هل سبق أن تقدم شاب لخطبتك بشكل رسمي؟

يا كثرهم ويا كثر غثاهم الرجل تعريفه عندي الي أمره بيده الي ما يرضى احد يتحكم فيه ويتقي الله تعالى لكن زواجات الخش والدس ومافي انجاب هذه الله يبعدها عننا

بصراحه متهربين مني ماعرف وش السبب يمكن باسلوبهم يبون واحده ماعندها اهل

ايه نعم بس بدون خطبه رسمييه وبدون شوفة شرعية فقط كلام وتعارف بين الأهل

كنت متزوجه سابقا وبعد طلاقي رفضت كل الي تقدمو لي لان ما اشوف انهم مناسبين

نعم ، ولكن مارتحت لاني ماعرف الشخص ومستحيل اخسر او اضيع حياتي للمره الثانيه

نعم كثييير الحمدلله، ولكن لم أجد المناسب إلى الان وبالنهايه كل شي توفيق ونصيب من الله

تقدم لي شايب عايب وش ابي فيه على جمالي ذا المفروض ياخذني مليونير ومعضل بس اعرف حضي ماش 😒

كثير والله بس انا احتاج رجال كفو ويفهمني م ودي اتزوج اول احد يتقدملي وانا م اعرفه واعرف تفكيره

كثير بس الزواج نصيب ومكتوب ومقدر يارب يوفقني ويرزقني ويجبر خاطري. انه الكريم الوهاب سبحانه ♥️

نعم، سبق وتقدّم لي أكثر من شخص، لكن ما كان فيه توافق حقيقي بالوقت، وأنا أؤمن إن التوقيت والشخص المناسبين مهمين جدًا

نعم كانت شوفة حريم فقط ووما سار نصيب وانا مومنه بالقسمة والنصيب واللي يروح يجي اللي أحسن منه ربنا جابه راح يجيب لي اللي أفضل منه ما أندم على أحد

واجد بس المواصفات المطلوبه عندي عاليه على اللي يجون 🦦

نعم 4 مرات خطبه تقليديه بحته لم يكن فيها تواصل ب اي نوع

نعم عدة مرات من العيلة و غير العيلة و من جنسيتي و غيرها

اكيد بس ماربي كتب ومتاكدة انه خيرة الله وحيختار لي الافضل

كثير ولافيهم قصور لكن انا ابي شريك حياه هو يختارني مو اهله

نعم .. سبق وأن تقدم لي عدة شباب لكن لم يكتب الله لها التمام ..

نعم وكثير والله بس مافي توافق بالفكر او العمر وممكن مابعد ربي كتبه ..

نعم لكن لم يكن هناك نظرية شريعة لأن التوافق الأساسي لم يكن موجود (مثل مكان العمل/التدخين/الحجاب)

نعم ولكن يوجد لهم زوجات قادرات على القيام بواجباتهم

نعم وتمت الخطوبة بشكل رسمي وبعدها طلبت الانفصال لاختلاف الشخصيات وعدم الاتفاق عام 2024

نعم قبل الارتباط الرسمي وبعد الانفصال وبالنهاية المُقدر بيصير .

نعم ، مرتين و سبب الرفض اما عدم تكافؤ النسب او رغبته ورفضه للوظيفه .

نعم انخطبت وانفصلت الله يعوضني العوض مع شخص اللي يستاهلني

نعم ، لكن حريصه على انتقاء الاشخاص الذين سأعيش معهم حياتي ويكون اضافه لسعادتي وحياتي

نعم كثير ولكن ماحصل فرصة زواج مناسب يعني بالعربي مافيه نصيب ، وصار وتملكت قبل ١٠ سنين تقريبا وانفصلنا قبل الزواج

ايوا وطلع يدخن اي شخص يدخن غير مؤهل للزواج لانه يدمر نفسه بنفسه وهو واعي للامر ذا كيف ممكن يحافظ على على اسره وهو ما حافظ على نفسه الا اللي يحاول يتعالج اكيد عنده المسؤوليه تجاه تحمل اخطائه

نعم تقريباً ٦ مرات بس بكل مرا يكون فيه سبب ارفضه قبل يصير شوفه يعني ولا مرا تميت الى الشوفه وغالباً سبب الرفض القرابه او عدم الاستقلال او الماديه ضعيفه

