كيف تصف الروتين اليومي المثالي لك بعد الزواج؟

نوم وشعل وعمل ووناسه واكل وشرب لين يجي الولد يغير الروتين لأنها بتصرف نظر عني قليلا وبالتالي كل ما يجي ولد تقل الفرص وهكذا 🤗

حين تقبل أحداث يومك الروتيني على أنه واقع محتوم، لن ترى أي تغيير! وها نحن نعيش الحياة كما نحب لها أن تعاش، فما نحن صانعون بها! الأمر متروك لنا

يتم تخصيص وقت لكل من البيت الزوجه والعمل والاشغال الاخرى بحيث تكون متناسقة ماعدا يوم الجمعه سيكون يوم عائلي فقط للراحه وكامل الاستجمام خارج المنزل

عمل تسوق بيت وتناول وجبة العشاء مع الشريك ومن ثم الذاهاب لتفسح خارجا ومن ثم العودة الى المزل لمتابعة شيئ ما قصص او مسلسلات وبتدها النوم واراحة

ايقاع منتظم هادئ من صلاة الفجر بفنجان قهوة و اصطباحة مشرقة مع الشريك قبل يوم العمل الى لقاء محبب في المساء ومشاركة الحياة معه بمتعة ومحبة وود وتقدير

مسلسلات افلام سوني سواليف جمعات عائلية نشوي ف مخطط خرجة لمطعم خرجة لمقهى نسافر لمنطقة فيها بحر نسافر كل سنة من مرتين الى ٣ خارج المملكة حسب الاستطاعة

عمل حتى الساعه ٤ بعد كذا غداء ثم نومه خفيفه لمدة نصف ساعة بعد كذا قهوة مع زيارة عائلية وبعدها ساعه في الجيم وبعد كذا وجبة خفيفة في البيت ثم وقت النوم

انا إذا كان عندي وظيفة براتب قوي اروح لدوامي واذا ماتوظفت، بنفطر سوا ثم بسوي رياضة بعدها الغداء بعدين أشوف وش ودي اسوي لازم يكون عندي مشروع او اقرا كتب.

اللي متأكدة منه اني أحتاج وقت أقضيه مع شريك حياتي غير وقت النوم وأوقات الوجبات، ويا حبذا يوم أسبوعيًا يكون date بحيث نتشوق له طول الأسبوع وتظل علاقتنا حية وممتعة

يكون لكل شخص مساحته الشخصيه وحريته ويكون الاحترام والتقدير متبادل بينهم لو مشغول بحترم وقته ولو مشغوله يتفهمني واكيد إذا حبينا بعض بيكون وجودنا مع بعض اكبر سعادة

‏يختلف ففي أول أيام الزواج شهر العسل يكون الاهتمام متبادل بين الزوجين وترك الأشغال مؤجلة قليلا ثم تأتي الأيام العادية كل منا يزاول شغله لكن دون إهمال للطرف الثاني

المفروض الزواج شيئ مقدس وجميل وما يكون فيه روتين ممل ان يكون متجدد دائماً من قبل الزوجين كل منهم يحاول ان يعمل اجواء جميله ومفاجآت لكسر الروتين

اذا كان هناك اتفاق مسبق ما قبل الزواج من الطبيعي سوف يكون هناك اتفاق ما بعده وتكون حياة سعيدة بعيدة عن المشاكل او قدر الامكان قليلة الاختلافات

ان يكون البيت هو مصدر السعادة وليس الاستراحات مثلا ان يكون في العاب ذهنيه ورقيه اسأله فعاليات اهم شي يكون البيت فيه من سعة الصدر الكثير

تناول الوجبة الغداء معا ثم أخذ راحة من النوم الخروج لتقضية بعض الوقت في المساء مشاهدة افلام والنوم افضل وقت المرح سويا دائما

عناق قبل الفجر وصلاة ثم رياضة ثم إفطار رومانسي وعلاقة حميمية ثم دوش ثنائي ثم عمل ثم تروش راحة ثم تنزه مطعم وعلاقة حميمية ونوم

أداء الصلاه في وقتها النوم مبكر وقضاء ليله ممتعه والمحافظة على صلاة الفجر وقتها. وبعدها افطر مع شريكة حياتي وبعدها العمل وهكذا

طبخ صحي - نادي - جلسه - موفي - تنظيف - عمل ومايمنع ايام مايكون فيها روتين والسهر من يوم إلى يومين في الاسبوع افضل المشاركة جدا

صحيان بدري دوام طبخ الغدا قيلولة او جلسة قهوة حسب الارهاق. نادي ثم مشاوير البيت الخفيفة او رجعة للبيت وجلسة رايقة الى وقت النوم

مافي روتين معين اهم شي ننام واحنا مرتاحين بدون زعل ونصحى بيوم جديد وكليئ بالحب والامتنان لبعض والأعمال الخاصة والمشتركة الزوجية

سيكون روتين مليء بالانشطة والأعمال والمهام المتنوعة وسنختمه بإذن الله بأجمل جلسة قهوة ومسكة يد وكلام حلو وبعدها أشياء جميلة وبس ❤️🌹

وقت للفطور الصباحي وتناول القهوة تنظيم وقت النوم وللاستيقاظ تنظيم وقت الطعام تحديد وقت للسفر كل عام الخروج مرتين او ثلاث في الاسبوع

يكون في اتفاق مسبق على الروتين بعد التوافق بطريقة تناسبنا احنا الإثنين بحيث كل واحد فينا له مساحته وفي نفس الوقت نكون أولوية عند بعض

نفسي يكون كله حب وتقدير واحترم وأخلاق وحوار وتفاهم بدون عصبيه والتفكير من أجل المستقبل بكل تفاهم متبادل وكل بساطه وان الله على شي قدير

البسمة الحلوة، التفاهم، الكلمة الطيبة، العيشة الهنية … القيام بالمسؤوليات بأفضل شكل، الزوج يساعد زوجته، الزوجة ترحم وتقدر زوجها، الاستثمار بالعلاقة، جودة حياة عالية

الاستيقاض في الصباح وانجاز بعض الامور منها الرياضه تعلم شي الجلوس مع الاهل. والذهاب الي العمل والنوم مبكرا ولا مشكله في الخروج الي بعض الكافيهات والمطاعيم لترفيه 😊

احب الشخص الي روحه حلوة ويحب المغامرات .. احب جو الوناسة لو ان شاءالله ياكلني شاورما عند البحر بس روحه حلوة عادي 😂 الحياة تكون حلوة مع الشخص الصح ✌🏻 احب اجرب اشيه يديده .. البولينق و كرة السلة حبيتهم و احب العب بلايستيشين مع اخواني لكسر الروتين😂🌚

اصحى في الصباح اجهز فطور نفطر سوى بعدين يروح على الدوام وانا امسك البيت من أعمال منزلية وطبخ غداء ، لما يرجع أستقبله عند الباب بكل حب ونتغدى سوى وقت المغرب أسوي قهوة وشاهي وحلى ونقعد مع بعض نتكلم ونتناقش ونتحاور نحكي بعض اش صار في يومنا، نخصص وقت لبعض يومياً ..

ماحب الروتين لكم عمومابوسط الاسبوع دوامات وبيت ولا مانع من الخروج بالمءا مع الاصدقاء او العائله او الزوج بالويك اند يكون الخميس لي وللزوج كل واحد يطلع ينبسط لحاله كيفه الجمعه للاهل السبت معروف اليوم اللي ماله داعي تحس عليك شي وماعليك شي لا مفكوك ولا مقيد ههههههههههههه بس عادي انا مرنه مااحب الروتين

نوم وبعض الاكلات الصحيه بالجدول ما يضر .. الواجبات المنزليه والواجبات الزوجيه قبل كل شيء - الاهتمام والعنايه بالنفس والبيت - ممارسة الهوايات المحببه لكلا الطرفين حتى نخفف من ضغوطات الحياه - التعاون والمعاونه - التطوير من الناحيه الماديه والفكريه والعلاقه الزوجيه - بالاضافه تجي الخلفه والاطفال وتربيتهم الخ...

