي مشكله مع اي نادي و عندي استعداد اشجع النادي الي يشجعه زوجي واواليه والبس على لونه ويهديني اذا فاز فريقه واطبطب عليه اذا خسر فريقه🙂

كنت متعصبه لكن الان لا النادي النصر و كان ولا يزال الوحدة

طبعا لا بس احب النصر ولا اهتم اذا فاز اولا مجرد محبه عابره اشلاء من المراهقه

لا، وما أتحمل التعصب كنت سابقًا مشعجة بشغف واعتزلت الحمدلله

لست مشجعه ولا متعصبه ولكن أتمنى ان أخوض تجربة الدخول و التشجيع في الملعب،

احب اجواء الكوره مع الأهل متعصبه لا اي نادي أتابع الهلال ليه لان كل اهلي هلاليين 😌

بحكم إن أخواني أولاد صرت اشجع الهلال ولكن من غير تعصب، وقدام بابا نشجع نادي الرياض علشان ما يطردنا من البيت🦦

ماعندي سالفة بكرة القدم لكن الوالد هلالي متعصب أتعصب لعيونه 🧢

أحب التشجيع بروح جميلة، من دون تعصب، وميولي دائمًا للهلال وريال مدريد.

لا بس أشجع الأهلي في اي مباراة عشان الوالد القائد الله يخليه لي ❤️

لا ، بس اشجع ريال و برشلونة لان ميسي وكريستيانو يحترمون نسائهم

ماعندي تعصب واحب اتابع مع اخواني الهلال والمنتخب وبعض مباريات الدوري الإنجليزي

مالي في الكورة كثير لكن بحكم العادات في العائلة اشجع الاتحاد

لا ولا اعرف في الكوره بس اتفهم اذا شريكي متابع و ب اشجع اللي يشجعه