نعم ، و لكنني رفضت لان افكاره لم تكن تناسبني، م يهمني هو ثقافة و تعليم الشخص

من التطبيق لا في الحياه الواقعيه نعم كثير بس ماحصل نصيب

كثير من العامه وليس من التطبيق لكن ياايكون غير جيد وظيفيا او مكان سكنه غير مناسب مثل مناطق نائيه او منحرف اخلاقيا

تقدم لخطبتي تقليدي عن طريق رؤي الأهل لي في مناسبه ( الجواب نعم ) ، عن طريق التعارف فانا لا اتعارف غير عن طريق تطبيقات خاصه بالخطابه ، والجواب لا في هذه الحاله

ايوه ٤٠ واحد بس ماعجبني ولا واحد عشان كذا جيت للتطبيق ذا الكذب بس الصراحه تقدموا ليا تقريبا ٣ و امي كلهم رفضتهم لان كنت ادرس جامعه وانا قايله لها بعد الجامعه

“نعم، حصل، بس النصيب ما تم. كل شيء بوقته خير.” (وإذا ما حصل، اكتبي: “لا، لكن الأقدار بيد الله وكل شيء نصيب.”)

الشخص الجاد بالزواج واضح من نواياه، يتكلم باحترام، ما يماطل، ويكون هدفه بناء حياة مستقرة مو مجرد معرفة مؤقتة

نعم، تقدّم لي بشكل رسمي. لكن ما كان نصيب. أؤمن أن النصيب يجي في الوقت المناسب ومع الشخص المناسب

نعم لكن لم يتم لان التواصل الجاد يكشف الطباع بكل وضوح

نعم بعد انفصالي مباشره ورفضت لان توني منفصله وماودي استعجل بالقرار

نعم وكذا مره تمت خطبتي لكن مايصير نصيب والنهايه النصيب ربي يكتبه بوقته مو احنا نقرر

نعم، تقدّم لي كثير لكنّي ما أقبل الارتباط برجل متزوج لا اقبل المعدد والمطلق ما كان مناسب لي لأسباب مختلفة -وبعضهم ببساطة ما حسّيت إن الزواج منهم ممكن-" لأن القبول والراحة أهم عندي من العدد والفرص"

نعم وكثير ولكن ارفض لان لي مواصفات احتاجها بشريك حياتي وخصوصا ان سبق لي الزواج سابقا لذلك اختياري بيكون صعب مو اي شخص مناسب لي حتى اكمل معاه حياتي بسعادة بحيث لا اندم لاحقا

لا اغلب المواقع يحب يسولف وبعدها يقول معليش دام ما اخذت رقمك كيف اعرف جديتك ، وذا الشي مو طبعي ابدا

من ١٠ سنوات قفلت المجال ورجعت للبرنامج هذا بكتشف يمكن فيه خير

وفقا للعادات والتقاليد // نعم // لكن أنا من اقرر المناسب

الكثير ولكن لم يتم القبول من طرفي لعدم التوافق الفكري

نعم سبق و تقدم لي شاب بشكل رسمي لكن ماتمت الخطبه لانه مو كفو

من خارج التطبيق.. إي نعم، سبق… لكن القَسمة والنصيب أهم من العدد

إي صار كلام رسمي قبل… بس ما كان الشخص المناسب لي أنا ما أرتبط إلا لما أحس بالراحة

اي نعم، تقدم لي بعض الأشخاص من المعارف لكن ما كانوا مناسبين والخيرة فيما اختاره الله

ايوة اكيد بس محد جاز لي صراحة او يمكن ما ارتحت نفسيا لهم

نعم لكن بسبب ظروف كانت حاجز امام اتخاذي لقرار الأرتباط

نعم - تجي فرص زواج لكني ما أحب أتسرع .. أفضل أختار بارتياح وبقناعه عشان أكون متأكدة إن الشخص فعلاً مناسب لي ولتفكيري

كثيييير ولكن لا ماكان مناسبين لي من نواحي كثيرة، غالباً فروقات مادية بالاضافة إلى جوانب شخصية مختلفة