بعد ما نستيقظ نبدأ يومنا بالصلاة ثم بفنجان قهوة مع بعض ونجهز الإفطار سويًا بعدها نمارس بعض الأنشطة مثل المشي أو الرياضة خلال اليوم كل واحد يركز على عمله لكن نتواصل بين الحين والآخر. في المساء نتناول العشاء معًا ونتابع فيلم أو نتحدث عن خطط المستقبل قبل النوم نقضي وقت هادئ ونفكر بالأشياء اللي نشعر بالامتنان لها

لا يوجد روتين مثالي للحياة بصفة عامه فالحياة بطبيعتها متغيره ونحن متغيرون ولكن هناك عوامل تجعل الحياة الزوجية مستمرة بكل حب من هذه العوامل "التفاهم والود ومساندة الشريك والستر والاحترام والصدق وتقبل الاخر والعمل ع تغير النفس للافضل" هي من تجعل الحياة جميله فنحن نبحث عن شريك الحياة الصادق الودود المتفهم لنمضي قدماً في هذه الحياة معاً بكل حب وسعاده

“روتيني اليومي المثالي بعد الزواج يكون بسيط لكن مليان دفء وتفاهم. نبدأ يومنا بصلاة الفجر مع بعض، بعدين كل واحد يروح لأعماله أو اهتماماته، ونكون على تواصل خفيف طول اليوم. نرجع نلتقي وقت الغداء أو العشاء، نتشارك أكلنا ونحكي عن يومنا. أحب يكون فيه وقت نجلس فيه سوا، نضحك، نتفرج على شيء نحبّه أو نطلع مشوار بسيط. قبل النوم، نختتم يومنا بصلاة الوترو بدعاء وكلام حلو يخلينا ننام وإحنا مطمئنين لبعض.

روتيني اليومي المثالي بعد الزواج يبدأ بصلاة الفجر مع زوجي، ثم تجهيز إفطار بسيط نستمتع به معاً. بعدها، أرتب المنزل وأعتني بنفسي، سواء بممارسة الرياضة أو القيام بروتين للعناية بالبشرة. خلال النهار، أتابع عملي أو أنشطتي الخاصة، مثل تصميم الأزياء أو تطوير مهاراتي. أجهز وجبة غداء لذيذة، ونقضي وقتاً ممتعاً بعد العصر، سواء بالخروج أو ممارسة هوايات مشتركة. في المساء، نتناول العشاء ونشاهد فيلماً أو نتحدث عن يومنا قبل النوم.

كل شي منظم بطريقه مريحه يعني وقت النوم و وقت الأكل و وقت الطلعات احب الوناسه والتنظيم والحياه المستقره والروتين الغير ممل ويهمني يكون فيه وقت للتواصل مع بعض يعني اسمع له ويحكي لي عن يومه ويسمع لي بكل حُب جداً اقدر هذا الشي ما احب البرود ابداً فالتعامل بين الازواج ودايم ارسم في مخيلتي صوره جداً جميله لروتيني من الصباح حتى وقت النوم مع شريك حياتي وابرز مافي هالصوره الاهتمام المتبادل والحُب والدعم والضحك وجميع المشاعر اللي تلون الحياه 💕🌷🌈

ككاهن، أصف الروتين المثالي بعد الزواج بأنه يتضمن توازنًا بين الالتزام الروحي والعاطفي، مع التركيز على النمو المشترك والتفاهم. الروتين المثالي يشمل: 1. الصلاة والتأمل معًا: تخصيص وقت للصلاة والتأمل الروحي كزوجين يعزز العلاقة مع الله ومع بعضكما البعض. 2. التواصل الصريح: التحدث بصراحة عن التوقعات والمشاعر، ومشاركة الأفكار والطموحات اليومية. 3. الاحترام المتبادل: بناء روتين يعتمد على الاحترام واللطف المتبادل، مع تقدير كل طرف للآخر. 4. الأنشطة المشتركة: قضاء وقت ممتع معًا .

الاستيقاظ عند الفجر، روتين هاديء بعد الفجر، قهوة او افطار، عمل ثم العودة لصنع وجبة شهية، بعد العصر، الخروج للمشي مثلا او البقاء في المنزل في يوم هاديء مع ضرورة كسر الروتين خلال الويكند ومن الجيد ان يصبح لكلا الشريكين يوم محدد فالأسبوع خاص به.

اشغالي اموري الشخصيه كل شي اديه حقه مااحب تفرغ اليوم الا اذا كنت كسلان او تعبان وكل شي بعذره اما اجلس كذا روتين مااحب حنا لو كنت جالس في البيت لازم اشغل الي حولي على شان احس ان البيت باقي فيه ناس حيه وبس والله حبيت اعبر عن شعوري ❤️❤️

الروتين اليومي سيكون الاستيقاظ فجرا ثم اعداد الفطور والاستحمام ، والتجهز للذهاب للعمل ، بعد العمل اكله بسيطة ، ثم الاسترخاء ومشاهدة فلم سوياً مثلا او اي نشاط او خروج بعد المغرب سيبدا اعداد الوجبة الاخيرة . ثم النوم الساعة ١٠ مساء.

ان يكون مليئ الموده والرحمه والحفاظ على جميع الأمور ان يكون الزوجين على توافق ولا يخرج كل منهما أسرار البيت الصدق والوضوح يكون اساس بينهم اولا مخافة الله ومحاسبة النفس

أنا شخصية مرتبة أحب ابدا اليوم من الصباح "قهوة ☕️🫂" حياة هادئة مليئة بالحب والتقدير والمشاركة يوم خالي من الزعل والسلبيات ليل ساكن وهادئ مع روتين يساعد على الاسترخاء قبل النوم

اهتمام بمشاعر وراحة الطرفين، خلق اجواء مليانه حب ومرح. نتشارك اهتماماتنا، نخلق وقت خاص كل يوم نتفرج نتقهوى نخرج ديت. مناقشه في المواضيع المهمه، نحط اهداف لشي معين نبغى نوصله مع بعض

التخطيط المسبق في وضع جدول اسبوعي يحتوي جميع المهام اليوميه مثل وجبات الاكل ومواعيد اوقات الخروج والعوده للمنزل كنوع من تغير الاجواء واقات التسوق واماكن نخطط لزيارتها وهكذا على مدى شهر كامل

أقوم الصبح اخذ سناك اروح النادي مع زوجي وبعد النادي نطلع نفطر احلا فطور واروق فطور ونروح على دوامتنا بعد الدوام نروح البيت ونتغدى ونتقهوى ونحلي ونسولف ونشوف شي ع التلفزيون بعدين نروح ننام عادي

روتين عادي اقوم الصباح بدري صلاة الفجر ثم إلى العمل واطلع من الدوام واقضي باقي الوقت مع الاهل وبعدها امشي رياضة شوي بعد المغرب وبعد صلاة العشاء اجلس مع الوالده ومن ثم الساعة العاشرة ليلا أخلد إلى النوم

اريد بتوفيق الله سبحانه اولا ومساندت شريكة الحياة التجديد المستمر والمشورة والاتفاق على ان نكون مختلفين حتى لو بتغيير شكل سفرة المائدة وجعل الحياه مشاركة في كل شي والاستمتاع بالاوقات في صنع ابسط الامور

روتيني يدور بشكل أساسي حول العمل، وقد يتخلله سفر أو انتقال داخل المملكة أو خارجها، وتحقيق التوازن ليس سهلا في هذه المرحلة، إنما بعض الأنشطة في الهواء الطلق أيام نهاية الأسبوع، وزيارات الأهل بحسب الأحوال

نفطر سوا نسهر سوا نتابع فيلم سوا نطلع مشاوير سوا مشاركة يومنا مع بعض نتساعد اذا احد احتاج الثاني اذا مرض واحد منا الثاني يقوم فيه الروتين الممتليء بالحنية واللطف والاحترام والتقدير والرأفة بيكون اجمل روتين