طبيعي ولا ..! اتوقع الكل لكن سبحان الله ماارتاح مايكون في نصيب احيانا يجيني احساس ان ربي اعطاك الجمال والصحة والعافيه والاهل الطيبين والاولاد اللي بلسم والاصدقاء اللي عزوة وطرح فيك القبول في اي مكان تروحه ورزقك ينساق لك بدون ذل ولا مِنّه بس اخذ منك نصيبك بالزواج هل ازعل ؟؟ ف اقول الحمدلله يعني للامانه ماعمري كلمت حتى خطابة ولا ابحث بس هالموقع جذبني قلت الواحد يجرب عشان لما يقول جربت يكون صادق 😅

ايي حصل كثير بس ربي ما كتب نصيب يكون الرفض من قبلنا او العكس والحمدلله على كل حال والله يكتب لنا النصيب الصالح

نعم كثير لكن لي مواصفات مهم ان تكون في شريك الحياه بالنسبه لي

نعم وكذا مره تمت خطبتي لكن مايصير نصيب بسبب مرض الوالد رحمه الله.. كان يتاجل الموضوع كذا مره والنهايه النصيب ربي يكتبه بوقته مو احنا نقرر

نعم اكثر من شخص و لكن ما حصل نصيب بعد توافق الافكار و الاهتمامات.

نعم…حصل مريت بتجربتين واحده كانت علاقة زواج خلفت فيها اولادي الثلاثه والأخرى علاقة زواج لم تكتمل كلهم تعلمت منهم الشي الكثير عن نفسي وعن العائلة وعن معنى الشراكة الحقيقية

نعم كثيرا ابحث عن النوافذ النوادي القلوب ثم الاستقرار و السعاده

نعم حصل وتقدم لي اشخاص ولكن تم الرفض من قبلي لاسباب مقنعه

نعم…حصل مريت بتجربتين واحده كانت علاقة زواج جبت فيها اولادي الثلاثه والأخرى علاقة زواج لم تكتمل كلهم تعلمت منهم الشي الكثير عن نفسي وعن العائلة وعن معنى الشراكة الحقيقية

الأمور الشخصية تُقدَّم بخصوصية لكن بشكل عام حدثت تجارب مختلفة في مراحل الحياة مثل أي شخص

نعم كثيراً،، لكني الان أرفض الطريقة التقليدية للزواج ومن سأتزوجه لن يكون إلا شخص يشبهني تماماً وإن كان هناك إختلاف فسيكون إختلاف بسيط يخلق توازن فقط .

اية كثير بس للآن ما لقيت الشخص المناسب اللي ترتاح له سحر

بالطريقه التقليديه كثير .. بس كان صعب بالتقليدي اني اتكلم مع المتقدم .. فاحس بالخوف من التجربه ودايما الاقي سبب يخليني اقول لا .. اعرف ان كل احد فيه عيوب وانا نفسي فيني عيوب .. بس يمكن الخوف من المجهول .. ولهذا السبب حملت التطبيق

في الموقع هنا لا ، توني جديده على الموقع ، ولكن سبق اكثر من شخص تقدم لي خارج الموقع

ايه سبق وتقدم لي اكثر من شخص لكن النصيب ما كان موجود وقتها

في عزاب جاني بس ماوفقت لاسباب تعنيني وبالعكس افضل اخذ اعزب موظف شايل نفسه لو اصغر مني بس قد المسؤليه مؤهل نفسيا وعقليا ليش لا

نعم تقدّم لي من قبل، لكني لم أرتبط لأنّي أبحث عن الشخص المناسب الذي يكون بيني وبينه توافق واحترام. بالنسبة لي النوع أهم من العدد.

لا اعتقد ان هناك فتاة لم تخطب لكن قد أتى بعض الخطاب بأوقات لم تكن مناسبه كنت ادرس اما ثانويه او في بداية جامعتي وكنت أريد إكمال دراستي والأهل ايضاً لم يحبذو هذه الفكرة بتلك الفترة اما الان ولله الحمد ابحث عن الاستقرار و ارى ان الوقت مناسب للاستقرار

نعم وانتهت سريعا لعدم توافق وجهات النظر واهداف الحياة. خصوصا ان فترة العشرينات هي فترة بناء اساسية للمجال المهني والمادي فلم يحصل نصيب.

نعم ولكن ما تم ، لانه ينقصه أحد شروطي المطلوبة وأشوفها منطقية.

لا لم أكن ارغب في الزواج وقتها ولكن كان يحدث محادثة بين النساء فقط

نعم ولكن لم يكمل الزواج وتم الطلاق بعد الملكه بفتره وجيزه

نعم عدة مرات على فترات ولكن سبحان الله لم اوفق مع الشخص المناسب

ايوا كثير بس مابي تقليدي للاسف مو عيب فيهم بس انا يهمني اعرف الشخص اللي ابي ارتبط فيه

اي بس انا حاطه فبالي مااخذ واحد مااعرف تفكيره ونقعد نجامل بعض عشان اهالينا

نعم كنت متزوجة قبل، والحين منفصلة، وعندي ولد الله يحفظه.

نعم الكثير، لكن لم اجد من يشاركني اهتماماتي او يدعمني بها حتى الان

نعم ولكن لم يكونو من أصول حضرميه فا تم الرفض من الوالدين و الاقارب

من التطبيق لا انا لسه جديده اول مره اتصفحه و محملته من مده

بشكل رسمي مرة واحدة فقط اما بشكل غير رسمي كان كلام بين اهل ماصارت خطبة رسمية ولم يتم النصيب

نعم وكان فيه تواصل وتوضح لي انه بخيل جداً والبخيل بيكون بخيل في كل جوانب الحياه حتى العاطفيه

نعم ، واسباب عدم الاتمام من جميع الاطراف التدخين ، العمل المختلط، الوظيفة، الشهادة. النقاب

نعم ( مرتان ) شوفة شرعية فقط + سبب الرفض : الأول : شخصيته ضعيفة مهزوزة الثاني : مُعدد ( لا أقبل بهم ابداً ) 👍🏻

كثير وسبب الرفض ما لقيت الشخص اللي فعلاً اشوف نفسي معاه

محاولتين للخطبة من عوائل مختلفه لكن فقط اهلهم الي جو شافوني وماحصل نصيب

أخته جات شافتني وتعرفت عليا وعلى أهلي ما صار خطبة رسمية وشوفة

كثيير ولاكن مو الشاب اللي يجي يخطب ، اللي تخطب امه او اخته

اللهم من دخل الموقع وهو لا يريد إلا اللعب بقلوب بنات الناس، ولا قصده ستر ولا عشرة ولا مسؤولية، اللهم اشغله بنفسه، وأره أثر نيته في صحته، وفي راحته، وفي عافيته، وفي أغلى ما يملك، حتى يعلم أن القلوب ليست ساحة عبث، وأن الظلم لا يضيع عندك. اللهم اجعل كيده في نحره، وخذله بخطواته، ولا تُمكّنه من قلبٍ صادق، ولا تفتح له باب امرأةٍ نيتها طيبة. اللهم إنهم استهانوا بالمشاعر، فاكفِ بنات الناس شرهم، واردّ كيدهم عنهم، واستر من أراد الستر، وافضح نية من أراد اللعب دون أن يؤذي غيره

نعم ، وكان اصغر مني واعزب…رفضته لعدم التوافق في اكثر من ناحيه.

نعم حصل مرتين ولكن لم يكن هناك اتفاق وكل شي نصيب والحمدلله

نعم، سبق أن تقدم لي شخص بشكل رسمي، لكن لم يتم النصيب، وأؤمن أن ما كُتب لنا سيأتي في وقته المناسب

أرفض اذا اتصل أي أحد للأهل لعدم الرغبة وقتها ولم يحضر أحد رسمي للمنزل

كثير ويصفه شبه شهريه .. لاكن لم يكونو من الممكن النظر لسيرتهم

نعم، ولكن يخيفني عدم التوافق بطريقة التفكير، أو عدم الانسجام في جوانب الشخصية..والله الموفق للخير والنصيب المناسب بكل الأحوال.

من التطبيق لا جديده بالتطبيق انا الى الان لم اتخدث مع احد بشكل جدي

نعم، ولكن يخيفني بالتقليدي.. عدم التوافق بطريقة التفكير، أو عدم الانسجام في جوانب الشخصية..وأكيد الله الموفق للخير والنصيب المناسب بكل الأحوال.