نوم..اكل..طلعات ..سهرات .مشاكل وخناقات ..تفاهم..حب رومانسيه...اشيل عنه هموم شغله وكل شي ويشيل عني .....اكون معاه في الشده قبل الرخاء ..اتحمل الابتلاءات ..ماديه جسديه.. نفسيه ..كل شي..نشجع بعض على الطاعات والنوافل

أممم لا أعرف بالضبط لكن أحب أن نصحو قدر الإمكان مع بعض، ونغسل وجوهنا ونوضي أو نستحم ونفرش أسنانا مع بعض، ويكون بيننا حب ولطف من أول ما نصحى لين ننام، ونعتني براحة بعض، ونعد الطعام لبعض و كل واحد يحاول ما يمر اليوم الا وساهم بالاعتناء بحب براحة شريكة بقدر استطاعته، المهم نبادر كل يوم بتبادل الحب والعناية ببعض، وإذا كان أحد منا بحاجة إلى وقت خاص فيه نحترم رغباتنا،يكون لنا ورد من الذِكر، و نركز على مزايانا و نقبل عيوب بعض بكامل الاحتواء والاحترام. ( أكون معه وكأني مع نفسي من شدة ارتياحي، وهو كذلك)

كل واحد مشغول بعمله وبمهامه اليوميه نتقابل بداية اليوم لتوضيح مهامنا لبعض ووين بنكون خلال اليوم ونفترق ونرجع نتقابل ع المغرب المساء يكون وقتنا مع بعض اما النهار فهو وقت العمل والمهام اليومية والويكيند يكون هو الوقت المفتوح مافيه تنظيم ولا ترتيب

أنا روتيني بسيط لكن يتعدل للزوجة الطيبة تبي تتمشى تبي تروح صاحباتها أو عند أهلها أهم شيء لاترجع البيت وتفش زعلها على هههههه

صباح هادي مع العائله بعدها عمل وبعد العمل جلسه لطيفه عائليه الى العشاء وبعدها انجاز مهام المتبقيه في اليوم وثم النوم الويكند اتوقع يكون مرن بناء على رغبتنا نغير فيه.

روتيني اليومي بعد الزواج يكون متوازن بين العمل والبيت أصلي وأقضي وقت مع زوجتي وأولادي نشارك بعض ونستمتع بوقتنا وبنفس الوقت أخصص وقت للراحة وتطوير نفسي

أحب أغير كل يوم. جلسة قهوة وجلسة برا البيت وجلسة هدوء، مرة بلايستيشن أو طلعة أو تصوير أو رياضة، وأحب دايم أفاجئ شريكتي بأشياء تدخل السعادة عليها.

اقوم الصباح اروح المسجد ارجع افطر انا وزوجتي نتقهوى نقراء كم صفحة من كتاب نتكلم شوي اروح الدوام ارجع نتغدى ننام نصحى العصر اروح النادي المغرب نتقهوى مع بعض في الخارج او البيت اذا تبي تزور اهلها مافيه مشكل اذا ابي اروح اقابل اهلي انا او اقابل اصحابي لين يجي وقت النوم وتدور الدائرة.

حبيت السؤال ، ممكن يكون اصحى الصبح نفطر سوا نحضن سوا طبعا و بعدها هو يروح الشغل وانا كمان بعدها نرجع نتغدا سوا بعدين نروح النادي نتمرن بعدها نروح سينما بعدها نتعشى سوا بعدها نرجع البيت وكذا او اوقات كمان عادي نقضي اليوم بالبيت سوا نسوي فعاليات مع بعض🥰🥰🥰🥰

يعتمد على نمط الزوجين والإولويات .. بشكل عام ضروري يكون فيه توازن في الاهتمام بالعلاقة والاحترام بين الطرفين والاستمتاع مع بعض

صلاة الفجر عمل قهوة ظهر مع العائلة عمل فترة العصر إلى قبل اوبعد صلاة العشاء ثم وجبة العشاء في الغالب من المطعم المميزة جلسة عائلية ومشاهدة التلفزيون والسياسةثم سواليف غرفة النوم وكلها في اوقات محددة مع تغير البرنامج في نهاية الاسبوع

صلاة فجر > اذكار صباح > فطور > دوام > صلاة ظهر > غداء > صلاة عصر > جلسة منزلية وأذكار مساء > صلاة مغرب > مشي > صلاة عشاء > نوم هذا في اكمل الحالات .. احيانا يصير زيادة او نقصان

نصحى الصباح مبكرا ونفطر ونقرا او تمارس هواية مفضلة لها وانا اقرا ونتمرن والظهر اشوف العمل والعصر ممكن نطلع وبعد العشا نتفرج او نجلس مع بعض وننام بدري على ١١-١٢

انا من محبي اجواء البيت والعائلة وجلسة البيت خصوصا ان كان بيننا حب وشوق فيما بيننا وجميل ان يعطى كل شخص مساحته الخاصة لعمل اهتماماته فنحن نعيش في منزل واحد عمرنا كله فجميل ان يكون الشخص في منزله يفعل مايريد وهو مرتاح من غير ضغوطات من الطرف الاخر

يختلف من شخص لآخر، ويعتمد على تفاهم وتوافق الزوجين. لكن يمكن وصفه بكونه مزيجًا متوازنًا من المسؤوليات المشتركة والوقت الخاص والفترات المخصصة لتقوية العلاقة، مع المحافظة على الدفء والرومانسية.

والله بكون صريح انا رجل انطوائي نوعا ما احتاج عزلة فنقول على سبيل المثال بديت يومي من الفجر اتوقع من زوجتي ولن اجبرها انها تسوي لي فطور وبعد الدوام ارجع اريح وان كانها مسويه غداء الله يكثر خيرها وان ما قدرت تبلغني اجيب والعصر عاد نشوف نطلع ولا نجلس نشوف لنا صرفه

من الغباء أن أقرره الآن كوني ليت متزوجة ولا أعرف الشخص ولا الظروف. غير أني لا أحب الرسم بالمسطرة ووضع العراقيل والعقبات، أحب ترك كل شيء يترتب بمرونة ويسر كما يريد له الله.

الاستيقاظ فجراً الصلاة و تجهيز الأطفال للمدرسة وذهاب الزوج للعمل، أمارس الرياضة اشرب كوب قهوة، اشاهد الجوال، ارتب بعض الاشياء البسيطة واعمل الغداء، بعد الغداء الكل يخلد للنوم حتى صلاة العصر الكل يستيقظ يصلي ونتجمع على قهوة العصرية حتى المغرب، ثم يبداء الطلاب بالمذاكرة وحل الواجبات، وانا اخذ قسطاً من الراحة لنفسي

نصحى الصباح نفطر ونروح دواماتنا وبعدها نرجع للبيت نتغدا سواء وممكن ناخذ غفوه وبعدها نروح للنادي ونرجع ممكن نفرفر بالسياره او نرجع للبيت، والمهم انه نعطي وقت لأنفسنا واننا نحط يوم محدد بالاسبوع يكون لنا الاثنين سوا نسوي اكتفيتي ويمون فيها تغيير روتين.

مشاركة طبخ وجبة الافطار> عمل> نادي نتمرن سوا سواء في نفس النادي او فالبيت > كواليتي تايم يومياً اسمع لها وتسمعني> نسوي عشا خفيف سوا مع موسيقى جاز هاديه واحيانا مصري ونشعللها.. احب تنظيم ايام الاسبوع واحب بعثرتها وكسر الروتين اذا طولنا

ما احب الروتين ودايم اكسره قد ما اقدر .. لكن الاعمال تجبرنا على روتينها ومواقيتها فالمثالي احترام الاوقات الوداع والاستقبال والإعانة على تخفيف التعب عند الرجعة بعد يوم عمل طويل ومتعب

ايصال اطفالي للمدرسة الذهاب للنادي الذهاب للعمل تدريس اطفالي والاهتمام بهم تجهيز قهوة المغرب واستقبال الزوج بكل حب اخذ اطفالي للنوم قضاء وقت ممتع مع الزوج

تقوم بدري. مع الكون. لان. الكون يبداً من الصبح. وتصلي فروضك في وقتها وشغلك. يكون بالوقت المناسب. غالبا. وتكون هادي ورايق. لان. كل شيء. صار بوقته.