نعم ولم يحصل نصيب وسبب الرفض كان متفق عليه بعد استشارة اهل الخبرة

ايوه لكن كل ماقلت ( هذا هو ) طلع شي يهدم كل التطلعات و اقول خيره

كثير بس يسكنون الطايف وانا ساكنة الرياض ودوامي بالرياض صغبه

نعم بعد طلاقي انخطبت مرة ولكن انا مؤمنه اني قادرة اني اتزوج بشخص يشبهني مو شخص ماعرف عنه شيء ويكون زواج تقليدي وبسبب عدم اختلاطي بالجنس الاخر فمافيه طريقه اني القى نصي الثاني الا هنا او خطابات او اني استسلم للزواج التقليدي وذا الشيء الي ماابيه

نعم، تقدّم أكثر من شخص بشكل رسمي، لكن لم يحصل توافق حقيقي، وأنا أقدّم التوافق والقناعة على مجرد إتمام الزواج.

كثير ولازال الحمد لله، النصيب لم يأتي بعد ومعاييري في الإرتباط تزيد مع العمر وليس العكس! ولعل الله أخّر الإرتباط ليوم يجتمع فيه قلبين بروح واحدة وانسجام كبير

كثير يتقدمون عن طريق الوالد ، لكن يحدث ان ارفض لعدم مناسبتهم من وجهة نظري ، ولاني ابحث عن شخص بمستواي الفكري والعقلي والاكاديمي

كثير بس افضل اعرف الشخص اول واعرف شخصيته وللاسف عندنا كل شي تقليدي لين نملك وبعدين نكتشف الشخصية

نعم الحمدلله لكن عندي تجربه سابقه صعبه الاختياري بعدها صعب ولازم اتاكد من الشخص إذا كان يستاهل او لا ان أبداء حياه جديده معاه

الكثير عندما كنت صغيرة والان ايضاً هناك الكثير لكن ليسوا جادين وانا لا احب هذه الأنماط

نعم كثير والله لكن الله لم يكتب أن أُكمل نصف ديني إلاّ بوقت وشريك هو من يختاره من سابع سماواته لنكمل حياتنا بودّ واحترام ورُقي وقد يكون لي ماطلبته هُنا 🤍

نعم، كثير. لكن ما ابغى زواج تقليدي. ابغى شخص اختارو بنفسي ويختارني لأنو متوافق معايا مو لأن عاجبو شكلي بس او عاجبة اهلو

نعم مرتين وتم الرفض لأنهم ماقد تزوجوا من قبل وانا افضل شخص مايطلب انجاب

نعم كثيرررر.. لم يحصل نصيب والرفض من طرفي مرات ومن طرفهم مرات وفي الاخير كله قسمة ونصيب 🤍

للامانه كثير بس كنت اركز علي تربيتي للاولاد لان انفصلت وهم صغار

نعم، كانت هناك فرص سابقة، لكنني أؤمن أن الزواج قرار مصيري يتطلب توافقاً فكرياً وروحياً عميقاً، ولم أشعر أن النصيب اكتمل لأنني كنت أبحث عن الشخص الذي نتشارك معه الرؤية ذاتها للمستقبل

نعم تقدم لي سابقا عدة اشخاص لكن افضل الزواج عن تعارف عن الزواج التقليدي😔

نعم ، ولكن لم يتم النصيب بسبب الاختلافات الجوهرية في المباديء والمعتقدات والعادات والقناعات

زواج تقليدي و يشترط الملكه و العقد و من ثم التعارف لهذا السبب ارفض الزواج التقليدي قبل التعارف .

بفضل الله الكثير وانا ما اقول هذا الكلام للتباهي لان العبره ماهو بالعدد ولكن في الاستمرار والوصول

كتييييير بس مامشي الحال لأنه بيكون هدفهم مؤقت وانا بدي حياه طبيعيه بعدين الله يبعد عنا الكذابين لأنه صار الكذب وسيله بيعمل حاله اخلاق ومحترم وبعدين بتكتشفي الكذب

اووه كثييير جداً حتى مني فاكرة قد ايش،، بس مالقيت الشخص المناسب ليا للان للاسف، حمدلله مني معقدة ولا طلباتي كثيرة وجداً قنوعة، بس النصيب 😊

نعم ولكن خطبة امهات مايختارون المطلقه الا بالولد عيوب الدنيا الله يستر عليهم ويوفقهم ويعوضني بالمناسب لي

الكثير للأمانة ولكني لا أبحث عن الزواج التقليدي. أحب أكون على معرفة بالشخص قبل الارتباط الرسمي.

نعم و انفصلنا لسبب خارج عن الاراده لكلا الطرفين ، لهم الاحترام و الموده .

نعم بس مو بشكل رسمي كان كلام ورفضت لانهم غير مناسبين ومارتحت الله يختار الافضل لي

نعم، تقدّم لي أكثر من مرة، لكنني أؤمن أن القبول الحقيقي لا يكون إلا حين يجتمع التفاهم والارتياح. الزواج بالنسبة لي ليس مجرد خطوة، بل شراكة عمر تستحق التروّي وحسن الاختيار. فالنصيب لا يُقاس بكثرة الفرصبل بجودة الاختيار و بلقاءٍ يشعر فيه القلب بالطمأنينة والعقل بالاقتناع.

نعم لكن ماكتب ربي لان التجربة الثانية بالنسبة لي لازم اكون متأكدة منها بما لايقل عن ٨٠٪؜

نعم كثيراً. ولاكنهم أقارب. وإخوان زوج اختي ونحن لا نرغب في الاقارب نبتعد عن أمراض وراثيه نتيجة زواج الاقارب.

يتقدمون كثير والله الاغلب من الاقارب و انا ارفض بعد تجربتي الاولى و يجيني من الخارج لكن ماقسم الله النصيب لهم معاي ولا لي معاهم

من التطبيق لا. من خارج التطبيق نعم ولكن من سنوات عديدة قبل اكمالي للماجستير.

نعم عدة مرات ولكن لايوجد توافق بالافكار وتمت خطبتي يمكن 3 مرات غير ملكتي السابقه

نعم، اسباب الرفض مختلفه امثله: شخص يرغب بالانجاب سريعاً و شخص يرغب بزوجه ثانيه و اخر مغترب في مدينه خارج الرياض (قريه)

كانو يتقدمون لي بطرق مختلفة يعني عن طريق الاهل / الدوام /رفيجاتي / السوشل ميديا مع انه حساباتي بالسوشل ميديا العامه دينيه وتوعويه بس مايطلع مني شي ولا حتى صوتي كانو بعضهم يتواصلون معاي ويبون يتعرفون علي و للامانه كلهم كانو جادين محد قل ادبه علي لاني افرض احترامي على الناس بس قدر الله ماصار نصيب ومحد تقدم لي رسمي الى الان الحمدلله

نعم ، ماوجدت المناسب بعد لي فما سمحت لهم بالتقدم الرسمي رغم رغبتهم. هو تآلف أرواح قبل اي شيء آخر وتوافق على جميع المستويات من حيث الداخل والخارج . والتوافق لا يعني التطابق وليس دائمًا يعني التشابه قد يكون التوافق في الاختلاف في جوانب . تعزز الاحتواء وتلبية الاحتياجات .

نعم،، ولكن كلهم تقدموا لخطبتي بطريقة تقليدية،، وأنا أفضّل أختار شريك حياتي بنفسي

تقدم نعم اهلي سالو عنه ويطلع راعي خرابيط وين العالم الصاحيه صرت الشك كل العالم راعين خرابيط

شاب بس ؟!! شباااب 😂 سبحان الله هي مو بالكثرة .. في بنت ما انطق بابهم الا مره وكان هو النصيب ، وفي بنات اكثر بنات العايلة خطاب ولا واحد فيهم هو النصيب ..! خيرة الله هي الأجمل دائماً

كثير والرفض من طرفي لم أجد التوافق من نواحي عدة سواء اجتماعية ، مادية وغيرها

نعم.. وأثنين منهم تقدموا لخطبتي أكثر من مرة بشكل رسمي عن طريق الأهل لكن لم يكتب الله بيننا نصيب.