روتيني المثالي بسيط: يوم يبدأ بطاقة وهدوء، شوية شغل، وشوية ضحك وراحة. نرجع آخر اليوم نتعشى سوا، نتكلم عن يومنا، ونختم الليلة بهدوء ورضا. حياة مستقرة بدون تعقيد

أن نبدأ اليوم بصلاة الفجر معاً ثم نتشارك فنجان قهوة الصباح مع موسيقى فيروزية نخطط ليومنا ونشجع بعض على أهدافنا ونعود لبعض في المساء، نتقاسم هموم الدنيا ونتذكر نعم الله علينا

تهمني الراحة النفسية .. الخصوصية .. احترام المساحة الشخصية .. كلا منا يعيش حياته .. نلتقي في أوقات تجمعنا خلال اليوم .. نخطط لتجارب ولو بسيطة مع بعض لو بسفر أو بدون سفر .. و أوقات نتفرغ لإهتماماتنا .. أتمنى حياة سلسة سهلة مريحة .. ولو كان خفيف دم ي ليت ..

أن نبدأ اليوم بصلاة الفجر معاً ثم نتشارك قهوة الصباح مع موسيقى فيروزية نخطط ليومنا ونشجع بعض على أهدافنا ونعود لبعض في المساء، نتقاسم هموم الدنيا ونتذكر نعم الله علينا

بتتبع الأحداث من الصباح إلى المساء، مثل الاستيقاظ وتناول الفطور، والذهاب إلى العمل أو الدراسة، والقيام بالأنشطة بعد العمل مثل ممارسة الرياضة أو الترفيه، ثم العشاء والتحضير للنوم.

صلاة الفجر في جماعه العوده للمنزل الإفطار بالمنزل الذهاب لأعمال البزنس الخاصه بي العوده للمنزل للغدا اخذ قيلوله صلاة العصر العوده للمنزل لشرب القهوه والحديث مع الاهل الخروج بعد الخامسه عصرا للتشييك على الأعمال صلاة العشا العوده للمنزل للسمر مع العائله ثم النوم

روتيني اليومي بعد الزواج بسيط وهادئ يبدأ يومي بمسؤوليات خفيفة واهتمام بالبيت وبعدين شغلي وحياتي تمشي بشكل مرتب أكثر وصار في مشاركة بالأشياء الصغيرة اللي تعطي اليوم معنى ولما يجي الليل أحس بالراحة لأني أرجع لبيتي وشريك حياتي ويحس اليوم كأنه أخف وأدفى رغم كل مشاغله

مافي روتين مثالي لكن حلو ان نكون مهتمين بجوانب الحياه المختلفة ومقسمين وقتنا عليها ونتشارك فيها .. زي الرياضة - الترفيه - القراءة - الراحة - العبادة - ادارة اعمال المنزل .. الخ

انا مشغوله بشغلي وفي نفس الوقت احسن ادارة بيتي ومهتمه بنفسي وزوجي زوجي مشغول بشغله ومهتم بنفسه وفيني وبالبيت لنا وقت مستقطع لبعض ننتبه لبعض ومستمتعين مع بعض

سؤال صعب ، لكن أنا إنسان أتكيف مع المعطيات مادام البيئة الموجودة داعمة وليس فيها كدر لجميع الأطراف شاملة الأهل والأطفال ان شاء الله الأمور تمشي مادام فيه تفاهم

اقوم الصبح اسوي فطور نفطر يتسهل على شغله انزل الغدا واروح النادي او اخلص شغل البيت واقوم الظهر اصلي وابدا اجهز الغدا اتحمم وانتظره يجي نتغدى ونتفرج على مسلسلنا او نخرج نجيب اغراض او يريح شوي ياخذ له قيلوله والمغرب اصحيه وانا مجهزة القهوة ونتقهوى او نطلع نتقهوى برا وحكذا

يبدا الصبح بكل لطف بقهوة مشتركة ودردشات قصيرة تعطي اليوم طاقه حلوه وايجابيه بعدها كلن يروح في عمله ونرجع نلتقي المساء في بيتنا الدافئ ونتلاقى ونفتح مواضيع تريح وتقرب قلوبنا

الروتين اللي اتخيله مناسب لي ان انا بحكم الشغل ما راح اكون موجود الصباح كاعادةكثير من الشباب علشان الشغل لكن الفكرة بعد ما ارجع من الشغل القى البيت مرتب ريحتة حلوة مو شرط حتى تكون فية صاحية حتى عادي تكون جهزت الاكل وناكل بعدين اريح شوي بعدين تجي قهوة+شاهي بعد المغرب لين العشاء اذا كنا جالسين بعدين عاد كل واحد يروح يبي يقعد على الجوال يتابع مسلسل. هو حر

يبدا الصبح بكل لطف بقهوة مشتركة ودردشات قصيرة تعطي اليوم طاقه حلوه وايجابيه بعدها كلن يروح في عمله ونرجع نتلاقى المساء في بيتنا الدافئ ونفتح مواضيع تريح وتقرب قلوبنا لبعضها

الروتين المثالي نصنعه معا.. جزء اساسي من هذا الروتين هو لحظات اقضيها مع زوجي بحضور كامل و امتنان.. وجبة نأكلها سوا.. أنشطة نمارسها سوا.. و طبعا أوقات أقضيها مع نفسي.. امشي في الحديقة.. اصبح على نخلتي المقربة "عنبورة".. و أوقات اقضيها مع بنتي طبعا العب معها و اسمعها و اعيش معاها عالمها.. و اوقات نقضيها معا كعائلة نحس بالانتماء و الاماااان و الاستقرار

لا أحب الروتين الممل ولا أسعى لأيام متشابهة أطمح أن يحمل كل يوم مفاجأة صغيرة تشعل دفء القلب …أريد أن تكون أيامنا مليئة بالابتسامات والحب والأمان… أريد أن ننسج ذكريات جميلة معًا وأن نجد في بعضنا ملاذًا للسكينة والطمأنينة

لا أحب الروتين الممل ولا أسعى لأيام متشابهة أريد أن تكون أيامنا مليئة بالابتسامات والحب والأمان أريد أن ننسج ذكريات جميلة معًا وأن نجد في بعضنا ملاذًا للسكينة والطمأنينة

ما أحب أرفع سقف توقعاتي لأني معرف إيش حياتي حتكون بعدين ولكن يكفي إني متفائل برفيقة الدرب إني أكون عون لها وتكون عون ليا في طاعته والروتين يكون حسب الحياة الجديدة وغالباً النساء هم يتفنون بجماليات الروتين بالنسبة ليا إذا الله كتب ليا الزواج أحب نتمشى سوا ونتفرج سوا ونسافر سوا وتجي أوقات نطلع على آخر الليل ناخذ لنا قهوة ولا شاهي عالجمر وسوالف بسيطة وونس وضحك أحب الفرحة والونس والضحك مع رفيقة الدرب أهل بيتك هم أهم ناس تبث لهم روح الفرحة أسأل الله أن يحققها ليا بالحلال في طاعته عما قريب

روتين شبه تقليدي فطور مشاركة الغدا والاعمال المنزلية ولكن اهم شي وقت لنفسي ساعتين باليوم بدون عمل فقط لهوايتي وبرواقي ووقت مع شريك الحياه لوساعه باليوم ويوم يكون يوم مشترك ومتغير

أنا إنسانه تحب تبدأ يومهابهدوء جمييييل أصحى بدري أصلّي وأحتضن فنجان قهوتي كأنه لحظة صفاء خاصة فيّ أحب أمشي الصباح وأحس بنسمة الهواء تلامس روحي قلبي يميل للرومانسية والعاطفة، ويمكن أكثر شيء يعبّر عني إنّي أقدّر الالتزام والنظام والترتيب والنظافة يعطوني راحة وطمأنينة ومع كل هذا الهدوء اللي فيني أحب الضحك والمرح وأعشق اللحظات اللي تخليني أبتسم بدون سبب

انا عندي مخطط لزواجي روتين حلو الشهر نقول 4 اسابيع الاسبوع فيه 2 الى 3 مرات جماع نهاية الاسبوع يوم نزور اهلي ويوم نزور اهلها ويوم فري يكون للحرمه ما تطبخ فيه هذا نطلع نتمشى ولا نتسوق ولازم ان كل يوم من المغرب للاخر اليل هذا وقت العيله انا ويا الزوجه والعيال

احيه كذا اوفر روتين حياة بعد الزواج اخ بس ايش اقول ايش اخلي حضن بالنوم حضن اذا صحيت حضن اذا فطرت حضن قبل اروح العمل حضن بعد ما ارجع حضن وقت الغداء حضن العصر حضن بكل وقت يالبيه لو الحياه كذا

انا دائما في استراحتي مع بعض الاصدقاء والاخوان واغلب الايام غدانا وعشانا فيها فترة الصيف اما الشتاء نطلع برا وناخذ أغراضنا ومن الممكن ننام في البر يوم يومين الى اسبوع طبعا رجال

احب يكون يومي بسيط ومرتب اصحى على هدوء وقهوة وقليل شغل وبعدها وقت للعائلة والبيت والمساء يكون لنا نطلع او نسولف او نشوف شي نفضله سوا يعجبني التوازن بين الشغل والحياة

بالنسبة لي أنا أحب البقاء في البيت والمشاركة في أعمال البيت والاجتماع مع الزوجة والابناء في وقت من اليوم لا يقل عن ساعة والسماع لبعضنا ومشاركة الأهل في نشاطهم اليومي وما إستجد معهم وإذا خرجت إلى مكان يكون هادي

بحكم اني موظفه ولايوجد لدي الوقت الكافي لإدارة المنزل ولكن بكون تحت ادارة اطفالي بوجود عاملة منزلية لمساعدتي في امور المنزل سكن ملك مع زوج قادر على ادارة مصاريف المنزل

دوام نتقابل ع الاكل ونروح النادي بعدها ونرجع ناكل ونشوف موفي ونسولف وننام هذي بايام الاسبوع بالويكند يوم مخصص لنا ويوم مخصص له ويوم لي كل واحد يمارس الاشياء الي يحبها مو شرط يوم كامل وممكن نزور الاهل ولو كان فيه اطفال بيكون يوم مخصص لهم

اني اكمل حياتي طبيعي وما انتظر من المقابل يوفرلي اقصى الاحتياجات الخياليه الفوق مثاليه الي فوق طاقة البشر لانه ليس علاء الدين ولا انا طبعا ..يكون مشاركة وصديق نحس بالسكون والراحه لما نقضي وقت سواء ولكن بنفس الوقت لي مساحتي ووقتي ..وله مساحته. و مافيه الاعيب واسرار ..

استيقاظ من نوم وقت المناسب تهوية الغرفه كلمة لطيفهة أو ابتسامة جميلة لشريكة حياتك تعدل مزاج الطرفين دايما الكلام الحلو له فوائد كثيرة تجهيز فطور بسيط ترتيب البيت ١٠ او١٥ دقيقه تناول الطعام بدون هواتف لاستماع للطرفين مشاهدة التلفاز مشتريات الطعام للمنزل تقاسم الأعباء للطرفين ومساعده التواصل المستمر بدون نقد جارح احترام الطرفين يوجد الكثير

اشتغل مهندس حقل في الشركات النفطية التابعة لارامكو وليست ارامكو نفسها نظام عملي أداوم شهر وآخذ إجازة شهرالشهر اللي أداومه أكون بوسط الصحراء بمواقع التنقيب والحفر والاستكشاف يعني ما أجي البيت نهائي والشهر اللي أطلعه أكون فاضي تماماً . فلذلك أقدر أقول الروتين راح يرسم نفسه بنفسه مع الوقت

اصحى من النوم اروح الوظيفه . ارجع من الوظيفة اجلس مع الاولاد والاهل و انام اروح الوظيفه وهكذا الى اجل من غير مسمى مع محاوله الاستقرار المادي والوصول للحريه الماليه

الدوام راحة بعد الدوام وجبه طعام شاهي وقهوة و تبادل الحديث الخروج للتنزه او الزيارة تسوق اي منها وليست شرط كل يوم ممكن ممارسة نشاط مشي رياضة ثم وجبه استعداد للنوم يعني من هذا القبيل

مااحب الحياه المثاليه قد مااحب روتين خفيف لطيف عباده وعمل وتوزيع الوقت بقيه اليوم بينهم كلهم يكون بالكلام الحلو وطاقة المكان و الجو العام بالنسبه ليا شي مهم بان يكون كل يوم شعور بانه صباح العيد كيف يكون 😍 دايما حياتي كذا الحمدلله فما بالك بشريك حياه 🤍 اختصرها : صباح منظم، مساء عائلي دافئ، ونوم مريح.

انا تقاعدت تقاعد مبكر روتيني اليومي اصحى في الصباح اصلي الفجر وافطر مع الأولاد ويروحون لكليتهم وانا اروح للنادي وبعد النادي اقضي مقاضي البيت واذا فيه شغلة خلصتها وارجع البيت انتظر الأولاد يجون ونتغدا سوى بعد الظهر وناخذ قيلولة وبالعصر اذهب لبيت الوالدة واتقهوى معها وارجع وبالليل اتفرج مسلسل او اي شيء وننام بدري

عمل من ٦ صباحا الى ٢ ظهرا غذا واسترخاء الذهاب سويا لممارسة رياضة المشي في الحديقة شراء اغراض للمنزل انجاز بعض الاعمال الوظيفية الجلوس سويا للعشاء والسهر حتى العاشرة ليلا النوم

الاستيقاظ صباحا لصلاة الفجر تحضير الفطور . العوده للنوم والاستيقاض ظهراً لاداء الصلاة ثم تحضير الغدا والاجتماع عصراً للقهوه او الخروج مساء لاحتساء كوبي قهوه وكسر الروتين اليومي

تواصل يومي وصراحة في المشاعر. وقت شخصي لهوايات كل طرف. تعاون في المهام المنزلية واتخاذ القرارات معًا. اهتمام بالصحة وممارسة الرياضة. حياة اجتماعية متوازنة مع الأهل والأصدقاء. تخطيط لأهداف مشتركة ومستقبل الزوجين لحظات رومانسية منتظمة للتقارب والحب ولاننسى ان التجديد من فتره لفتره مطلب لعدم دخول الملل بين الزوجين

انوم بدري ٩ او ١٠ واصحى الفجر واشتغل على شيء له علاقة بالبزنس حقي المستقبلي ثم ٧ اروح للدوام وبعض الاوقات مايكون عندي محاضرات اروح لمكان هادي او في البيت واكمل شغل الى ٣:٣٠ طبعا اتغدى قبلها، ثم ابدا اشوف الشركات في سوق الاسهم الامريكي الى صلاة العشاء تقريبا ثم استعد للنوم قبل انوم اشوف فلم، او بودكاست او حاجة خفيفة ثم اكرر الروتين. الوظيفة ماتخليك غني عكس التجارة زي ماذكر الرسول اللهم صلي وسلم عليه (تسعة اعشار المال في التجارة)

الذهاب للعمل ايام الأسبوع ساعات العمل طويله . وقضاء وقت رومنسي هادئ بعد ذالك جودة الوقت اهم من عدد الساعات بيت مرتب نظيف زوجة تقوم بترتيب الوجبه لزوجها نهايه الاسبوع قضاء وقت رومنسي مع الزوج السفر مهم لتجديد وتغيير الروتين

الذهاب للعمل ايام الأسبوع ساعات العمل طويله . وقضاء وقت رومنسي هادئ بعد ذالك جودة الوقت اهم من عدد الساعات بيت مرتب نظيف زوجة تقوم بترتيب الوجبه لزوجها نهايه الاسبوع قضاء وقت رومنسي مع الزوج السفر عند القدره مهم لتجديد وتغيير الروتين

احس الجلسة مع شريك الحياة بشكل يومي بعد المغرب و العشاء مع قهوة تصفي الذهن وتقوي العلاقة بين اي اثنين حتى لو صار اختلاف، او زعل بينهم، أحس هذا الروتين اليومين يقوي العلاقة بين شريكي الحياة والزوجين.