نعم حصل .. تجربتين زواج إحداهما استمرت تسع سنوات والأخرى سبع سنوات وكان أولادي معي في حضانتي طوال هذه الرحلة.وانا أعتز بكل مرحلة مريت فيها لانها علمتني معنى العائلة والشراكة الحقيقية وكلهم تعلمت منهم الشي الكثير عن نفسي وانا ممتنة لذلك

نعم حصل .. تجربتين زواج إحداهما استمرت تسع سنوات انجبت فيها اولادي ٣ والأخرى سبع سنوات وكان أولادي معي في حضانتي طوال هذه الرحلة.وانا ممتنة لكل مرحلة مريت فيها لانها علمتني معنى العائلة والشراكة الحقيقية وكلهم تعلمت منهم الشي الكثير عن نفسي.

مااعتقد فيه بنت محد يتقدم لها، عن نفسي جت فترة من الفترات كرهت اروح فيها مناسبات او زواجات ، لان في نفس المناسبة يخطبون او بكرا يتصلون ، ومثل ماقلت سابقاً انا ارفض هذي الطريقة في الزواج ، يعني وحده ماتعرف لافكري ولااخلاقي وتجب تخطبني لولدها عشان بس شكلي عجبها!!!

نعم اكثر من مره بس وقتها ماكنت أفكر بزواج وحتى لما جو وأنا أفكر بزواج ماكانو مناسبين

لم يسبق أن تقدم لي شخص بشكل رسمي، لكن تواصلو اهله مع أهلي وشافوني أكثر من خطاب . أحيانًا يناسبني مبدئيا ، لكن لما أتعمق بمواصفاته أرفض ولا تتيسر الأمور. وللعلم، لم أدخل شوفة شرعية بعد.

نعم كذا مره لكن رفضت لصغر عمر ولدي و خوفا على نفسية و استقراره بالاضافه والد ابني كان ممتحني في حياتي الين ربي فكني منه وأشغله بنفسه من سنتين الحمدلله

اغلبهم برا قرايبنا وبجيلي يسألون البنت قبل الأهل وكنت أقولها بشكل صريح هاذا مايناسبني ومابي اظلم نفسي وأظلمه

Yes, but I always say NO, can't risk being involved with someone I know nothing about 🤨

نعم من الاقارب وخارجها والعمل ولكن رافضه فكرة الزواج بشخص انا ماحمل له مشاعر او ماعرفه ولا اعرف شخصيته الحقيقية وعلاقاته ودينه

لا والسبب لاني كنت ارفض تماما فكرة الزواج و خلال شهرين بدات افكر باحتياجي لزوج دون أن اعلن ذلك

اغلبهم برا قرايبنا و بجيلي يسألون البنت قبل الأهل وكنت أقولها بشكل صريح هاذا مايناسبني قبل يتقدم لي وينحرج

اي كثير الحمدالله من العائلة والاهل والاقارب بس فترة من فترات حياتي بعدين اختفو بعد دخولي ٣٠ سنة

نعم، تقدّم لي أكثر من شخص من محيط العائلة والمعارف، لكن ما حصل نصيب في تلك الفترة، خاصة بعد دخولي الثلاثين

نعم كثير بس افضل التعارف قبل الارتباط بالشخص لان هذي حياة جديدة مقُبل عليها الشريكين

هذي من الأمور اللي أحسها خاصة وما أحب أدخل في تفاصيلها، بس الأكيد إن كل شيء قسمة ونصيب، والوقت المناسب لكل خطوة في الحياة يجي لما ربك يكتبه بس على جوابك الجواب لا

بشكل رسمي لا لكن كثير يعجبون بي في المناسبات ويسألون لغرض الخطبة ويردونهم أهلي لأن والدي الله يعطيه الصحة والعافية أعطى كلمة لسميّه ولد عمتي بتزويجه بأبنته "أنا" وينتظروني أخلص الجامعة لإقامة خطبة رسمية وأنا أنتظر الوقت المناسب للرفض

نعم الكثير تقليدي لكن لم يكونوا مناسبين او كانوا من الاقارب و لايرضى والدي بزواج الاقارب.

فعلاً، كان فيه تواصل بخصوص موضوع خطبة سابقاً عن طريق الاهل والاقارب، لكني فضلت الاعتذار من البداية وقبل الوصول لمرحلة الرؤية الشرعية؛ لأني كنت مؤمنة إن 'القبول والارتياح النفسي' أساس أي خطوة رسمية، ووقتها ما شعرت ان هذاك الوقت المناسب لي