إيقاع هادئ يحافظ على العلاقة بدون ما يذيب الأفراد. من وجهة نظري (وبما يشبهني): يوميًا • مساحة هدوء قصيرة مع النفس (حتى لو 10 دقائق) • تواصل بسيط وصادق: سؤال حقيقي، ضحكة، اهتمام • احترام التعب بدون محاسبة أسبوعيًا • وقت مشترك له قيمة (مو مجرد جلوس) • ترتيب الحياة: مصاريف، مهام، تخطيط بهدوء • مساحة لكل شخص لهوايته بدون شعور بالذنب شهريًا • جلسة صراحة خفيفة: وش صار؟ وش نحتاج؟ • كسر الروتين (خروج، سفر قصير، تجربة جديدة) • مراجعة بدون جلد ولا تراكم

الزواج يفتح باب لا متناهي من المتعة على جميع الحواس؛ السمع والبصر والقلب والأنف واللسان… إلى آخره. يكون يومي مثالي بإشباع هذه الحواس مع من أحلها الله لي وأحلني لها. يبدأ اليوم بالصلاة والذكر وقبل ذلك ركعتين آخر الليل. فطور من يدها الكريمة. اودعها وأخرج للدوام وهي تتفرغ لنفسها وبيتها. أرجع من الدوام على أجمل طلة ورائحه منها ومن البيت. نتغدا سويا من طبخها اللذيذ. نتقهوى ونلعب فترة ثم نتعلم وندرس فترة. نروح سوا تحفيظ القرآن في ايام وربما النادي في ايام اخرى في الاسبوع. ثم ننام بالليل سعداء فرحين.

الروتين يكون بيت مملوء بالرضا والهدوء لست اجتماعيه افظل حياتي تقتصر على زوجي وانا فقط لا احب ان يكون لي علاقات كثيره مثل الجيران او الالتزام العائلي بشكل مستمر اكتفي بالجامعه فقط وباقي الايام لبيتي فقط

اصحى ٥ الفجر وبعد الصلاة والأذكار وكذا اشرب مويه واقرا كتاب ثم فطور ثم اشوف شغلي واذا ابي اغراض طلبتها اورحت اجيبها ثم الظهر الغداء ثم قيلولة ثم العصر تمارين ثم نروق مع بعض ونشوف اذا نحتاج نطلع والساعة ٨ اقفل الاجهزةوانظف الاشياء اللي توسخت واستعد للنوم السبت يكون يوم مخصص للتقضي وتنظيف الخضار والفاكهة وتجهيز البقوليات وطحن الاشياء والتنظيف الجمعة لزيارة الاهالي الخميس تنزه لنا كل شهر ممكن نستعين بخادمة تنظف كل شي بعمق

انا الاحظ ان الرجال هينا ماعندهم حرفيه في التعامل او طرح نفسه بطريقه سهله وجميله كلهم لما يتواصلو يتحدثو عن اشياء تخصهم هم في العلاقه وكيف يفرض طريقه التعامل معه مافيه سهوله في التواصل مثال يتحدث عن نفسه والاشياء الاساسيه وانا كذلك والباقي مع الوقت يظهر ويطرح بطريقه سلسه اثناء الحوار بالنسبه لي المرأه انعكاس لرجل انت سهل هين لين حنون ودود كريم حتلاقي منها نفس الشي انت عكس ذلك وجفص في التعامل لاتطلب منها تكون معك شخص لطيف او حنون هيا كذا المعادله فقط اسهل منها مافيه

التواصل و الجلسة مع شريك الحياة بشكل يومي بعد المغرب و العشاء مع قهوة تصفي الذهن وتقوي العلاقة بين اي اثنين حتى لو صار اختلاف، او زعل بينهم، هذا الروتين اليومي يقوي العلاقة بين شريكي الحياة والزوجين بنسبة عالية.

بقول الروتين الي اتخيله، نرجع من العمل ناكل سوا ونتفرج مسلسل مفضل لنا الاثنين واذا فيه مشاوير او شغل نسويه نخلصه وبعدها ننام. اما الويكند يكون روتين مختلف بحيث يكون متنزه وراحة لنا.

جدول وسط الاسبوع الجلوس مبكر - فطور - خروج للعمل - العودة اخذ راحة مع وجبة الغداء - استراخاء و دردشة مع الزوجة- المساء جلسه مع الزوجة لمتابعة اي شى او عمل نشاط - الذهاب النوم للدوام جدول نهاية الاسبوع تكون الترتيبات من عند الزوجة الانه نهاية الاسبوع ملك لها هي اللي تقرر

اجي من شغلي اعمل غدا طعم لي ولزوجي والقا زوج يستنا متى يرجع بيته ويرجع له بشوق لانه عارف انه البيت دا مكان مريح وسعيد وآمن لي وليه .. وقتها انا حكون بعطي واجباتي كلها بحب وحبدا روتيني اليومي من مسؤوليات البيت والتنظيف وغيرعا وانا سعيدة ومبسوطه ....

اممم نصحى الصباح نفطر يروح هو الدوام وارجع انا انام اصحى على الظهر اطبخ الغدا وانظف وانتظره يرجع نتغدا وياخذ غفوه يصحى بعدين نسوي شاي وقهوه وحلى مثلًا او مالح نشوف مسلسل او اي شي بالتلفزيون ونسولف ، وممكن مره بالاسبوع نطلع نتعشى ونتمشى ولو كنت موظفه ممكن فيه تغيير بسيط بالروتين بس هذا الي ببالي حاليًا

م فيه شي معين طبيعي بتكون ايام فيها ملل وهذا يدل ع الاستقرار ...لكن ببدا من الفجر بما اني م انام بعد الصلاه غالبا وانام الليل امشي شوي بالممشى بعدين النادي ولو خلص الاشتراك اتمرن بالبيت ...افطر ...ان كانت صاحيه نطلع مكان رايق ف الصباح ..الى الظهر ...ننام الظهر قيلوله. العصر دوام الى ١٠ ...ارجع عشا وفلم او اي سوالف الى ١٢ وانام ...

انا افضل اني ماقول روتين ولكن هو نمط حياة يعاش بمودة ورحمة وقلبين اتفقو على انهم يخلون حياتهم سعيدة وصحية مع بعض في ابسط الامور وهذا ينعكس عليهم باهتماهم ببعض وانهم يصنعون ذكريات سعيدة لكم كزوجين وكاباء مستقبليين لاطفالهم.

دوام للعصر ثم الرجوع لعش الزوجية وانتظار الزوج تحضير الغذاء الاشراف على تدريس الاولاد ان وجدوا باذن الله ثم ذهاب الاولاد للنوم والتفرغ لقضاء وقت جميل مع شريك العمر سواء بمشاهدة افلام او الخروج في نزهة وتناول عصير او مثلجات او قهوة والعودة قرب منتصف الليل والنوم استعداد لاستقبل يوم جديد سعيد

روتين أنا وهو موظفين يعني نطلع الدوام الصباح مجهز فطور وقهوة لنا نرجع ممكن هو يريح انا اجهز أكلنا للعشاء لم يصحى نشوف امورنا خلال اليوم كيف كانت واذافي مواضيع عائليه نتكلم فيها بعدها هو ممكن يطلع او يرتبط باصحابه وشغله وانا ممكن اروح النادي او أقابل احد من صحباتي او نطلع احنا مع بعض لنا يوم بالاسبوع مخصص لنا

تجي من الدوام إذا فيه أغراض للبيت تجيبها توصل البيت تتغداء إذا فيه وقت تريح العصر تجلس معى الزوجة وبعد العشاء تطلع أنت وزوجتك تتمشى أو تتعشى في مطعم وبعدها تروح لسينما ترفهو عن بعض او جلسة على البحر معى بعض الحوارات الممتعة وترجعو البيت وانتهى اليوم وأنتم مبسوطين 😂😂

نصحى الصباح للدوام، ونمشي النادي أو نفطر مع بعض قبل البداية. بعد الدوام، نطلع طلعة خفيفة، وبالبيت نسولف عن يومنا وننام بدري. بالويكند، نسهر ونخطط، نزور أهله وأهلي بالتناوب، وأحيانًا نخصص الويكند لنا ولطلعاتنا الخاصة

أجمل روتين ممكن نبدأه يومنا هو صلاة الفجر يعني على الساعه٤ نكون صاحيين، نصلي مع بعض نستفتح يومنا بذكر الله. بعدها نستغل الوقت الهادي قبل الدوامات نفطر ونخطط ليؤمنا بروقان، نوزع المهام بينا بكل حب. الصدق إن البدايه صلاة وفطور مشترك هي الي تخلينا فريق واحد وجاهزين نواجه أي ضغط بكل راحة بال. كل واحد يروح لشغله وهو مرتاح، وبنص اليوم ما ننسى بعض بكلمه حلوه تكسر روتين الشغل وتجدد الطاقه. ونختم يومنا بجلسه هاديه نسولف فيها عن يومنا ونخطط لبكره.

اقوم الفجر صلاه واذكار بعدها ارجع انام للصباح واقوم اسوي فطور خفيف نفطر وبعدها يروح الدوام وانا اقعد اروق اسوي قهوه وانظف واحط بخور واروح النادي بعدها ارجع اشتغل من البيت على شي كذا احبه وبعدها اجهز للغدا كذا ستيك او شي دلع واستقبله من الدوام ونتغدا ونشرب شاي ونروق ونقعد بالحوش/الشرفه نطالع شي بالتلفزيون بعدها عالعشا هو يطلع مثلا وانا مدري اطلع او اي شي وخلاص هذا يوم عادي جدا وهادي وجميل

استيقظ لصلاة الفجر - امشي قليلا - اتناول الفطور - اذهب الى العمل - وعند العودة ارتاح قليلا ثم اتناول العشاء - الجلوس مع الاهل ، ساعة مكتبية للقراءة في مجال التخصص وإنهاء بعض المهام المتعلقة بالعمل ، زيارة الوالدة ساعة للحديث معها وتفقد شؤونها، الجلوس مع الأسرة واحتساء كوب من القهوة مع قليل من الحلا ثم النوم

روتين طبيعي. الاستيقاظ باكر. وعمل فطور لي ولزوجي. ثم الانشغال باعمال المنزل من نظافه واهتمام ثم تناول وجبه الغداء ثم اخذ قيلوله بعدها يبدا يومنا والانتهاء من التزامات البيت وغيرها وبالليل ينتهي يومنا والنوم. وهكذا

روتيني اليومي بعد الزواج أتصوره في بيتي كملجأ وملاذ للأمان، حيث أشعر بالراحة سواء كنت بحاجة للضحك أو للصمت والهدوء. أحب أن نتبادل أخبار يومنا، نتحدث عن كل شيء بما فيه ما يزعجنا أو يقلقنا، لأن بالنسبة لي الزواج ليس علاقة سطحية، بل شراكة حقيقية قائمة على الصراحة، الدعم، والمودة.

ممم شي طبيعي مافي حياه مثاليه ... بس نقدر نحنا نشوف الشي الايجابي فيومنا ونفرح فيه عن نفسي ما احب الروتين الممل يعني عادي يوم اكون ام ويوم زوجه ويوم طفله ويوم صديقه الخ معرف اكون شي واحد طول العمر واحس اختلاف الادوار يخلق تنوع في الحياه اليوميه طبعا كلها لازم يكون فيها احترااااام للطرفين

ننام بدري ونصحى بدري نسولف وش حنسوي بيومنا كل واحد مننا يروح للنادي نرجع نسوي وجباتنا الصحيه نتاكد من ترتيب بيتنا نبخر نتابع شي سوا العصريه نزور اهلي او اهله كثييييير حاجات وكل يوم روتين متُغير وحياتنا دايماً حماس وطاقه ايجابيه

روتيني المثالي بعد الزواج يكون قائم على التوازن والشراكة. أبدأ يومي بهدوء واهتمام بالبيت، وكل واحد فينا يسعى في عمله وطموحه. أؤمن أن البيت يكون مكان راحة وسكينة، ووقت المساء يكون لنا نتشارك تفاصيل يومنا وندعم بعض. أحب تكون العلاقة مبنية على المودة والاحترام والتفاهم.

أحب وقتي يكون ممتلئ مابين النشاط والأسترخاء وأفضل كل منا تكون له هوايات وشغف ومساحة عن الثاني . أحب نبني طموحاتنا سوا وكل واحد في مجاله أحب أنجح وأحب اشوفه ينجح وأحب يكون مهتم كثير أننا نكبر مع بعض إلى مالا نهاية وتجمعنا أحاديث عن إنجازات اليوم واحبه يكون دااعم لي لأني أستاهل . ما أحب الاناني الي يشوف نفسه بس مايشوفني

أفطر وأطلع أداوم، أرجع على الغدا ونجلس ناكل سوا ونسولف عن يومنا. بعدها أرتاح شوي، وبالليل يكون وقتنا—مشوار خفيف، قهوة، أو جلسة هادئة في البيت. وأحب أوقاتنا تكون بسيطة ولطيفة، ممكن نتعشى ونتابع مسلسل أو فيلم سوا، نضحك ونتناقش عن الأحداث، جو هادئ يقربنا من بعض. أحب الزوجة اللي تهتم بزوجها، تتزين له، وتفرح برضاه. تحترم كلمته وتقدّر دوره، مو تنافسه. أبغى بيت فيه قناعة وراحة، ودلع بسيط بين زوجين يعرفون قيمة بعض

انا اصحى قبل الفجر احب تكون وجبة الافطار بدري بدري اذا كان عندي اعمال منزليه اديتها احب امشي تحت اشعة الشمس في بداية الصباح الغداء بعد الظهر و القهوه الساعه ٣ قبل صلاة العصر الساعه ٤ الى ٥ وقت مخصص لدار التحفيظ و بعدها ابداء تحضير لوجبة العشاء الساعه سبعه تكون بعدها احب اطلع امشي ساعتين و ارجع اشرب كوب من اعشاب احبها اقراء ما تيسر لي من اي كتاب من كتبي هذا الروتين الثابت ممكن احيان اغيره لمناسبه احضرها او جمعه عائليه او تمارين السباحه

- تجمعنا وجبة مع بعض بأي وقت نكون اثنينا موجودين فيه بالبيت أو برى. - عندنا وقت بوسط الدوام نتراسل فيه نفرغ شوي مشاعر وناخذ اخبار بعض. - أجهز له وجبة الفطور أو الغداء إذا ماراح يكون متواجد بالبيت. - بعد الدوام ناخذ كوب قهوة أو شاهي ونسأل عن أحوال بعض ونتكلم عن مشاعرنا وإلي عشناه بهذا اليوم. - إذا فيه وقت نلعب سيكونس، سكرو، كينكان، باصره، أي لعبة تجمعنا علشان نضحك وننبسط ونكسر روتين الدوام. - ياخذ وقته الخاص يسوي فيه ما يبي داخل أو خارج البيت. - نرتب تجهيزاتنا للدوام/ للطلعات ونستعذ بالله وننام

مشاركة طبخ وجبة الافطار> عمل> نادي نتمرن سوا سواء فالنادي او فالبيت > كواليتي تايم يومياً اسمع لها وتسمعني> نسوي عشا خفيف سوا مع موسيقى جاز هاديه واحيانا مصري ونشعللها.. احب تنظيم ايام الاسبوع واحب بعثرتها وكسر الروتين اذا طولنا

نحمس بعض نصحى الصباح نفطر...نسوي رياضة طبعا غير الفروض هدي شي اساسي... نحاول يكون في وجبة لنا لازم مع بعض في البيت نتبادل مفضلاتنا...افلام اغاني مسلسلات كتب قصص... تكون لنا حرفة تجمعنا نلجأ لها لما ننضغط في الشغل. اهم شي نحسس بعض اننا مرتاحين مع بعض...لكن لكل واحد مساحته الخاصة

استيقاظ الصباح افطار دوام بعد العوده من الدوام وجبة غداء جلسه رايقه على كاسة شاهي او قيلوله حسب الوضع العصر رياضه من الغرب الى الساعه 10 الليل جلسه مع الاهل او اكتمال مستلزمات البيت من الساعه 10 الى منتصف الليل جلسه خاصه مع الزوجه تعزز التقارب الفكري والجسدي وبعدها نوم

- عمل - عودة الى المنزل (راحة قصيرة) - مناقشة احوال الشريكة والبيت وخلافه - لا مانع من جولة قصيرة حول المنزل او في اقرب منتزه واستكمال التحدث حول ما يهمنا من مواضيع او مشاهدة ما نحب على الشاشات المختلفة او المساعدة في اعمال المنزل المهم حركة لطيفة خفيفة في اطار من المسئولية والمرح قدر المستطاع . مع الحفاظ على الصلاة بعض الفروض جماعة في المنزل

نصحى على دواماتنا نفطر مع بعض ونسوي لانش بوكس ارجع من الدوام وأجهز الاكل وبعدين يرجع زوجي ناكل ونسولف الخميس يومنا المفضل وخاص فينا لازم نطلع او نقعد بالبيت ونسهر مع بعض الجمعة لازم اصحى واسوي الفطور والسبت مساحة خاصة لكل واحد

أصحى معها بعد النوم و النوم بعدها،،*ممارسة العلاقة الجنسية كل فترة تحب ذلك..* أن تعلم بأنني أشتهي منها كل ما تحب فعلة بحرية ..* و كم أتمنى منها أن تبادلني و تشتهي مني أن أعلم أنها ستقوم بشئ تحبة و تريدة و تعلم أنني أشتهي أن أعلم بما ستفعل و ما تحب و تريدة و تشتهي مني و هي تعلم أنني أشتهي منها ما تريدة..* زوجتي ستستمتع و ترغب و تشتهي مني شهوتي لها و كم أحب حريتها المطلقة..* يكون لها الحرية فالبيت بالكامل أكون تابع لها و لها مني الطاعة ..* لها مني كل الوقت لكي تجدد نشاطها..* أكون لها فقط..*زوجتي

انا شخص اهتم جدا جدا بالاوقات اللي رح نقضيها مع بعض والروتين اللي اسويه من موعد الاكل ووقت القهوة والروقان والسوالف اهم شي الوقت اللي نقضيه سوا يقدر يعوض عن ساعات العمل مع المحافظة على مساحة شخصية اقدر اسوي اللي احبه وشريك حياتي يسوي اللي يحبه بدون مانكون ضاغطين ع بعض احترم المساحة الشخصية جدا

نصحى الصباح نفطر نلعب رياضه خفيفه إذا كان يوم عمل يروح الزوج لعمله أستمتع بنهاري وفي بيتي أجهز الغداء قبل عودته يرجع نتغدى سوى بعدها نقرر بنرتاح شوي او نطلع او نتقهوى حسب ، يكون لنا كل يوم ساعه نشاط نحب نسويه مع بعض مشترك نتواصل فيه بشكل جيد وفعال ، أما الويكند يكون مقسم بين الراحه الزيارات العائليه تخليص بعض الأشغال المتع الصغيره .

دوام بيت وجبة الغداء وقت راحه لكلا الطرفين نادي وقت لتبادل الأحاديث اليوميه بين الطرفين ومناقشة احتياج الاطرف متابعة افلام او مسلسلات مشتركه وجبة خفيفه وبعدها من حق الطرفين ممارسة حياته الشخصيه كمقابلة أصدقاءه ممارسة هوايات

أقوم قبل العمل بساعة ونصف ٤٥ دقيقة أتجهز فيها، ممكن أفطر أو لا أروح العمل، أرجع العصرية، أنظر في احتياجات المنزل وألبيها الآن أنا أذهب لمقهى معين بعظ العمل وأكتب إلى ١٠ الليل لكن عندما أتزوج، راح أقل فترة الكتابة إلى ساعتين فقط وأفضل إنها تكون في المنزل. فبعد العودة من العمل وتلبية احتياجات المنزل، تكون الكتابة، وبعدها تلبية احتياجات الأسرة والجلوس معها والاطمئنان ثم النوم باكرا قبل منتصف الليل وهكذا

نقوم الصباح ومصلين الفجر طبعا في وقتها، نقوم اذا الرجل بسوي رياضة، وبعدها نفطر في مطعم، ونتقهوى ونسولف ونتمشى ونغير جو ونزور اهالينا ونستمتع في هذه الحياة، دايما المشاركة جميلة، مثلا لو كنت لوحدك وبتزور مكان معين حديقة ولا منتزه ولا كوفي، بيكون عادي جدا يفرق كثير لما تكون مع زوجتك تتبادلان الحديث والسوالف وكذا

الاستيقاض الصباح تجهيز جلسه فطور وشاي للزوج كم قصه وحمواتي قفل الدوام وداعه بشكل جميل قبل ما يجي نجهز البيت الغدا الأولاد استقباله الخروج معه ان لازم لقضاء وقت جميل في الخارج زيارت الأهالي سوياً مشاركه الزوجه في حمل عبء المنزل والتخفيف عن الزوج في متاعب العمل

طبعاً انا ما اتخيل نفسي بعد الزواج اشتغل شغل لاحد ثاني يا عمل حر لي او صالون حقي اي شي خاص، نقوم الصباح هو يتجهز للدوام وانا اجهز فطورنا، نفطر سوا، يمشي هو دوامه وانا ارتب البيت واطلع الجم اخلص اشوف البزنس حقي جم ساعه واجهز اغراض العشا من يجي ع راحته يبي ينام يبي ياكل كل شي جاهز في هذا الوقت يا نقضي نص ساعه نشرب شاي او قهوه او نخليها بالليل وبالتالي كل واحد ع راحته كم ساعه يا ارجع اشوف البزنس حقي او اطلع او اي هوايه من هوياتي

الزواج يضيف مسؤوليات جديدة لكنه أيضًا يخلق روتين مفعم بالدفء والمشاركة. الجميل فيه أنه حتى الروتين اليومي البسيط يصبح فرصة للتقارب والدعم المتبادل..الاستيقاظ والنوم في وقت ثابت/ادارة الاعمال اليومية/مشاهدة برنامج او مشاركة العشاء مع الشريك /ممارسة المشي يوميا🌸

الروتين المثالي بالنسبة لي هو اللي يجمع بين الإنجاز، المشاركة، والخصوصية. أتخيل يومنا يبدأ بهدوء وتنظيم يساعدنا نركز في أشغالنا، وفي المساء يكون لنا 'وقتنا الخاص' بعيداً عن ضجيج العالم؛ نتبادل فيه أحاديثنا، أو نمارس هواياتنا. يهمني جداً أن يكون البيت مكاناً لتجديد الطاقة، بحيث يكون لكل واحد منا مساحته لممارسة ما يحب (مثل الرسم أو الأعمال اليدوية بالنسبة لي)، وفي نفس الوقت نخصص وقتاً ثابتاً لاهتماماتنا المشتركة، لأن الروتين الناجح هو اللي يقوي الترابط بدون ما يسبب ملل